Azərbaycan qazının Serbiyaya çatdırılmasına dair müqavilə uzadılıb
Cəmiyyət 08 Aprel 2026, 15:07
241
Aprelin 8-də Azərbaycan Respublikasının maliyyə naziri, Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın həmsədri Sahil Babayev ölkəmizdə səfərdə olan Serbiya Respublikasının mədən və energetika naziri xanım Dubravka Djedoviç Handanoviçin rəhbərlik etdiyi nümayəndə heyəti ilə görüşüb.
Nazirlikdən Citypost.az-a verilən məlumata görə, görüşdə Azərbaycan ilə Serbiya arasında ikitərəfli əməkdaşlıq, o cümlədən enerji sahəsində əlaqələrin mövcud vəziyyəti və inkişaf perspektivləri müzakirə edilib.
Nazir Sahil Babayev iki ölkə arasında münasibətlərin strateji tərəfdaşlıq xarakteri daşıdığını vurğulayaraq, əməkdaşlığın möhkəm hüquqi baza və yüksək səviyyəli siyasi dialoq əsasında uğurla inkişaf etdiyini qeyd edib. Bildirilib ki, imzalanmış çoxsaylı sazişlər, Hökumətlərarası Komissiyanın və Strateji Tərəfdaşlıq Şurasının fəaliyyəti əlaqələrin genişləndirilməsi üçün əlverişli zəmin yaradır.
Enerji sahəsində əməkdaşlığın əsas istiqamətlərinə toxunan nazir 2023-cü ildən etibarən Azərbaycan qazının Bolqarıstan–Serbiya interkonnektoru vasitəsilə Serbiyaya çatdırılmasının tərəfdaşlığın mühüm nailiyyətlərindən biri olduğunu diqqətə çatdırıb. Qeyd olunub ki, bu çərçivədə imzalanmış müqavilə 2026-cı ilin sonunadək uzadılıb və hazırda qaz təchizatı həyata keçirilir.
Həmçinin oxuyun
Öz növbəsində, xanım D.Djedoviç iki ölkə arasında enerji sahəsində səmərəli və qarşılıqlı faydalı əməkdaşlığın möhkəmləndirilməsinin önəmini vurğulayıb. O, 2026-cı ilin fevral ayında imzalanan və Serbiyada qaz-turbin elektrik stansiyasının tikintisini nəzərdə tutan sazişin regionda enerji təhlükəsizliyinin gücləndirilməsinə mühüm töhfə verəcəyini bildirib.
Görüş zamanı, həmçinin neft və neft məhsulları, elektrik enerjisi, eləcə də yaşıl enerji və bərpa olunan enerji mənbələri sahəsində əməkdaşlığın genişləndirilməsi istiqamətləri ətrafında geniş fikir mübadiləsi aparılıb.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Opera və Balet Teatrında solistlərlə bağlı məsələyə aydınlıq gətirilib
Azərbaycan Dövlət Akademik Opera və Balet Teatrında ayrı-ayrı şəxslərlə bağlı qərarlar mövcud əmək münasibətləri, fəaliyyət xüsusiyyətləri və təşkilati zərurətlər nəzərə alınmaqla qəbul edilib.Citypost.az xəbər verir ki, bu barədə Teatrın Mətbuatın xidmətinin məlumatda qeyd olunub.Bildirilib ki, Xalq artisti Əvəz Abdullayev daimi yaşayış yeri Almaniyadır.“Bu səbəbdən onun teatr truppasında fasiləsiz əsaslarla fəaliyyət göstərməsi mümkün olmadığından, onunla bağlanmış əmək müqaviləsinə xitam verilib, bu kimi hallarda əməkdaşlığın layihə əsaslı, mülki-hüquqi müqavilə çərçivəsində, yəni konkret çıxışlar üzrə qonorar prinsipi ilə davam etdirilməsi daha məqsədəuyğun hesab olunur”, - məlumatda qeyd olunub.Qeyd edilib ki, Xalq artisti Yalçın Adıgözəlov Niyazı adına Dövlət Simfonik Orkestrinin bədii rəhbəri və baş...
08 Aprel 2026, 16:36
FHN: İntensiv yağışlarla əlaqədar fəsadların aradan qaldırılması və suçəkmə işləri davam etdirilir
Fövqəladə Hallar Nazirliyinin qüvvələri tərəfindən intensiv yağışlarla əlaqədar yaranan fəsadların aradan qaldırılması işləri ötən gecə və gün ərzində fasiləsiz olaraq davam etdirilib.Bu barədə Citypost.az-a FHN-in Mətbuat xidmətindən məlumat verilib.Hazırda Bakı şəhərinin Xəzər, Nizami, Qaradağ, Sabunçu, Suraxanı, Binəqədi və Səbail rayonlarında, Sumqayıt şəhərində, Abşeron, Xızı və Xaçmaz rayonları ərazisində müvafiq təhlükəsizik tədbirlərinin görülməsi, o cümlədən suçəkmə işləri həyata keçirilir.Qeyd edəki ki, yaranan fəsadların aradan qaldırılması tədbirləri FHN-in Mülki müdafiə qoşunlarının, Dövlət Yanğından Mühafizə və Xüsusi Riskli Xilasetmə xidmətlərinin, Sumqayıt və Şimal Regional mərkəzlərinin qüvvələri tərəfindən görülür....
08 Aprel 2026, 16:13
Rayonlarda yağıntı intensivləşəcək
Azərbaycanın əksər rayonlarında aprelin 9-da hava şəraitinin arabir yağıntılı olacağı gözlənilir.Citypost.az xəbər verir ki, bu barədə Milli Hidrometeorologiya Xidməti məlumat yayıb.Ayrı-ayrı yerlərdə yağıntının qısamüddətli intensivləşəcəyi, şimşək çaxacağı, dolu düşəcəyi gözlənilir.Bəzi dağlıq ərazilərdə qar yağacağı ehtimalı var.
08 Aprel 2026, 16:12
Prezident təqaüdçüsü olan bacılar Oksford və Kembric universitetlərinin magistraturasına qəbul olublar
Bakı Dövlət Universitetinin (BDU) Hüquq fakültəsinin IV kurs tələbələri, Prezident təqaüdçüsü olan Həmidə və Nəzrin Sadıqova bacıları “Times Higher Education” (THE) dünya universitetləri reytinqində ilk üçlükdə yer alan Böyük Britaniyanın Oksford və Kembric universitetlərinin magistratura proqramına qəbul alıblar.Universitetdən Citypost.az-a bildirilib ki, 2022/2023-cü tədris ilində BDU-nun Hüquq fakültəsinə 660.9 balla qəbul olunan Nəzrin Sadıqova Oksford, 660.2 balla qəbul olunan Həmidə Sadıqova isə Kembric Universitetində təhsilini davam etdirəcək....
08 Aprel 2026, 16:05
Nazir Anar Əliyev “Yüksəliş” müsabiqəsinin qalibləri ilə görüşüb
Əmək və əhalinin sosial müdafiəsi naziri Anar Əliyev Nazirlikdə Mentorluq Proqramını uğurla başa çatdıran dördüncü “Yüksəliş” müsabiqəsi qalibləri Nicat Qocayev, Eyyub Fətəliyev və növbəti 1 il ərzində Mentorluq Proqramına cəlb ediləcək beşinci “Yüksəliş” müsabiqəsi qalibləri İrşad Əsgərxanlı və Qoşqar Daşdiyev ilə görüşüb.Bu barədə Citypost.az-a ƏƏSMN-dən məlumat verilib.Nazir “Yüksəliş” müsabiqəsinin ölkəmizdə yüksək intellektual səviyyəyə, idarəçilik keyfiyyətlərinə malik perspektivli rəhbər şəxslərin müəyyən edilərək dəstəklənməsində, Kadr Bankının yaradılmasında mühüm rolunu vurğulayıb. O, müsabiqə qaliblərinin bilik və təcrübə imkanlarını artırmaları üçün Nazirlikdə zəruri şərait yaradıldığını, Mentorluq Proqramı çərçivəsində aparılmış işləri diqqətə çatdırıb.Nicat Qocayev, Eyyub Fətəliyev onların bilik və təcrübələrinin artırılması üçün Nazirlik tərəfindən yaradılan...
08 Aprel 2026, 15:42
Küləklə əlaqədar Zığ dairəsi-Hava Limanı yolunda sürət həddi endirilib
Hazırda Bakıda müşahidə edilən küləkli hava şəraiti ilə əlaqədar olaraq Zığ dairəsi-Hava Limanı yolunda bəzi zolaqlar üzrə sürət həddi 20 km/saat endirilib.Citypost.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzindən bildirilib.Bununla bağlı Mərkəzin əməkdaşları tərəfindən məlumat sürət tablolarında “güclü külək” işarəsi aktivləşdirilib. Sürücülərdən müəyyən olunan sürət həddinə əməl etmələri xahiş edilir.
08 Aprel 2026, 15:24
