Deputat Ceyhun Məmmədov “boz kardinal”ın qoyduğu qadağadan DANIŞDI  

Prezident Administrasiyasının sabiq rəhbəri, Azərbaycan Milli Elmlər Akademiyasının keçmiş prezidenti, Dövlət təltiflərindən məhrum edilən akademik Ramiz Mehdiyevin Ali Attestasiya Komissiyasına ünvanladığı məktubdan ziyan çəkənlərin arasında Dövlət qulluğunda çalışan şəxslərlə yanaşı millət vəkilləri də var imiş.

Ramiz Mehdiyev Dövlət qulluğunda çalışan şəxslərin elm ilə məşğul olmalarını  qadağan edən məktubu  yüzlərlə insanın  bu yolda addım atmaq istəyini əngəlləyib.Sən demə, illər öncəsi bununla bağlı R.Mehdiyevin imzası ilə Ali Attestasiya Komissiyasına müvafiq məktub da daxil olubmuş.Apardığımız araşdırmalar zamanı məlum oldu ki,bu,qərəzli qadağadan sonra yüzlərlə vəzifə tutan şəxs elmi işlə məşğul ola bilməmiş,onların bəzilərinin üzərində  təhqiqat apardığı elmi iş yarımçıq qalmış,alinlik dərəcəsi almaq  üçün müdafiə etmələri mümkün olmamışdır.

Ramiz Mehdiyevin bir məktubla Azərbaycan elminə vurduğu  zərbədən əziyyət çəkənlərədən biri də cəmiyyətə hər zaman açıq olması ilə seçilən millət vəkili Ceyhun Məmmədovdur.O,CityPost.az-a  Ramiz Mehdiyevin Ali Attestasiya Komissiyasına yazdığı məktubu ilə  bağlı deyib:

“Təəssüflə qeyd etmək istəyirəm ki,uzun illər öncə Ramiz Mehdiyevin AAK-ya ünvanladığı məktub əsasında bu günə kimi də  Dövlət məmurlarına və eləcə də,Milli Məclisin üzvlərinə fəlsəfə elmləri doktoru və elmlər doktoru  adı  almaq problem olaraq qalır.Mən özüm də 10 ilə yaxın bir çox elmlə məşğul olan insanlar kimi həmin problemdən əziyyət çəkmişəm.O zaman Dini Qurumlarla İş üzrə Dövlət Komitəsində çalışırdım.Buna görə haqsız yerə müdafiəyə buraxılmadım.AAK-nın rəhbər şəxsləri ilə görüşlər keçirəndən sonra  elmi iş müdafiə  etməyimə icazə verildi.Amma,sonrakı dövrdə buna dair rəsmi sənəd almağıma əngəl törədildi.Ramiz Mehdiyevin AAK-ya yazdığı məktuba görə,fəlsəfə doktoru olmağıma dair diplomumu almağım 10 ilə qədər bir dövrü əhatə etdi.

Sonuncu dəfə AAK rəhbərliyi ilə danışıqlar aparan zaman mənə açıq-aşkar  bildirildi ki,alimlik dərəcəsini almaq barəsindəki diplomu  əldə etmək üçün konkret olaraq tutduğum Dövlət qulluğundan könüllü azad olmalıyam.Nəhayət,2013-cü ilin əvvəllərində qərara gəldim ki, AAK-dan diplomumu əldə etmək üçün Dini İşlər üzrə Dövlət Komitəsindəki vəzifəmdən ayrılım.Yalnız vəzifəmdən  ərizəmlə uzaqlaşandan sonra illərlə əziyyət çəkib,elmi iş müdafiə eləməyimə dair diplomumu ala bildim.Onu da deyim ki, hətta Dövlət qulluğundan azad olunmağıma dair əmək kitabçamın surətini  təqdim etməyənə qədər AAK-dan diplomumu mənə vermirdilər.Ağrılısı odur ki,Ramiz Mehdiyev tərəfindən alimlik dərəcəsi almaq üçün Dövlət qulluqçularına və millət vəkillərinə qoyulan qadağa və məhdudiyyət  hələ də qüvvədədir.Mən hazırda ikinci doktorluq işimi yazıb,tamamlamışam.Amma,R.Mehdiyevin qərəzli məktubunu əsas gətirərək müvafiq orqandan mənə bildirirlər ki,siz millət vəkili fəaliyyətinizi davam etdirdiniz üçün müdafiəyə buraxıla bilməzsiniz.Maraqlısı odur ki, bu gün də AAK -da Ramiz Mehdiyevin məlum məktubunu əsas gətirərək Dövlət qulluğunda çalışanlara və millət vəkillərinə elmi işlə məşğul olmaq,elmi ad almaq imkanı verilmir.Mən özüm millət vəkili olmaqla yanaşı,həm də pedajoji fəaliyyətlə məşğulam.Mənim kimi anoloji fəaliyyətlə  məşğul olan həmkarlarım çoxdur.Lakin,millət vəkili olduqları üçün elmi işlə məşğul olmalarına AAK-ya yazılmış həmin məktub maneə yaradır.Həmin qərəzli məktub elmimizin inkişafına,elmə olan marağa,elmlə məşğul olmaq istəyən Dövlət strukturlarında çalışan insanların qarşısında bu gün də süni baryer yaradır.Bu problemlə üzləşmiş insan kimi  mən deyə bilərəm ki, elmlə məşğul olmaq istəyən Dövlət strukturlarında çalışan yüzlərlə istedadlı insanlar var,onlar  Dövlət üçün faydalı işlər ərsəyə gətirə bilərlər.Məhz,bu mənada hesab edirəm ki,Ramiz Mehdiyev tərəfindən elmin inkişafına qoyulmuş  qadağanın aradan qaldırılmasına ciddi ehtiyac var.

Həmçinin oxuyun

Vəzifəli şəxslər niyə tutulub?

İcra başçısı Süleyman Mikayılovun müavini həbs olundu 

Razi Nurullayev İmişlidə bazar açıb   - AÇIQLAMA

Elton Məmmədov ifşa olundu  

Mirzə