Nadir Azəri: Mövcud şərtlər daxilində İslamabadın səyləri hələlik real nəticəyə çevrilmir
Siyasət 13 Aprel 2026, 10:57
7631
“Pakistanda ABŞ ilə İran arasında keçirilən danışıqların nəticəsiz yekunlaşması artıq müşahidə olunan reallığa çevrilib. Bu vəziyyət bir tərəfdən region ölkələrinin vasitəçilik təşəbbüslərinin artdığını göstərir, digər tərəfdən isə Vaşinqton və Tehran arasında dərin fikir ayrılıqlarının hələ də qalmaqda davam etdiyini ortaya qoyur.”
Bunu “Orta Asiya və Güney Qafqaz Söz Azadlığı Şəbəkəsi” (CASCFEN) İctimai Birliyinin sədri, siyasi şərhçi Nadir Azəri bildirib.
Onun sözlərinə görə, prosesin mahiyyəti dəyişməz olaraq nüvə razılaşması məsələsi ətrafında formalaşır: “2015-ci ildə imzalanmış Birgə Hərtərəfli Fəaliyyət Planı ABŞ administrasiyasının həmin dövrdəki siyasətinə uyğun olaraq İranın nüvə fəaliyyətinə məhdudiyyətlər qoyulması müqabilində sanksiyaların yumşaldılmasını nəzərdə tuturdu. Lakin 2018-ci ildə Vaşinqtonun bu razılaşmadan çıxması və ardınca sərt sanksiya siyasətinə qayıtması tərəflər arasında etimad mühitini ciddi şəkildə zədələdi və danışıqların əvvəlki məntiqini faktiki olaraq pozdu.”
N.Azəri qeyd edib ki, mövcud dalanın bir neçə əsas səbəbi var: “Əvvəla, tərəflər arasında etimad problemi sistem xarakteri alıb və hələ də aradan qalxmayıb. Üstəlik, son 40 gündən artıq davam edən hərbi gərginlik və müharibə elementləri bu etimadsızlığı daha da dərinləşdirərək tərəflər arasında mövcud çatları genişləndirib. Bu amil diplomatik dialoqun bərpasını daha da çətinləşdirir. Digər tərəfdən, İranın nüvə proqramı əvvəlki mərhələdən fərqli olaraq yeni səviyyəyə keçib. Beynəlxalq Atom Enerjisi Agentliyinin hesabatlarında uranın zənginləşdirilmə səviyyəsinin 60 faizə çatdığı qeyd olunur ki, bu da texniki baxımdan silah səviyyəsinə kifayət qədər yaxın göstərici sayılır. Bu isə ABŞ-ın təhlükəsizlik narahatlıqlarını artıraraq kompromis imkanlarını daraldır. Bununla yanaşı, regional və qlobal geosiyasi proseslər də danışıqlara birbaşa təsir edir. İranın Rusiya ilə əməkdaşlığının genişlənməsi və Yaxın Şərqdə müxtəlif təsir mexanizmlərindən istifadə etməsi Vaşinqton tərəfindən risk faktoru kimi qiymətləndirilir. Eyni zamanda, İsrailin sərt mövqeyi və mümkün hərbi ssenariləri gündəmdə saxlaması ümumi gərginliyi daha da artırır.”
Pakistan amilinə toxunan siyasi şərhçi bildirib ki, bu ölkə həm coğrafi, həm də siyasi baxımdan uyğun platforma kimi çıxış etməyə çalışır: “Pakistanın həm İranla qonşuluq münasibətləri, həm də ABŞ-la uzunmüddətli əməkdaşlıq təcrübəsi onu potensial vasitəçi kimi önə çıxarır. Lakin mövcud şərtlər daxilində İslamabadın səyləri hələlik real nəticəyə çevrilmir.”
Sonda N.Azəri vurğulayıb ki, hazırkı vəziyyət tərəflərin dərin kompromisə hazır olmadığını göstərir: “Görünən odur ki, həm ABŞ, həm də İran hələ də maksimalist yanaşmadan geri çəkilmir. Bu səbəbdən yaxın perspektivdə genişmiqyaslı razılaşmanın əldə olunması inandırıcı görünmür. Daha real ehtimal isə mərhələli və məhdud razılaşmaların müzakirəsi və ya mövcud gərginliyin idarə olunan formada davam etməsidir.”
Turan
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Meloni İlham Əliyevə təşəkkür etdi
İtaliyanın Baş naziri Corcia Meloni Azərbaycan Prezidenti İlham Əliyevə hökumət başçısı postunda ən uzun müddət qalması münasibətilə təbrikinə görə təşəkkür edib.Citypost.az xəbər verir ki, Meloni bu barədə "X" sosial şəbəkəsində yazıb."Təşəkkür edirəm, əziz Əliyev, bu sözlərə və xalqlarımızı birləşdirən səmimi dostluğa görə", - Meloni qeyd edib.O vurğulayıb ki, son illər ərzində İtaliya və Azərbaycan ortaq baxış və maraqlara əsaslanan möhkəm əməkdaşlıq qurublar."Strateji tərəfdaşlığımızın möhkəmləndirilməsi istiqamətində birlikdə gördüyümüz işlə çox fəxr edirəm və əminəm ki, qarşıda bizi xalqlarımızın maraqları naminə yeni mühüm əməkdaşlıq imkanları gözləyir", - İtaliya Baş naziri qeyd edib....
04 Sentyabr 2026, 20:33
Yaponiyaya atılan atom bombasında gizli “etməni izi”
Yaponiyaya atılan atom bombasında gizli “etməni izi”Amerika və Yaponiya, habelə Stalin və Trumen üz-üzəBəlkə də bu başlıq çoxlarına qəribə və gözlənilməz gələ bilər.Amma və lakin...Məsələ burasındadır ki, Türkiyə və SSRİ arasında zaman-zaman gizli və aşkar ziddiyyətlər mövcud olmuşdur. Bu konflikt 1945- ci ildən sonra özünün pik nöqtəsinə çatdı. Bəhanə də bu idi ki, guya türklər Qaradəniz, habelə Dardanel və Bosfor hövzəsində sərt rejim tətbiq etməkdədir. Bundan əlavə, Sovet rəhbərliyi yalana və şantaja əl ataraq Türkiyənin vaxtilə faşit İtaliyası ilə nasist Almaniyasına müəyyən məsələlərdə güzəştə getməsini iddia edirdi. Müharibədə böyük itki versə də, müttəfiqlərinin köməyi sayəsində qalib kimi çıxan SSRİ və onun...
04 Sentyabr 2026, 15:45
Əliyev və Pezeşkianın görüşü niyə diqqət çəkir? Politoloq səbəbləri AÇIQLADI
Politoloq Samir Feyruzov Azərbaycan Prezidenti İlham Əliyev və İran Prezidenti Məsud Pezeşkianın görüşlərindəki səmimiyyətə diqqət çəkib.Citypost.az xəbər verir ki, politoloq sosial şəbəkə hesabında paylaşım edərək iki liderin görüşlərinin diplomatik çərçivədən kənar, təbii və səmimi atmosferdə keçdiyini bildirib.“Diqqət etmişəm, İlham Əliyev və Məsud Pezeşkianın görüşlərində həmişə fərqli, şablondan kənar, qarşılıqlı sağlam gülüşlə müşahidə olunan, tamamilə təbii və əsl qardaşlıq nümunəsi sayılan səmimiyyət olub”, – deyə Samir Feyruzov qeyd edib.O bildirib ki, iki prezidentin görüşlərində diplomatik çalar axtarmağa ehtiyac görmür və qarşılıqlı münasibətlərdə səmimiyyətin ön planda olduğunu düşünür:“İki prezidentin görüşlərində heç zaman diplomatik çalar axtarmamışam, səmimiyyət həmişə öndə olub. Bir qucaqlaşmaq hər...
04 Sentyabr 2026, 09:37
Politoloq: Ankara yeni geosiyasi istiqamət seçir
1952-ci ildən NATO üzvü olan, 1987-ci ildənsə Avropa İttifaqına üzvlük üçün rəsmi ərizəylə müraciət edən Türkiyənin Çin-Rusiya-İran üçlüsünün yer aldığı Şanxay Əməkdaşlıq Təşkilatının (ŞƏT) tamhüquqlu üzvü olmağa can atması artıq rəsmi Ankaranın Qərb bloklarında perspektiv görmədiyinin növbəti dəlilidir.Ərdoğan addım-addım Türkiyəni Qərb bloklarına inteqrasiya siyasətindən qopararaq, ölkəsinin daha güclü və hörmətedilən ola biləcəyi Şərq blokuna çəkir və buna da nail olur. ŞƏT-in Bişkek sammitində, əslində, ən çox diqqət yetirilməli məsələlərdən biri İslam dünyasının liderliyinə iddialı iki ölkə rəhbərinin - həm Türkiyə, həm də İran prezidentlərinin Yaxın Şərqdəki İsrail işğalına qarşı ortaq mövqe nümayiş etdirmələri idi. ABŞ və İsrailin onilliklər boyu üz-üzə qoymağa, bir-birinə...
04 Sentyabr 2026, 08:45
Si Cinpin Pezeşkiyana niyə xüsusi diqqət ayırmadi? Heydər Oğuz səbəbləri AÇIQLADI
Şanxay Əməkdaşlıq Təşkilatının (ŞƏT) Bişkek sammitinin ən gözləniləməz və diqqətdən yayınan hadisəsi Çin Prezidenti Si Cinpinlə İran Prezidenti Məsud Pezeşkiyan arasında keçirilən bir neçə dəqiqəlik görüş olub. İran mediasının iddiasına görə, bu “xala xətrin qalmasın” görüşdə iki lider ölkələri arasında A-dan Z-yə qədər bir çox məsələləri müzakirə ediblər. Çin və Qərb mediası isə başqa şeylər deyir.Çinin rəsmi media orqanları Si Cinpinin digər liderlərlə görüşünə uzun-uzadı yer versələr də Pezeşkiyanla mütəvazi görüş barədə heç nə yazmayıblar. Qərb media orqanları isə etibarlı mənbələrinə istinad edərək bildiriblər ki, İran tərəfi əslində Si Cinpinlə geniş formatlı görüş keçirmək barədə düşünürmişlər. Amma Si Cinpin buna ehtiyac...
03 Sentyabr 2026, 11:34
Baş redaktor: İlham Əliyevi həmkarlarından heç kimlə müqayisə etmək olmaz
Azərbaycan Prezidenti İlham Əliyevin siyasi fəaliyyəti və liderlik keyfiyyətləri onun həmkarlarından fərqləndirən əsas xüsusiyyətlərdəndir.Bu barədə Yeni Azərbaycan qəzetinin baş redaktoru, Əməkdar jurnalist Alqış Musayev sosial şəbəkə hesabında paylaşım edib.Alqış Musayev bildirib ki, İlham Əliyevi digər dövlət başçıları ilə müqayisə etmək mümkün deyil.“İlham Əliyevi öz həmkarlarından kimlə müqayisə etmək olar? Heç kimlə! Onun fəaliyyəti rəsmi statusunun hüdudlarına sığmır. O, Böyük Liderdir”,** – deyə jurnalist qeyd edib.Əməkdar jurnalist paylaşımında “Böyük Lider” anlayışına da toxunaraq bildirib ki, əsl liderin özünəməxsus hekayəsi və keçdiyi yol olur.Onun sözlərinə görə, müasir dövrdə özünəməxsus siyasi hekayəsi olan dövlət rəhbərlərinə demək olar ki, rast gəlinmir. Bu baxımdan İlham...
03 Sentyabr 2026, 10:40
