DÜNYA BƏXTƏVƏRDİ GÜNƏŞ ÜZÜNƏ
Cəmiyyət 24 Oktyabr 2026, 07:13
424
Aynur Məmmədiyyə qızı Sofiyeva 19 iyul 1970-ci ildə Azərbaycanın dilbər guşələrindən biri olan Qax şəhərində anadan olmuşdur. 1977-ci ildə Qax şəhərindəki 1 nömrəli məktəbin ikinci (birbaşa) sinfinə daxil olmuş, 1986-cı ildə həmin məktəbi qızıl medalla bitirmişdir.
1986-cı ildə Bakı Dövlət Universitetinin jurnalistika fakültəsinə qəbul olmuşdur. 1991-ci ildə ali təhsilini fərqlənmə diplomu ilə başa vurmuşdur. 1997–2001-ci illərdə Bakı Dövlət Universitetində hüquqşünas ixtisası da almışdır.
1998–2000-ci illərdə Azərbaycan Əmək və Əhalinin Sosial Müdafiəsi Nazirliyində aparıcı, daha sonra baş hüquq məsləhətçisi vəzifələrində çalışmışdır. İkinci çağırış Azərbaycan Respublikası Milli Məclisinin deputatı olmuşdur. 1974-cü ildən idmanın şahmat növü ilə məşğul olur. 6 yaşında gənclər arasında rayon çempionu, 14 yaşında qızlar arasında, 15 yaşında qadınlar arasında Azərbaycan çempionu, 16 yaşında qızlar arasında SSRİ çempionu adını qazanmışdır. 20 yaşında tələbələr arasında dünya çempionu (2 qızıl medal), həmin ildə 20 yaşadək qızlar arasında dünya çempionatının gümüş medalçısı, 1993-cü ildə Azərbaycan komandasının tərkibində 26 yaşadək gənclər arasında dünya çempionatında gümüş medal qazanmış, bir çox beynəlxalq turnirlərin qalibi olmuşdur.1990-cı ildə Azərbaycanın ilk beynəlxalq qrosmeysteri, Islam dünyasında isə qadınlar arasında ilk beynəlxalq qrosmeyster adını qazanmışdır. 2002–2007-ci il tarixlərində Azərbaycan Şahmat Federasiyasının Prezidenti olmuşdur.
2007-ci ilin mart ayından etibarən Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədrinin müavini vəzifəsində çalışır.
Xəyallardan cənnət gördün yerləri,
Ziyarətin xəlvət gördün Pirlərin,
Anaların “ayaqaltı” sirlərin,
Dünya bəxtəvərdi Günəş üzünə,
Sülh adlı sevgiyə, barış sözünə!
Sən çiçək fəslisən, bahar gülüsən,
Bir elin sözüsən, elin dilisən,
Alqışların gur səsisən, zilisən,
Dünya bəxtəvərdi Günəş üzünə,
Sülh adlı sevgiyə, barış sözünə!
Sən Ayın nuruyla yollara çıxdın,
Quru səhralardan sulara çıxdın,
Öz Qaya ömrünlə “xal”lara çıxdın.
Dünya bəxtəvərdi Günəş üzünə,
Sülh adlı sevgiyə, barış sözünə!
Kürsü davaları hələ bitməyib,
Hələ içimizdən yağı getməyib,
Bu qoca dünyanı “qatı” örtməyib,
Dünya bəxtəvərdi Günəş üzünə,
Sülh adlı sevgiyə, barış sözünə!
Həmçinin oxuyun
Şahmatda əksin var – ağıl oynuna,
Hədəfdən-hədəfə nağıl oynuna,
Mülkü Süleymana “paxıl” oynuna,
Dünya bəxtəvərdi Günəş üzünə,
Sülh adlı sevgiyə, barış sözünə!
Həyatında sevic dolu əsim var,
Nəfəsində dünya boyda nəsim var,
Titrəyişin, həyacanın həzin var,
Dünya bəxtəvərdi Günəş üzünə,
Sülh adlı sevgiyə, barış sözünə!
Ana qəlbi bir məşəldi - əldədi,
Hörüklənən buludları teldədi,
Qələbəsi toy-büsatdı, eldədi,
Dünya bəxtəvərdi Günəş üzünə,
Sülh adlı sevgiyə, barış sözünə!
Massaget Tomrisin oxşarı xanım,
Şahmatın qalibi, əfşarı xanım,
Millətin, dövlətin aşkarı xanım,
Dünya bəxtəvərdi Günəş üzünə,
Sülh adlı sevgiyə, barış sözünə!
Əmir Pəhləvan
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Azərbaycan XİN BMT Günü ilə bağlı paylaşım edib
Azərbaycan Xarici İşlər Nazirliyi Birləşmiş Millətlər Təşkilatı (BMT) Günü ilə bağlı paylaşım edib.Citypost.az xəbər verir ki, nazirliyin “X” hesabında yayımlanan paylaşımda Azərbaycanın çoxtərəfliliyə, beynəlxalq sülh və təhlükəsizliyə, eləcə də dayanıqlı inkişafa sadiqliyini bir daha təsdiqlədiyi bildirilib.Qeyd olunub ki, Azərbaycan beynəlxalq əməkdaşlığın gücləndirilməsinə, dialoqun təşviqinə və hamı üçün daha dinc, ədalətli və təhlükəsiz dünyanın qurulmasına töhfə verməyə davam edəcək.
24 Oktyabr 2026, 11:12
Faktiki hava açıqlanıb
Milli Hidrometeorologiya Xidmətinin oktyabrın 24-ü saat 10:00-a olan məlumatına əsasən ölkə ərazisinin əksər yerlərində hava şəraiti yağıntılı keçib. Ayrı-ayrı yerlərdə yağıntılar leysan xarakterli intensiv və güclü olub. Şahdağ və Kəlbəcərin yüksək dağlıq ərazilərinə isə qar yağıb.Bu barədə APA-ya Milli Hidrometeorologiya Xidmətindən məlumat verilib.Bildirilib ki, qar örtüyünün hündürlüyü Şahdağda 3 sm-dir.Bakıda və Abşeron yarımadasında 7 mm-dək yağıntı qeydə alınıb.Respublikanın rayonlarında düşən yağıntının miqdarı:Kişçayda (Şəki) 47, Zaqatalada 44, Sarıbaşda (Qax) 17, Ağsuda 7, Xızı, Hacıqabulda 6, Qobustan, Oğuz, Balakən, Şamaxı, Qusar, Xınalıq, Saatlı, Quba, Xaltan, Şahbuz, Culfa, Ordubad, Gədəbəy, Göygöl, Şəmkir, Tovuz, Göyçay, Sabirabad, Salyan, Astara, Lerik, Şabran, Bərdə, Göyçay, Zərdab, Beyləqan,...
24 Oktyabr 2026, 10:32
Bakıda ilk kazinonun açılacağı tarix bəlli oldu
İlk Royale Kazinosu 2027-ci ilin may ayında Bakıda "Sea Breeze"də açılacaq.Citypost.az xəbər verir ki, bu barədə Vesti.az-a "Agalarov Development" şirkətinin prezidenti Emin Ağalarov məlumat verib."Royale Kazinosunun tikintisi tam sürətlə davam edir. Kazino 2027-ci ilin may ayında açılacaq", - deyə Ağalarov bildirib.90.000 kvadratmetrlik kazino Xəzər dənizinin Azərbaycan sektorunda, "Sea Breeze" kompleksinin daxilində süni yarımadada tikilir. Bina 35 metr hündürlükdə olacaq. Kazinonun iki mərtəbəsinin hər biri 10 metr hündürlükdə, günbəzin altında isə əlavə 15 metr olacaq.Kazinoda 12 VIP salon və beynəlxalq poker turnirlərinə ev sahibliyi edə biləcək bir əsas salon olacaq. Kazinoya giriş 21 yaşdan böyük şəxslər üçün nəzərdə tutulub.Kazinoda həmçinin konsert...
24 Oktyabr 2026, 09:12
Türkiyədə bələdiyyə sədri və oğlu saxlanıldı
Muğla Baş Prokurorluğu tərəfindən Muğlada Milas Bələdiyyəsinə qarşı aparılan istintaq çərçivəsində, barəsində həbs qərarı verilən 35 şübhəlidən 18-i həbs edilib."Unikal" Türkiyə mətbuatına istinadən xəbər verir ki, həbs olunanlar arasında Milas bələdiyyə sədri Fevzi Topuz və oğlu Doruk Topuz da var, 2 şübhəli ev dustaqlığına, 15 şübhəli isə məhkəmə nəzarəti altına alınıb.
24 Oktyabr 2026, 08:55
Akif Əyyubov vəfat etdi
Azərbaycanın tanınmış həkimi Akif Əyyubov vəfat edib.Citypost.az Oxu.az-a istinadən xəbər verir ki, həkimin ölüm səbəbi hələlik açıqlanmayıb.Qeyd edək ki, A.Əyyubov Ailə Sağlamlıq Mərkəzinin (ASM) bölmə müdiri vəzifəsində çalışıb. O, uzun illər tibb sahəsində fəaliyyət göstərib.
24 Oktyabr 2026, 08:43
Zəngəzur Milli Parkında Qafqaz bəbiri üç balası ilə kameralara düşüb
Zəngəzur Milli Parkında Qafqaz bəbirinin üç balası ilə görüntüləri qeydə alınıb.Citypost.az xəbər verir ki, görüntülər IDEA-nın rəsmi sosial media hesablarında paylaşılıb.Paylaşımda bildirilib ki, kadrlarda nadir vəhşi heyvanın balaları ilə birlikdə təbii mühitində hərəkət etdiyi anlar əks olunub.Qafqaz bəbirinin balaları ilə birlikdə görüntülənməsi bu nadir növün qorunmasının və təbii yaşayış mühitinin mühafizəsinin əhəmiyyətini bir daha ön plana çaxırır.
24 Oktyabr 2026, 08:19
