Xəzər İbrahim ABŞ-də enerji təhlükəsizliyi ilə bağlı müzakirələrdə çıxış edib
Siyasət 22 Oktyabr 2026, 09:35
471
Azərbaycanın ABŞ-dəki səfiri Xəzər İbrahim Pensilvaniya ştatının Oyl Siti və Taytusvil şəhərlərində keçirilən Dreyk Forumunda iştirak edib.
Bu barədə Citypost.az-a Azərbaycan Respublikasının ABŞ-dəki Səfirliyindən bildirilib.
Məlumata görə, Oyl Siti şəhərində tarixi "Milli Tranzit Binası"nda ("National Transit Building") Milli Xalça Muzeyinin direktoru Əminə Məlikovanın "Xalçalarda xoşbəxtlik: Xalçanın insanı xoşbəxt etməsinin 10 səbəbi" kitabının təqdimatı və bu mövzuda şəhərin mədəniyyət icmasının nümayəndələri ilə görüşü baş tutub.
Sonra "Milli Tranzit Binası"nın yanında yerləşən "Boru Kəməri Keçidi"ndə ("Pipeline Alley") Azərbaycanın ABŞ-dəki Səfirliyinin təşkilatçılığı ilə qəbul təşkil olunub.
Qəbul çərçivəsində Azərbaycan şərabları və şirniyyatları qonaqlara təqdim edilib.
Qəbulun ardınca "Milli Tranzit Binası"nın sərgi zalında Azərbaycanın əməkdar rəssamı İrina Eldarovanın 2024-cü ildə Venesiya Biennalesində nümayiş etdirilmiş layihəsinin davamı olaraq, "Neft və İkona" adlı sərgisinin təqdimatı keçirilib.
Tədbirdə X.İbrahimlə yanaşı, Milli Xalça Muzeyinin direktoru Əminə Məlikova və Dreyk Enerji Forumunun prezidenti Endryu Teybler çıxış edib.
Həmçinin oxuyun
Tədbirdə həmçinin, 28 May – Müstəqillik Günü münasibətilə Bakı şəhərinin Səbail rayonu ilə qardaşlaşmış Oyl Siti şəhərinin meri Con Klak tərəfindən verilmiş bəyannaməyə qarşılıq olaraq, X.İbrahim tərəfindən ABŞ-nin və Oyl Sitinin 250 illiyi ilə bağlı bəyannamə oxunub və şəhərin merinə təqdim edilib.
Oktyabrın 20-də Dreyk Konfransının ikinci günü çərçivəsində X.İbrahim Forumun Dreyk Neft Quyusu Muzeyində keçirilən "Enerji, təhlükəsizlik və yeni qlobal iqtisadi coğrafiya" mövzusunda panel müzakirələrində iştirak və çıxış edib.
ABŞ Enerji Assosiasiyasının baş direktoru Vil Polenin moderatorluğu ilə aparılan panel müzakirələrində, həmçinin Avropa İnvestisiya Bankının Vaşinqton ofisinin strategiya və idarəetmə üzrə baş mütəxəssisi Katrin Bok, Atlantik Şurasının Qlobal Enerji Mərkəzinin direktor müavini Aleksis Harmon, "Berkshire Hathaway Pipelines" şirkətinin Pensilvaniya üzrə siyasət direktoru Don Hauser, "Horizon Engage" şirkətinin istehsal üzrə baş direktoru Maykl Nayts iştirak və çıxış edib.
Çıxışlar zamanı qlobal enerji bazarlarının hazırkı vəziyyəti və inkişaf tendensiyaları, mövcud münaqişələrin enerji təhlükəsizliyinə təsirləri, kritik mineral ehtiyatlarının təchizat zəncirlərində tutduğu yer, enerji diversifikasiyasının dəstəklənməsi istiqamətində investisiya layihələri ətrafında fikir mübadiləsi aparılıb.
X.İbrahim çıxışında Azərbaycan tərəfindən çətin siyasi turbulentlik şəraitində həyata keçirilən strateji enerji layihələri barədə tədbir iştirakçılarını məlumatlandırıb, enerji siyasətimizin resurslarımızın diversifikasiyası vasitəsilə müstəqilliyimizə, eləcə də regional əməkdaşlıq və sabitliyə yatırım edilməsinə əsaslandığını bildirib.
Panel müzakirələrindən sonra səfir tərəfindən Azərbaycan adından Dreyk Muzeyində yerləşdirilməsi planlaşdırılan xatirə lövhəsinin layihəsi tədbir iştirakçılarına təqdim olunub. Xatirə lövhəsinin layihəsinin Ulu Öndər Heydər Əliyevin əsasını qoyduğu strateji enerji layihələrimizin açılış mərasimləri zamanı neftin əlləri ilə üzünə çəkilməsi ənənəsinə vurğu etdiyi qeyd olunub. Lövhə layihəsinin Azərbaycan və ABŞ-də neft sənayesində çalışan insanların əl əməyinə, hər iki ölkənin ortaq neft irsinə, eləcə də dünyanın hər yerində təhlükəsizlik, əməkdaşlıq və inkişafa həsr olunduğu bildirilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Tural İrfan: “Türkiyə ilə münasibətlərin nizamını qorumaq vacibdir”
Pakistan və İraqın İranla sərhədlərini bağlaması barədə yayılan məlumatlar regionda gərginliyin artdığını göstərir.Citypost.az Məsələyə münasibət bildirən Milli Cəbhə Partiyasının sədr müavini, ilahiyyatçı-politoloq Tural İrfan sosial şəbəkə hesabında bu proseslərin mümkün nəticələrinə toxunub.T.İrfan yazıb ki, sərhədlərin bağlanması ilə bağlı məlumatlar ABŞ və İsrailin konkret addımlara qərar verdiyini göstərə bilər: "Pakistan və İraqın İranla sərhədlərini bağlaması haqda məlumatlar var. Bu və digər proseslər ABŞ və İsrailin konkret addımlara qərar verdiyi anlamına gəlir. İran ətrafında çəmbər daralır".Politoloq bu şəraitdə Türkiyə ilə münasibətlərin qorunmasının önəmini vurğulayıb: "Mümkün olduğu qədər Türkiyə ilə münasibətlərin nizamının qorunması vacibdir"....
22 Oktyabr 2026, 08:43
Elxan Şükürlü: "Qardaş ölkələr arasında nifaq salmaq istəyənlərə fürsət vermək olmaz"
Türkiyə Prezidenti Rəcəb Tayyib Ərdoğanın Azərbaycan Prezidenti İlham Əliyevə zəng vuraraq onu Ankaraya dəvət etməsi ictimai-siyasi dairələrdə geniş əks-səda doğurub.Citypost.az xəbər verir ki, məsələyə münasibət bildirən politoloq Elxan Şükürlü sosial şəbəkə hesabında bu addımı gərginliyin qarşısını almaq baxımından əhəmiyyətli sayıb.E.Şükürlü yazıb ki, atılan addım fitnənin böyüməsinin və münasibətlərin gərginləşməsinin qarşısını alacaq: "Fitnənin böyüməsinin və münasibətlərin gərginləşməsinin qarşısını alacaq ilk böyük addım atıldı: Türkiyə prezidenti Ərdoğan Azərbaycan prezidenti İlham Əliyevə zəng vurdu, onu Ankaraya dəvət etdi!"Politoloq qardaş ölkələr arasında nifaq salınmasına ümid bəsləyənlərə fürsət verilməməsinin vacibliyini vurğulayıb: "Ümmətin parçalanacağına, qardaş ölkələr arasında nifaq salınacağına ümid bəsləyənlərə və bunun üçün son günlər...
22 Oktyabr 2026, 08:40
Aygün Muradxanlı: "31 nəfərin Azərbaycana girişinə qadağanı Türkiyədəki dostlarım dəstəklədi"
Azərbaycana 31 Türkiyə vətəndaşının girişinə qadağa qoyulması mövzusu ictimai müzakirələrdə diqqət mərkəzindədir.Citypost.az xəbər verir ki, məsələyə münasibət bildirən jurnalist Aygün Muradxanlı sosial şəbəkə hesabında bu barədə Türkiyədəki tanışlarının fikirlərini bölüşüb.A.Muradxanlı yazıb ki, qadağa ilə bağlı Türkiyədəki dostlarından bəziləri ilə danışıb və onlar qərarı müsbət qarşılayıblar: "31 Türkiyə vətəndaşının Azərbaycana girişinə qadağa qoyulması ilə bağlı Türkiyədəki dostlardan kiminlə danışdım, dedilər, İlham Əliyevin əllərinə sağlıq, 31-i də türk, Türkiyə düşmənləridir. Onları elə Türkiyədən də çıxarmaq lazımdır"....
22 Oktyabr 2026, 08:34
İlqar Muxtarov Portuqaliyanın iqtisadiyyat üzrə dövlət katibi ilə görüşüb
Azərbaycanla Portuqaliya arasında investisiya imkanları müzakirə edilib.Citypost.az xəbər verir ki, bu barədə Azərbaycanın Portuqaliyadakı səfiri İlqar Muxtarov "X" sosial şəbəkə hesabında yazıb.Müzakirələr İ. Muxtarovla Portuqaliyanın iqtisadiyyat üzrə dövlət katibi Rui Ferreyra arasında aparılıb:"Portuqaliya Respublikasının İqtisadiyyat üzrə Dövlət Katibinə səmimi qəbula görə təşəkkür edirəm. Biz ticarət missiyalarının qarşıdan gələn səfərlərini və ikitərəfli investisiya imkanlarını müzakirə etdik. Həmçinin ticarət və iqtisadi əlaqələrin dərinləşdirilməsi zərurətini bir daha təsdiqlədik"....
22 Oktyabr 2026, 08:24
Politoloq Əliyev-Ərdoğan danışığına münasibət bildirdi: "Süni böhran geridə qaldı"
Xəbər verdiyimiz kimi, ötən gün Azərbaycan Prezidenti İlham Əliyevlə Türkiyə Prezidenti Rəcəb Tayyib Ərdoğan arasında telefon danışığı olub.Citypost.az xəbər verir ki, Politoloq Oqtay Qasımov ötən gün baş tutan danışıqla bağlı sosial şəbəkə hesabında fikirlərini bölüşüb. O yazıb ki, Azərbaycan və Türkiyə münasibətlərini pozmaq istəyənlərin arzuları gözündə qalıb: "İki ölkə prezidentlərinin telefon danışığı gerçəkləşdi və süni böhran geridə qaldı".Turan
22 Oktyabr 2026, 08:16
Aydın Quliyev Ərbakan tərəfdarlarının aksiya qərarına münasibət bildirdi
Türkiyənin Yenidən Refah Partiyasının sədri Fatih Ərbakanın Azərbaycana girişinin məhdudlaşdırılması ilə bağlı xəbərdən sonra Türkiyədə bu partiyanın tərəfdarları Ankaradakı Azərbaycan səfirliyi qarşısında aksiya keçirmək qərarına gəliblər. Citypost.az xəbər verir ki, bu barədə politoloq, "Bakı xəbər" qəzetinin baş redaktoru Aydın Quliyev sosial şəbəkə hesabında yazıb.A.Quliyevin sözlərinə görə, Nəcməddin Ərbakanın oğlu, Yenidən Refah Partiyasının sədri Fatih Ərbakanın Azərbaycana girişinin məhdudlaşdırıldığı barədə xəbər yayılan kimi o, Azərbaycan prezidentinə "kin dolu, qəzəbli" məktub yazıb: "Nəcməddin Ərbakanın oğlu, Yenidən Refah partiyasının başqanı oğul Ərbakanın Azərbaycana girişi məhdudlaşdırıldı. Xəbər çıxan kimi oğul Ərbakan Azərbaycan prezidentinə kin dolu qəzəbli bir məktub yazdı, tərəfimizdən layiqli cavabını da aldı".Politoloq...
22 Oktyabr 2026, 08:02
