Şahin Qurbanov da soyadını dəyişir?...  

Citypost.az xəbər verir  ki, Manset.az-ın əldə etdiyi məlumata görə, TƏBİB-in Daxili nəzarət və monitorinq departamentinin rəhbəri Qurbanov Orxan Ənvər oğlu öz soyadını dəyişib. Onun bu addımı qurumun əvvəlki rəhbəri Vüqar Qurbanovla qohum olduğu üçün atdığı iddia edilir.

Onun soyadını dəyişərək Ənvərli etməsi öz vəzifəsini qoruması ilə əlaqələndirilib. 

Məsələ ilə bağlı sayt adıçəkilən Orxan Qurbanovla əlaqə saxlayıb. O, məlumatı təsdiqləyib:

“Mən soyadımı dəyişə bilmərəm? İstəmişəm ki, soyadım atamın adı ilə bağlı olsun. Ona görə dəyişib atamın adını götürmüşəm.Vüqar Qurbanovun isə qohumu deyiləm".

Daha sonra əməkdaşımızın “soyadınızı Vüqar Qurbanovun məsləhəti ilə dəyişmisiniz?” sualına isə cavab verməyib.

Citypost.az-a daxil olan məlumata görə TƏBİB-in sabiq icraçı derektoru Vüqar Qurbanov vaxtı ilə işə qəbul etdiyi və vəzifə verdiyi onun soyadını daşıyanlara və bilavasitə çətiri altında olanlara soyadlarını dəyişməklə də olsa, istənilən üsula əl atıb müxtəlif yollarla maskalanaraq vəzifədə qalmalarını tövsiyyə edib. 

Həmçinin oxuyun

TƏBİB-də yarpaq tökümü - Növbə Şahin Qurbanova çatır

Bayram Ali Çelikten  yazır  

Xalq yazıçısı Anar: “Bunu ilk dəfədir açıqlayıram...”

Şükranlıq içində və ya şükranlığa bələnmiş ADAM...  

Onun vəzifəyə gətirdiklərindən biri də İmişli Mərkəzi Xəstəxanasının direktoru Şahin Qurbanovdur. Şahin Qurbanov yerli mətbuatda sabiq rəhbərini “əyyaş”, “içki düşkünü” adlandırmış və “onunla bir stəkan çay da içməmişəm” deyərək hamını önləyib baltanı kökündən vuraraq onu ilk ifşa edən adam olmuşdu. Ardınca isə bir qədər də irəli gedərək Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyində vaxtı ilə bir yerdə işlədiklərini əsas gətirərək TƏBİB-in yeni icraçı direktoru Anar Bayramov barədə “Anar müəllim, öz adamımızdır” ifadəsini işlətmişdi. Bilmək olmaz, bəlkə elə bu da vəzifədə qalmaq üçün Şahin Qurbanovun digər bir maskalanma üsuludur. 

Maraqlıdır, bəs görəsən Şahin Qurbanov necə soyadını dəyişməyi düşünürmü? Axı o da Orxan Qurbanov kimi Vüqar Qurbanovla eyni soyadı daşıyır. Sözsüz ki, Şahin Qurbanovdan bu addımı gözləmək olar, ona görə ki, vaxtı ilə içki məclisləri təşkil etdiyi “ağsaqqalım” dediyi adamı oturduğu kreslosu soyumamış təhqirlərə məruz qoydu.

Əlbəttə,zaman-zaman vəzifəyə,pula görə ad,soyad və ata adını dəyişənlərlə,hətta,arvadının soyadına keçən ləyaqətsiz və soysuz sarsaq adamlarla rastlaşmışıq.

Bu yerdə adamın yadına tanınmış şair Oqtay Rzanın aşağıdakı şeiri düşür:

Yayılsın cahana qəlbimin səsi,

Yaralı ürəyim dərd oylağıdır. 

Dünyada xəbərin ən heyrətlisi,

Alçağın zirvədən boylanmağıdır. 

İmişli Mərkəzi Xəstəxanasının direktoru Şahin Qurbanovla əlaqə salxayıb, mövcud məsələyə dair (həqiqətən soyadını dəyişmək istəyib-istəməmək) fikirlərini öyrənə bilmədik. Ona görə ki, o, məqsədli şəkildə Citypost.aza məxsus şəhər və mobil telefon nömrələrini bloklayıb. Ş.Qurbanov bu kimi  hərəkətləri ilə jurnalistin peşə fəaliyyətinə açıqcasına mane olur. Bir daha Ş.Qurbanovun nəzərinə çatdırırıq ki, onun əməli Azərbaycan Respublikası Cinayət Məcəlləsinin 163-cü maddəsinin tələblərinə uyğun olaraq cinayət məsuliyyəti yarada bilər. 

Müşərrəfxanım