Ramiz Mehdiyev bu vəzifəsini itirdi
Hadisə 29 Noyabr 2025, 10:30
113
Azərbaycan Respublikasının Prezidenti yanında Heraldika Şurasının tərkibində dəyişiklik edilib.
CityPost.az xəbər verir ki,Modern.az saytının əldə etdiyi məlumata görə, akademik Ramiz Mehdiyev Azərbaycan Respublikasının Prezidenti yanında Heraldika Şurasının sədri vəzifəsindən uzaqlaşdırılıb.
Bir neçə gün öncə bununla bağlı müvafiq dövlət sərəncamı imzalanıb.
Qeyd edək ki, Prezidenti yanında Heraldika Şurasının 2006-cı ildə yaradılıb.
Hazırda adı çəkilən Şurada sədr müavini akademik Akif Əlizadədir.
Şuranın üzvləri aşağıdakı şəxslərdir:
Fərəh Əliyeva
Elçin Bağırov
Şahin Əliyev
Əbülfəs Qarayev
İsa Həbibbəyli
Ömər Eldarov
Gülçöhrə Məmmədova
Fərhad Xəlilov
Elbay Qasımzadə
Çingiz Abdullayev
Yaqub Mahmudov
Nailə Vəlixanlı
Həmçinin oxuyun
Heraldika Şurası müstəqil Azərbaycan dövlətinin rəmzlərinin mahiyyətini əks etdirən əsas heraldika atributlarının müəyyənləşdirilməsi, Azərbaycanın indiki orden, medal və döş nişanlarının heraldika nəzəriyyəsi baxımından təhlili və onların yeni tərtibatına aid təkliflərin hazırlanması, Azərbaycan dövlətinin bonistika (kağız pul) ilə bağlı əsas heraldika prinsiplərinin, medalyer sənətinə (medal, jeton, plaket və s.) dair konsepsiyanın və faleristika (orden, döş nişanı və s.) ilə bağlı başlıca heraldika prinsiplərinin, habelə Azərbaycanda qiymətli kağızların, digər xüsusi əhəmiyyət kəsb edən mühüm sənədlərin hazırlanması və çapı ilə əlaqədar ornamentlərdə əsas heraldika prinsiplərinin müəyyən olunması kimi məsələlərlə məğluldur.
Xatırladaq ki, bu, Prezident Administrasiyasının sabiq sədri Ramiz Mehdiyevin Noyabr ayında uzaqlaşdırlıdığı üçüncü vəzifədir. Bu günlərdə o, Azərbaycan Milli Ensiklopediyasının redaksiya heyətinin üzvü vəzifəsindən və Azərbaycan Respublikasının Dövlət Dil Komissiyası sədrinin müavini postundan da azad olunub.
Akademik Ramiz Mehdiyev Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
Bir müddət öncə Səbail rayon Məhkəməsində Ramiz Mehdiyev barədə cinayət işi üzrə qərar qəbul edilib. Məhkəmə xüsusilə ağır cinayət əməllərinə görə cinayət məsuliyyətinə cəlb edilmiş Ramiz Mehdiyev barədə verilmiş vəsatəti təmin edərək, 4 ay müddətinə ev dustaqlığı qətimkan tədbiri seçib.
87 yaşlı Ramiz Mehdiyev 1995-2019-cu illərdə Azərbaycan Respublikası Prezidentinin Administrasiyasının rəhbəri, 2019-2022-ci illərdə Azərbaycan Milli Elmlər Akademiyasının prezidenti olub. O, hazırda Azərbaycan Milli Elmlər Akademikasının həqiqi üzvüdür.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Samux sakinini Gəncədə elektrik cərəyanı vuraraq öldürüb
Samux sakinini Gəncədə elektrik cərəyanı vuraraq öldürüb. Samux rayon sakini, 1967-ci il təvəllüdlü Ceyhun Vəliyevi Gəncə şəhərində, transformatorun yanında elektrik cərəyanı vurması nəticəsində ölüb.Hadisənin digər təfərrüatları hələ məlum deyil.Faktla bağlı araşdırma aparılır.
29 Noyabr 2025, 10:24
Ötən gün 43 cinayətin üstü açılıb
Noyabrın 28-də Azərbaycanda qeydə alınan 39 cinayətin üstü açılıb.CityPost.az xəbər verir ki, bu barədə Daxili işlər Nazirliyinin mətbuat xidməti məlumat yayıb.Belə ki, əvvəlki dövrlərdən bağlı qalan 4 cinayətin açılması polis əməkdaşları tərəfindən təmin olunub.
29 Noyabr 2025, 10:21
Ata Abdullayev azadlığa çıxmaq istəyir
Bir neçə nəfəri şantaj etmə ittihamı ilə 7 illik həbs edilən bloqer Ata Abdullayev azadlığa çıxmaq istəyir.CityPost.az xəbər verir ki,“Qafqazinfo”nun əldə etdiyi məlumata görə, o, vaxtından tez sərbəst buraxılmaq məqsədilə məhkəməyə müraciət edib.Ata Abdullayev ərizəsində yazıb ki, təyin edilmiş həbs cəzasının 2/3 hissəsini çəkib, həmin müddətdə cəzaçəkmə müəssisəsində özünü nümunəvi aparıb. O, artıq islah edilmiş hesab edildiyindən qalan 2 il 5 aylıq cəzasını şərti çəkmək istədiyini qeyd edib.Məhkəmə Ata Abdullayevi vaxtından əvvəl azadlığa buraxmayıb. Onun ərizəsi geri qaytarılıb.Qeyd edək ki, Ata Abdullayev 2021-ci ilin martından həbsdədir....
28 Noyabr 2025, 16:19
Ermənistanda iki hərbçi minaya düşüb
Ermənistanın Vardenis rayonunda iki hərbçi minaya düşərək yaralanıb.Bu barədə Ermənistan KİV-ləri ölkənin Müdafiə Nazirliyinin mətbuat xidmətinə istinadən məlumat yayıb."Onlar xidmətdən kənar şəraitdə xəsarət alıblar və həyatları üçün heç bir təhlükə yoxdur", - nazirlikdən bildirilib.
28 Noyabr 2025, 14:21
DSX-nin əsgəri özünü güllələdi - İttiham edilən komandir sərbəst buraxıldı
Dövlət Sərhəd Xidmətinin Biləsuvar rayonunda yerləşən hərbi hissəsinin əsgəri Hüseyn Hüseynov özünü güllələyərək həyatına qəsd edib.CityPost.az xəbər verir ki, onun hərbi xidmət zamanı komandiri olmuş kapitan Səfəralıyev Mahmud Hikmət oğlu tərəfindən çoxsaylı təhqir və zorakılıq hallarına məruz qaldığından noyabrın 15-də intihar etdiyi bildirilib.Faktla bağlı hərbi prokurorluqda aparılan istintaq çərçivəsində kapitan Mahmud Səfəralıyev saxlanılıb. Sonra Cinayət Məcəlləsinin maddələri ilə ona ittiham elan olunub və 27.11.2025-ci il tarixdə barəsində həbs qətimkan tədbirinin seçilməsi üçün Cəlilabad Hərbi Məhkəməsinə müraciət edilib.Lakin Cəlilabad hərbi məhkəməsi əsgərlərə qarşı müxtəlif vaxtlarda qanunsuzluğa yol vermiş, buna görə Dövlət Sərhəd Xidməti tərəfindən də vəzifədən azad olunmuş kapitan Mahmud Səfəralıyev...
28 Noyabr 2025, 11:36
Tanınmış oftalmoloqla bağlı şikayət əsasında açılan cinayət işinə xitam verilib
Tanınmış oftalmoloq Cahid Şahbazovun etdiyi göz əməliyyatından sonra görmə qabiliyyətini itirən Humay Əliyevanın şikayəti əsasında başlanılmış cinayət işinə xitam verilib.APA-nın əldə etdiyi məlumata görə, buna səbəb onların arasında barışıq əldə edilməsi olub.Həkimin zərərçəkən şəxsə kompensasiya ödədiyi bildirilir.Qeyd edək ki, iyul ayında Humay Əliyevanın “Caspian İnternational Hospital”da oftalmoloq Cahid Şahbazov tərəfindən səhv diaqnoz qoyularaq göz əməliyyatı olunduqdan sonra görmə qabiliyyətini itirməsi ilə bağlı iddialar yayılıb.Faktla bağlı Səbail rayon Prokurorluğunda Cinayət Məcəlləsinin 314.1-ci (Səhlənkarlıq - vəzifəli şəxsin işə vicdansız və ya laqeyd münasibəti nəticəsində öz xidməti vəzifəsini yerinə yetirməməsi və ya lazımi qaydada yerinə yetirməməsi fiziki və ya hüquqi şəxslərin hüquqlarına və...
28 Noyabr 2025, 10:45
