Qartımış ürək və ya sarsaqlığın anatomiyası   

Ağsaqqallıq böyük  bir missiyadır. Hər saqqalı ağ olana ağsaqqal demək olmaz. Ağsaqqal deyilən şəxs müdrik, sözükeçən, böyüklük etməyi bacaran, sözünün dəyəri olan, ətrafdakılar tərəfindən şəxsiyyət kimi qəbul edilən bir insan olmalıdır. Bəzi cəmiyyətlərdə axmaq olsa belə yüksək mənsəb sahibi olan adamı çoxları dahi zənn edirlər. İnsan özünə hansı dəyəri verirsə, digərləri də onu elə qəbul edir. 

Məsələn, AYB-nin sədri Anar gözəl bilir ki, vəzifədən getsə bir aydan sonra bu gün onun ətrafında olanlar özlərinə başqa sahib axtaracaqlar. Anarı cəmiyyət arasında ən çox hörmətdən salan adam isə Rauf Aslanovdur. Sələmçilik fəaliyyəti ilə məşğul olan R.Aslanov pul verdiyi adamlarla konflikt yaşadıqda Yazıçılar Birliyini tərəfə çevirir. AYB-də  R.Aslanov sədrin müşaviri olmaqla bərabər, həm də Mənzil Komissiyasının sədridir. Məhz, bu səbəbdən R.Aslanov AYB-nin bir neçə üzvü ilə mənzil məsələsinə görə problem yaşayıb. Onlar bildiriblər ki, illərlə növbəyə dayanıb gözlədikləri öz halal mənzillərini almaqdan ötrü R.Aslanov açıq-aşkar onlardan pul istəyib. R.Aslanovla yaranmış analoji problemlərə görə Z.Sarıtorpaq, İ.Qəhrəmanov, F.İsmayılov, K.Böyükçölm kimi istedadlı insanlar çıxış yolunu AYB-dən üz döndərməkdə görüblər. 

Qəribəsi odur ki, Anar özü də gözəl bilir ki, həmin şəxslərin problemi Anarla və ya AYB-nin digər vəzifəlisi ilə deyil, yalnız R.Aslanovladır. Amma, yenə R.Aslanova gözün üstə qaşın var demir. 

Bu yaxınlarda bir nəfər şəxs sələmçilik fəaliyyətinə görə R.Aslanovla arasında yaranmış problemi çözmək üçün Anarın yanında olub. Anar R.Aslanovu çağırıb bu biabırçılığa son qoymaqla məsələni həll etməyi tapşırıb. R.Aslanov ondan şikayətə gələn adamın yanında bir başa Anara deyib ki, “eləməyəcəm”. Yəni bu cavab o deməkdir ki, R.Aslanov hətta Anarı saymır,vecinə belə almır.

Həmçinin oxuyun

Prezident ailəsini şantaj edən Fərid Salmanov KİMDİR?

TƏBİB Səhiyyə Nazirliyinə birləşdirilir - İslahatlar DAVAM EDƏCƏK 

"Bütövlük nəğməsi"  - Sayman Aruzun ŞEİRİ

DAHİ – Şəmsi Vəfadarın YAZISI  

1997-ci ildən AYB üzvü olan, elə həmin vaxtdan bəri mənzil növbəsinə alınan tanınmış yazar İlham Qəhrəmandan R.Aslanov 3 otaqlı mənzil verilməsi üçün 150.000 manat tələb edib. Sabunçuda 20 kv metrlik zirzəmidə yaşayan İ.Qəhrəman məsələni ictimailəşdiyi üçün R.Aslanovun təkidi ilə  digər şikayət edə biləcək  yazarların gözlərini qorxutmaq üçün Anar tərəfindən məhkəməyə verildi. Bakı şəhəri Sabunçu rayon Məhkəməsi Anarın iddia tələbini təmin etsə də Bakı Apellyasiya Məhkəməsi qərarı ləğv etdi. Anar istedadlı şair İ.Qəhrəmanın həbs olunmasını və cərimə ödəməsini istəyirdi. İnsanlar bəzən elə adamlarla mabürizə aparırlar və anlamırlar ki, qalib gəlsələr belə məğlub sayılacaqlar. 

Bu günlərdə mətbuatda oxudum ki, Anar Əmək və Əhalinin Sosial Müdafiəsi Nazirliyinin keçmiş aparat rəhbəri külli miqdarda dövlətin əmlakını mənimsəmədə və dələduzluq etməkdə suçlanan və nəticədə 8 il, 6 ay həbsə məhkum olunmuş Əjdər Olun (Cəbiyevin) azadlığa çıxması üçün əfv komissiyasına müraciət edib. Qəribə məntiqdir ailə üzvləri ilə yaşamağa yeri olmayan, istedadlı bir yazıçının öz haqqını tələb etdiyi üçün AYB sədri, 88 yaşlı “ağsaqqal” tərəfindən həbsi tələb olunur. Yazıçılıqdan başqa hər işlə məşğul olan, mənimsəmə və dələduzluq cinayətlərinə  görə həbs olunmuş digər birinin isə azadlığa çıxması üçün əfv komissiyasına müraciət ünvanlayır.

Anarın Yazıçılar Birliyindən getməsinə, (ümumiyyətlə getməsinə) hamıya aydındır ki, saylı günlər, aylar qalıb. Onun Yazıçılar Birliyinin ömürlük sədri olmasını təklif edənlər də var. Mənə həqiqətən maraqlıdır... Görəsən, Anar başa düşmürmü ki, bu kimi təklifi edənlər əslində onunla məzələnirlər. Yaşlı adamdı, ola bilsin ki, həqiqətən O, təklif sahiblərinin səmimi olduğunu hesab edir. Anarın ətrafında gör nə qədər quyruq bulayanlar var. Bəs onlar nə üçün əsl həqiqəti ona anlatmırlar?

Dostluq və düşmənçilik Azərbaycan mühitində nəsildən-nəsilə keçir. Məsələn, atamız kiminləsə  dostluq edirdisə, mən və qardaşlarım da onunla dostluq edirik. Atamızın kiminləsə  münasibətləri soyuq idisə, bu gündə həmin münasibət eyni qaydada davam edir. Rauf Aslanov bir neçə ağır xəstəlikdən əziyyət çəkir, ürək əməliyyatı keçirib. Bədənində kardeostumliyator gəzdirir. Yaş həddi 70-i ötüb. Hər an həyatla vidalaşmaq ehtimalı var. Aman-zaman bir övladı var. Atalar deyib ki, əgər 1 düşmənin varsa çoxdu, 10 dostun varsa azdı. Görəsən Rauf müəllim düşünürmü ki, özündən sonra yeganə övladına dostdan çox düşmən qoyub gedir...