Bakıda Azərbaycan–Rusiya İşgüzar Şurasının iclası keçiriləcək
Cəmiyyət 16 Aprel 2026, 15:10
568
Azərbaycanın Rusiyaya investisiyalarının həcmi 1,2 milyard dollardır.
APA xəbər verir ki, bunu Azərbaycan Respublikası Baş nazirinin müavini Şahin Mustafayev Zəngilan şəhərində keçirilən Azərbaycan ilə Rusiya arasında iqtisadi əməkdaşlıq məsələləri üzrə Hökümətlərarası Komissiyanın 24-cü iclasında çıxışı zamanı deyib.
O qeyd edib ki, bu investisiyaların əhəmiyyətli hissəsi turizm və rekreasiya sahəsinə yönəlib və bu istiqamətdə müasir sanatoriya-kurort obyektlərinin yaradılması üzrə bir sıra mühüm layihələr həyata keçirilib. Bu layihələr çərçivəsində Yessentuki, Kislovodsk və Jeleznovodsk şəhərlərində obyektlər istifadəyə verilib.
Baş nazirin müavini vurğulayıb ki, Azərbaycan kapitalı Rusiyada emal sənayesində, o cümlədən Krasnodar diyarının ərzaq sektorunda da təmsil olunur.
Onun sözlərinə görə, bu, iki ölkə arasında iqtisadi əməkdaşlığın getdikcə daha dayanıqlı, şaxələndirilmiş və strateji xarakter aldığını göstərir.
Həmçinin oxuyun
Şahin Mustafayev əlavə edib ki, Azərbaycan şirkətləri Rusiyada keçirilən iri sahəvi sərgilərdə mütəmadi iştirak edir və bu da yerli məhsulların yüksək ixrac potensialını təsdiqləyir, Rusiya bazarında mövqelərin daha da möhkəmləndirilməsinə xidmət edir.
O həmçinin qeyd edib ki, Azərbaycan–Rusiya və Rusiya–Azərbaycan işgüzar şuraları sahibkarlar arasında birbaşa əlaqələrin inkişafına və birgə investisiya layihələrinin təşviqinə mühüm töhfə verir.
Şahin Mustafayev bildirib ki, yaxın vaxtlarda Bakı şəhərində Azərbaycan–Rusiya İşgüzar Şurasının iclası keçiriləcək.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
AAYDA: Bibiheybət yolunda bərpa işləri yekunlaşdırılıb
Azərbaycan Avtomobil Yolları Dövlət Agentliyi (AAYDA) intensiv yağıntıların fəsadlar yaratdığı Bibiheybət yolunda bərpa işlərini yekunlaşdırıb.Bu barədə Citypost.az-a qurumdan bildirilib.Məlumata görə, ərazidə mümkün əlavə risklərin qarşısını almaq üçün qabaqlayıcı və təhlükəsizlik tədbirləri də paralel şəkildə həyata keçirilib.Yolun dayanıqlılığının bərpası və hərəkətin təhlükəsizliyinin təmin edilməsi üçün genişmiqyaslı bərpa işləri aparılıb. "İnşaat Norma və Qaydaları"na uyğun olaraq yeni torpaq yatağı və yol əsası inşa edilib, daha sonra həmin hissəyə tələb olunan qalınlıqda yeni asfalt örtüyü döşənib. Bununla yanaşı, ərazi boyunca səth sularının effektiv şəkildə kənarlaşdırılması üçün xüsusi drenaj tədbirləri görülüb.Əraziyə cəlb olunmuş işçi qüvvəsi və xüsusi texnikaların fasiləsiz və operativ fəaliyyəti nəticəsində təxirəsalınmaz...
16 Aprel 2026, 16:43
“Azərkosmos”-un Nizamnamə kapitalı artırılıb
Nazirlər Kabineti 26 fevral 2022-ci il tarixli qərarı ilə təsdiq edilmiş "Kosmik Agentliyin ("Azərkosmos") Nizamnaməsi"ndə dəyişiklik edib.Citypost.az xəbər verir ki, bununla bağlı Baş nazir Əli Əsədov yeni qərar imzalayıb.Qərara əsasən, "Azərkosmos"un nizamnamə kapitalı 94 000 000 manat və yaxud 19,85 % artırılaraq 473 605 880 manatdan 567 605 880 manata çatdırılıb.
16 Aprel 2026, 16:30
DGK Ermənistandan mal idxalını şərh edib
Cari ilin mart ayında Niderland Krallığından 960 ABŞ dollar dəyərində qızıl gül idxal edilib.Bu barədə Citypost.az-a Dövlət Gömrük Komitəsindən bildirilib.Qeyd olunub ki, “Xarici ticarətin gömrük statistikasının nəşr olunması Qaydası”nın 3.3-cü bəndinə əsasən idxalda malın mənşə ölkəsi tərəfdaş ölkə hesab edildiyindən sözügedən qızıl güllər xarici ticarətin gömrük statistikasında Ermənistandan idxal edilən mallar kimi öz əksini tapıb.Qeyd edək ki, bu ilin I rübündə Azərbaycan Ermənistana 5 milyon 757.48 min ABŞ dolları dəyərində məhsul ixrac edib.Dövlət Gömrük Komitəsinin hesabatına əsasən bu dövrdə Ermənistandan Azərbaycana idxal olunan məhsulların dəyəri isə 960 ABŞ dolları təşkil edib.Qeyd edək ki, Azərbaycandan Ermənistana ötən ildən neft məhsullarının göndərilməsinə...
16 Aprel 2026, 16:21
Milli Bank BOKT-u cərimələyib
Mərkəzi Bank ləğv prossesində olan “Finoko” bank olmayan kredit təşkilatını (BOKT) inzibati məsuliyyətə cəlb edib.Citypost.az bu barədə AMB məlumat yayıb.Belə ki, tənzimləyici tərəfindən aparılan cari nəzarət prosesləri çərçivəsində qanunvericiliklə müəyyən edilmiş müddətdə hesabatların təqdim olunması və Məlumatların Elektron Açıqlanması Sistemi vasitəsilə ictimaiyyətə açıqlanması qaydalarının pozulması səbəbi ilə “Finoko” BOKT ASC (ləğv prosesindədir) 2000 manat məbləğində cərimə edilib.
16 Aprel 2026, 15:44
Bəxtiyar Məmmədov yüksək vəzifəyə təyin olundu
Naxçıvan Muxtar Respublikası (MR) Qida Təhlükəsizliyi Agentliyinin sədr müavini vəzifəsinə təyinat olub."Report"un yerli bürosunun məlumatına görə, muxtar respublikanın Baş naziri Cabbar Musayevin aprelin 16-da imzaladığı sərəncamla Bəxtiyar Məmməd oğlu İsmayılov Naxçıvan MR Qida Təhlükəsizliyi Agentliyinin sədr müavini vəzifəsinə təyin edilib.Qeyd edək ki, B.İsmayılov əmək fəaliyyəti dövründə Şahbuz Rayon İcra Hakimiyyətində və Naxçıvan MR Ali Məclisində çalışıb. O, müxtəlif illərdə muxtar respublikanın Dövlət Statistika Komitəsinə, Standartlaşdırma, Metrologiya və Patent üzrə Dövlət Komitəsinə, həmçinin Antiinhisar və İstehlak Bazarına Nəzarət Dövlət Xidmətinə rəhbərlik edib....
16 Aprel 2026, 15:26
Hikmət Babaoğlu "Şöhrət" ordeni ilə təltif edilib
Hikmət Baba oğlu Məmmədov “Şöhrət” ordeni ilə təltif edilib.Citypost.az xəbər verir ki, Prezident İlham Əliyev bu barədə Sərəncam imzalayıb.Qeyd edilib ki, o, Azərbaycan Respublikasının ictimai-siyasi həyatında səmərəli fəaliyyətinə görə bu ordenlə təltif edilib.
16 Aprel 2026, 15:15
