Elnurə Abuşova: Xəstəxanalarda növbə və sistem problemləri ciddi narahatlıq yaradır

Xəstəxanalarda növbələrin yaranmasına səbəb həkim çatmazlığıdır. Məsələn, 20 nömrəli poliklinikada 2 ildir kardioloq yoxdur. Küsdürdülər gənc həkim xanımı çürük, yarıtmaz biznes idarəçiliyi ilə.

20 nömrəli Binəqədidə böyük ərazini əhatə edir. Oranın xəstələri yönəlir Nəsimidə 12 nömrəliyə. Növbəni, xaosu təsəvvür edirsiz?

 İkinci səbəb sistem açılmır, sığortaya daxil etsinlər, bu, saatlarla da çəkə bilir. Bilmirəm daxili problemdir, ya internet provayderləri zaydır. Vətəndaş gözləyir, həkim bekar oturur, sistem açılmadığı üçün hər ikisi vaxt itirir. Bu da əsəblərin tarıma təkilməsinə, narazılığa, aqressiyaya səbəb olur.

Hələ 20 il əvvəl Rusiyada sığorta kartları verilmişdi vətəndaşlara. Özlərində qalırdı o kart. Daha qapıda sığorta növbəsi olmurdu. Əvvəldən yazılmaqla həkimə gəlirdilər.  İnternet bu qədər işlək deyildi onlayn növbə olsun.

Çoxmu çətindir bütün xəstəxanalarda onlayn növbə olsun? Çoxmu çətindi sığorta kartı paylamaq? Niyə yarada bilmədilər?  Vaxt çox qiymətlidir. Ya xəstəxana növbələrində itir, ya da tıxacda...

Mənim TƏBİBin yeni rəhbərindən gözləntim budur ki, hər yerdə onlayn növbələr işləsin, "sistem işləmir" yarıtmazlığına son qoyulsun, həkimlər lazımsız kağız-kuğuz yazmaqdan azad olsun. Xəstə qalır kənarda, öncə blanklar yazırlar göstəri üçün. 

Həkimlər üçün cəzbedici mühit yaransın, dövlət xəstəxanalarında işləyib xalqa xidmət göstərsinlər. 

Keçən il bu barədə yazmışdım, həkimləri aldadıb xaricdən 5 min manat maaş və bonusla ölkəyə gətirdilər. 6 aydan sonra pulları kəsib onları 1200 manat+bonusla işləməyə məcbur etdilər. Sığortaya sorğu göndərdim, cavab gəldi ki, o bizdə 6 aylıq layihə idi,  bitdi... Xaricdə özünə güzəran quran həkimlərimiz  işini-gücünü atıb ailəvi  gəlmişdi. Çoxu qayıtdı. Bu layihə çərçivəsində  Lənkərana türk ürək həkimi, Sumqayıta da türk göz həkimi gəlmişdi. Bilmirəm qalırlar, ya qayıtdılar. 

Əslində çox savadlı həkimlərə vəzifə verib, xəstələrdən uzaqlaşdırmaq düzgün yanaşma deyil. Onlara yaxşı maaş verib potensialından istifadə etmək lazımdır.

Uzun oldu. Çalışaq bu aralar sağlam olaq, yolumuz xəstəxanalara düşməsin, çünki vəziyyət qarışıb😊

Mənim də özəl xəstəxanada işlərim var, amma Körfəz müharibəsinə görə analiz üçün bəzi reaktivlər gəlmir, olan da bitib, gözləyirəm.

Elnarə Abuşova

Jurnalist

Həmçinin oxuyun

TƏBİB-də yarpaq tökümü - Növbə Şahin Qurbanova çatır

Bayram Ali Çelikten  yazır  

Xalq yazıçısı Anar: “Bunu ilk dəfədir açıqlayıram...”

Şükranlıq içində və ya şükranlığa bələnmiş ADAM...