İtaliyada Müqəddəs Jeromun məktubunda təsvir olunan IV əsr kilsəsi aşkar edilib  

Arxeoloqlar İtaliyanın şimal-şərqindəki qədim Roma şəhəri Altinoda IV əsrə aid kilsənin və ona bitişik yepiskop sarayının qalıqlarını tapıblar. “Popular Mechanics” yazır ki, kəşf Müqəddəs Jeromun 396-cı ildə qələmə aldığı məktubdakı məlumatları təsdiqləyir və Venesiyanın formalaşmasında rol oynamış altinolular­ın köçürülməsi tarixini bərpa etməyə kömək edir.

Citypost.az xarici KİV-lərə istinadən xəbər verir ki, Uzun müddət tədqiqatçılar Altinoda kilsənin mövcud olduğunu yalnız ehtimal edirdilər. Bu barədə Latın Kilsəsinin atası və Müqəddəs Kitabın Latın tərcüməsi “Vulqata”nın müəllifi Jerom şəhərin ilk yepiskopu Heliodorusa yazdığı məktubda bəhs edib. Lakin arxeoloji sübut yox idi. Məktubda qurbangah, divarlar, döşəmələr, pərdəli qapılar və müqəddəs qablar, həmçinin keşiş Nepotianusun məbədə qayğısı təsvir olunur.

Aşkar edilən bina bu təsvirə uyğundur. Kilsənin uzunluğu təxminən 30, eni 20 metrdir, şərqə yönəlib və planı Roma şəhərinin ənənəvi küçə şəbəkəsindən fərqlənir. Apsidin olmaması son antik dövrün şimal Adriatik kilsələrinin memarlıq xüsusiyyətlərinə uyğundur.Kilsənin şərqində yepiskop sarayının təməli üzə çıxarılıb. Qalıqlar onun örtülü qalereyası, daxili divarları və əlavələri olan iki mərtəbəli bina olduğunu göstərir. Tədqiqatçılar ehtimal edirlər ki, ikinci mərtəbə ruhanilər üçün otaqlar, birinci mərtəbə isə imtiyazlı təbəqənin dəfni üçün istifadə olunub. Tikintidə əvvəllər Roma yollarının döşənməsində işlənmiş daş plitələrin tərs çevrilərək istifadə edilməsi yepiskopun əhəmiyyətli təsirindən xəbər verə bilər, çünki Roma qanunları yolları ictimai infrastruktur kimi qoruyurdu.Venesiya Ka’Foskari Universitetinin qazıntı direktoru Dieqo Kalaon bildirib ki, ilk dəfə Altino kilsəsinin və yepiskop sarayının harada yerləşdiyini əminliklə demək mümkündür.Altino mühüm Roma şəhəri və limanı olub, lakin zaman keçdikcə əhəmiyyətini itirib, əhali və kilsə qurumları Venesiya laqunundakı Torçello adasına köçüb. Yerli kilsədəki yazıda bu hadisə 639-cu ilə aid edilir. Sonradan Rialto regionun inkişafında mühüm rol oynayıb və gələcək Venesiyanın nüvəsinə çevrilib.

Həmçinin oxuyun

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ  

Məcburi Sevginin Qurbanları…

Arxeoloqların fikrincə, bu, sakinlərin qəfil qaçışı deyil, iqtisadi və siyasi dəyişikliklərlə müşayiət olunan tədricən və mütəşəkkil keçid idi. Tərk edilmiş binaların daşları və kərpicləri sökülərək Torçello və Venesiyada tikintidə istifadə olunub. Çox güman ki, kilsə və yepiskop sarayının yoxa çıxmasına da materialların təkrar istifadəsi səbəb olub.Qazıntılar davam edir. Tədqiqatçılar məbəd kompleksinin yeni hissələrini, o cümlədən vəftizxananı aşkar etməyə və Altinonun ilk yepiskoplarının regionun xristianlıq tarixindəki rolunu araşdırmağa ümid edirlər.

Turan