Buqələmun  - Şahin Qurbanovu da Vilyam Hacıyevin taleyi gözləyir?

İnsanın vəzifəsi səviyyəsindən qat-qat yuxarı, üstün olanda çox vaxt  adətən özünü apara bilmir, idarəetməni itirir.

Həyatda sıfıra bənzəyən insanlar da var. Onlar hər zaman qarşılarında hansısa bir rəqəmə ehtiyac duyurlar. Əks təqdirdə onlar heç kəsə və ya sıfıra çevrilirlər.

Saat zamanı göstərdiyi kimi, zaman da səbirlə hər şeyi öz süzgəcindən keçirərək kimin-kim olduğunu göstərir, ortaya qoyur.

Layiq oldu-olmadı özündən vəzifəlinin,varlının  gözünə girmək üçün onu həddindən artıq tərifləmək, ona yaltaqlanmaq-yalmanmaq, insanın kiçikliyini - yəni sıfır olduğunu göstərir. Böyük bir rayonun Mərkəzi Xəstəxanasının direktoru görəsən özünə necə sığışdırır ki, gedib kiminsə bağında kababçılıq etsin. Dünən bağında qonaq-qarasının kabab bişirdiyi adam vəzifədən uzaqlaşdırılan kimi, oturduğu kreslo hələ soyumamış onu "əyyaş", "içki düşkünü" adlandırsın...

Yəqin ki, bildiniz… Söhbət TƏBİB-in sabiq icraçı direktoru Vüqar Qurbanovun, ən sevimli kadrlarından olan İmişli Mərkəzi Xəstəxanasının direktoru Şahin Qurbanovdan gedir.Bu şəxs haqqında sosial şəbəkələrdə artıq kifayət qədər məlumatlar mövcuddur.  Citypost.az-da onun barəsəndə kifayət qədər faktlara, sübutlara və tutarlı dəlillərə əsaslanan xəbərlər verib.

Şahin Qurbanov mətbuatda ifşa ediləndən dərhal sonra dar çərçivədə toplantı keçirib. Tabeliyində olan həkimlərə hətta müqəddəs kitaba and içərək bildirib ki, V.Qurbanovun bağında guya kababçılıq etməyib… Şərdi,böhtandır.

Bu insan başa düşmək istəmir ki, onun barəsində söhbət gedən hərəkətlərinə dair fotolar mövcuddur. O fotoları biz çəkməmişik, onları bizə Şahin Qurbanovun özünün yaxın adamları təqdim ediblər. Əlimizdə Şahin Qurbanovun anoloji işlə məşğul olduğuna dair digər foto-şəkilləri də var. Sadəcə, etika naminə biz onları hələlik yayımlamağı peşəkarlıqdan uzaq hesab edirik. Yalançıdan nə üçün yalan danışdığını soruşmağa dəyməz, çünki O özünün haqlı olduğunu sübut etmək üçün açıqlama verərkən yenidən yalan danışacaq və bir qədər də alt qata düşəcək. Biz isə bunu istəmirik. Ona görə ki, artıq hər şey bəllidir.

Ş.Qurbanov barədə TƏBİB-in yeni rəhbər heyətində də onsuzda bizli-bizsiz kifayət qədər məlumatlar var. Şahin Qurbanov Anar Bayramov TƏBİB-ə icraçı direktor təyin edilən günün səhəri dar çərçivədə 5 dəqiqəlik keçirərkən Əmək və Əhalinin Sosial Müdafiəsi Nazirliyinin tabeliyindəki Dövlət Tibbi Sosial Ekspertiza və Reabilitasiya Agentliyində vaxtı ilə eyni dövrdə çalışdığı və orada çalışanların növbə ilə TƏBİB-də müxtəlif rəhbər vəzifələrə gətirilmələrinə rəğmən bildirmişdi ki, "Anar müəllim, bizim adamdı".

Görünür, Şahin Qurbanov Vüqar Qurbanovun bağ evində qonaqlara kabab bişirmək bacarığından savayı, həm də dövrün rənginə bürünmək  istedadına malikdir.

Bu yerdə Xalq şairi Qabilin aşağıdakı misralarını xatırlatmaq yerinə düşər:

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Kişi - kişi olar adam dolamaz,

Kişi təslim olar, quyruq bulamaz,

Min cür dona girib, vəzifə üçün…

Özgə qabağında boşqab yalamaz.

Citypost.az-a İmişlidən zəng edib Şahin Qurbanovun müavinlərindən birinin əli ilə ayrı-ayrı şəxslərdən xeyli miqdarda aldığı pulun müqabilində müxtəlif vəzifələrə və texniki işlərə təyin etdiyi və hələlik təyin edə bilmədiyi  adamların siyahısını göndəriblər. Həmin siyahıdakı  adların və alınan pulların məbləğini yaxın günlərdə tam araşdırma aparmaqla, dəqiqləşdirdikdən sonra ictimaiyyətə təqdim edəcəyik.

Belə getsə, yəqin ki, çox keçmədən Şahin Qurbanovun da səsi İmişli Rayon İcra Hakimiyyətinin sabiq başçısı Vilyam Hacıyev kimi, tezliklə müvafiq Dövlət Orqanlarının istintaq otaqlarından gələcək.

Müşərrəfxanım