Hakimlərin seçilməsi üç mərhələdən ibarət olacaq
Hüquq 16 Dekabr 2024, 20:21
18207
Hakimlərin seçilməsi test imtahanı, yazılı imtahan və müsahibə olmaqla, üç mərhələdən ibarət olacaq.
Bu, Prezident İlham Əliyevin tətbiqi barədə fərman imzaladığı “Məhkəmələr və hakimlər haqqında” qanuna dəyişiklikdə əksini tapıb.
Eyni zamanda ilk dəfə hakim vəzifəsinə təyin olunan şəxslər təyin olunduqdan dərhal sonra təlimə cəlb ediləcəklər.
Həmçinin oxuyun
Başqa sözlə, indiyə qədər qüvvədə olan qanuna əsasən, hakim vəzifəsinə namizədlər yazılı və şifahi imtahan əsasında seçilirlər. Namizədlərin seçilməsi üçün bu imtahanlar Hakimlərin Seçki Komitəsi tərəfindən təşkil edilir. İmtahanların nəticələri Hakimlərin Seçki Komitəsi tərəfindən qiymətləndirilir.
Hakimlərin Seçki Komitəsi bu işə özünün formalaşdırdığı ad hoc komissiya cəlb edə bilər. İmtahanlardan müvəffəqiyyətlə keçmiş namizədlər avtomatik şəkildə uzunmüddətli təlim mərhələsinə keçirilirlər. Təlim mərhələsi tədris müəssisəsində təşkil edilir. Təlim mərhələsinə keçirilmiş hakim vəzifəsinə namizədlərin iş yerləri və orta əməkhaqları saxlanılır. Təlim mərhələsinə keçirilmiş işləməyən namizədlərin maddi təminatını Məhkəmə-Hüquq Şurası həyata keçirir. Maddi təminatın məbləği Məhkəmə-Hüquq Şurası tərəfindən müəyyən edilir və dövlət büdcəsindən Şuraya ayrılmış vəsait hesabına ödənilir. Təlim mərhələsi başa çatdıqdan sonra hər bir namizəd qiymətləndirilir. Namizədin qiymətləndirilməsi tədris müəssisəsi tərəfindən təqdim olunmuş tədrisin nəticələri və namizədin Hakimlərin Seçki Komitəsi üzvləri ilə yekun müsahibəsinin əsasında həyata keçirilir. Namizədlərin qiymətləndirilməsi bal sistemi ilə aparılır. Namizədlər Hakimlərin Seçki Komitəsi tərəfindən topladıqları ballara uyğun sıralanırlar. Namizədlərin qiymətləndirməsinin nəticələri Məhkəmə-Hüquq Şurasına təqdim olunur. Məhkəmə-Hüquq Şurası namizədlərin vakant hakim vəzifələrinin sayına müvafiq olaraq hakim vəzifəsinə təyin edilməsi barədə Azərbaycan Respublikasının müvafiq icra hakimiyyəti orqanına təqdimat verir. Tədris kurslarını bitirmiş, lakin hakim vəzifəsinə təklif olunmamış namizədlər ədliyyə orqanlarına inzibati vəzifəyə və ya prokurorluq orqanlarına prokurorluq işçisi kimi xidmətə götürülə, hakim vakansiyası yarandıqda isə hakim vəzifəsinə təyin edilə bilərlər. Qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanda iştirak edə bilməzlər.
Yeni qanuna əsasən, hakim vəzifəsinə namizədlər test imtahanı, yazılı imtahan və müsahibə əsasında seçiləcəklər. İmtahanlar və müsahibə Hakimlərin Seçki Komitəsi tərəfindən təşkil olunacaq. İmtahanlar və müsahibənin nəticələri Hakimlərin Seçki Komitəsi tərəfindən qiymətləndiriləcək. Hakimlərin Seçki Komitəsi bu işə özünün formalaşdırdığı ad hoc komissiyanı cəlb edə bilər. Hakimlərin Seçki Komitəsi imtahanlardan və müsahibədən müvəffəqiyyətlə keçmiş namizədləri topladıqları ballara uyğun sıralayacaq. Namizədlərin qiymətləndirilməsinin nəticələri Məhkəmə-Hüquq Şurasına təqdim olunacaq. Məhkəmə-Hüquq Şurası namizədlərin vakant hakim vəzifələrinin sayına müvafiq olaraq hakim vəzifəsinə təyin edilmələri barədə müvafiq icra hakimiyyəti orqanının müəyyən etdiyi orqana (quruma) təqdimat verəcək. Qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanlarda və müsahibədə iştirak edə bilməzlər.
Vakant hakim vəzifələrinə namizədlərin seçilməsi qaydaları Məhkəmə-Hüquq Şurası tərəfindən müəyyən ediləcək.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
65 yaşlı işləyən şəxs sosial müavinət ala bilərmi?
65 yaşına çatmış vətəndaşların ən çox ünvanladıqları suallardan biri də sosial müavinət və pensiya hüquqları ilə bağlıdır. Xüsusilə işləyən şəxslər müraciət etdikdə sosial müavinətin onlara təyin olunmaması narazılıq doğurur. Mütəxəssislər bildirirlər ki, bu məsələdə qanunvericilik fərqli sosial təminat növlərini bir-birindən ayırır və hər birinin öz hüquqi əsasları mövcuddur.Citypost.az-ın məlumatına görə, vətəndaşlardan biri müraciətində bildirib ki, 65 yaşı tamam olsa da, işlədiyi üçün sosial müavinət almaq məqsədilə etdiyi müraciət qəbul edilməyib. Ona izah olunub ki, işləyən şəxs olduğu üçün sosial müavinət hüququ yaranmır.Mütəxəssislər qeyd edirlər ki, sosial müavinət əsasən qanunvericilikdə müəyyən olunmuş kateqoriyaya aid olan və müvafiq şərtlərə cavab verən şəxslərə...
23 İyul 2026, 09:18
Ana uşağa laqeyd yanaşırsa, məhkəmə nə qərar verir?
Boşanma zamanı azyaşlı uşağın hansı valideynin himayəsində qalacağı ilə bağlı qərar verilərkən əsas meyar valideynlərin istəyi deyil, uşağın üstün mənafeyidir. Mütəxəssislər bildirirlər ki, əgər ana uşağa lazımi qayğı göstərmirsə, onun sağlamlığı, təhlükəsizliyi və normal inkişafı üçün zəruri şərait yaratmırsa, bu hal məhkəmə tərəfindən ciddi şəkildə qiymətləndirilə bilər.Citypost.az xəbər verir ki,məhkəmə bu cür iddiaları formal şəkildə deyil, bütün sübutları araşdırmaqla qiymətləndirir. Tərəflərin izahatları dinlənilir, qəyyumluq və himayəçilik orqanlarının rəyi alınır, zərurət olduqda şahid ifadələri, məktəb və ya uşaq bağçasının məlumatları, tibbi sənədlər və digər sübutlar araşdırılır.Mütəxəssislər qeyd edirlər ki, əgər müəyyən olunarsa ki, ana uşağa qarşı laqeyd münasibət göstərir, ona lazımi...
23 İyul 2026, 08:27
Qeydiyyatda olan qohum evin satışına mane ola bilərmi?
Daşınmaz əmlakla bağlı ailədaxili mübahisələr Azərbaycanda ən çox rast gəlinən hüquqi problemlərdən biridir. Xüsusilə ev sahibinin mənzili satmaq istəməsi, lakin həmin ünvanda qeydiyyatda olan qohumların buna etiraz etməsi tez-tez mübahisələrə səbəb olur. Mütəxəssislər bildirirlər ki, belə hallarda əsas məsələ mülkiyyət hüququ ilə yaşayış yeri üzrə qeydiyyat anlayışlarının bir-birindən düzgün fərqləndirilməsidir.Citypost.az xəbər verir ki, vətəndaşlardan biri müraciətində bildirib ki, mənzil tamamilə onun mülkiyyətindədir və çıxarış da onun adınadır. Lakin qaynanası və ailə quran baldızı həmin evdə qeydiyyatda olduqları üçün mənzilin satılmasına mane olurlar. Müraciət müəllifini maraqlandıran əsas sual isə budur: ev sahibi mənzili satmaq üçün onların razılığını almalıdırmı?Hüquq sahəsində çalışan mütəxəssislər...
22 İyul 2026, 11:20
Maklerə verilən beh geri qaytarılmırsa, vətəndaş nə etməlidir?
Daşınmaz əmlak bazarında vətəndaşların ən çox üzləşdiyi problemlərdən biri maklerə və ya vasitəçiyə verilən beh məbləğinin sonradan geri qaytarılmamasıdır. Xüsusilə mənzil alqı-satqısı baş tutmadıqda, bir çox insanlar ödədikləri vəsaiti necə geri ala biləcəklərini bilmirlər. Hüquq mütəxəssislərinin fikrincə, bu kimi hallarda ilk növbədə behin kimə və hansı əsasla verildiyi araşdırılmalıdır.Citypost.az-ın məlumatına görə, Azərbaycan Respublikasının Mülki Məcəlləsinə əsasən, beh öhdəliyin təminat vasitələrindən biri hesab olunur. Beh müqavilə tərəflərinin üzərinə götürdükləri öhdəliklərin icrasını təmin etmək məqsədi daşıyır. Qanunvericiliyə görə, əgər satıcı müqavilənin icrasından imtina edərsə, aldığı behi ikiqat məbləğdə geri qaytarmalıdır. Əgər alıcı alqı-satqıdan imtina edərsə, verdiyi behi geri tələb edə bilmir.Lakin bu...
22 İyul 2026, 09:04
Sərxoş sürücünün törətdiyi ölümlə nəticələnən qəza: Qanun hansı cəzanı nəzərdə tutur?
Yol-nəqliyyat hadisələri ilə bağlı ən ağır hüquqi məsuliyyətlərdən biri sərxoş vəziyyətdə sükan arxasına əyləşən sürücülərin törətdiyi qəzalara görə tətbiq olunur. Xüsusilə belə hadisə nəticəsində insan ölümü baş verdikdə qanunvericilikdə nəzərdə tutulan cəzalar daha da sərtləşir.Citypost.az xəbər verir ki, hüquqşünasların sözlərinə görə, əgər sürücü alkoqollu içkinin, narkotik vasitələrin, psixotrop maddələrin və ya digər sərxoşedici vasitələrin təsiri altında avtomobil idarə edərkən yol hərəkəti qaydalarını pozub və ehtiyatsızlıqdan bir nəfərin ölümünə səbəb olubsa, bu əməl Azərbaycan Respublikası Cinayət Məcəlləsinin 263.1-3-cü maddəsi ilə qiymətləndirilir.Qanunvericiliyə əsasən, belə şəxs 5 ildən 8 ilədək müddətə azadlıqdan məhrum edilə bilər. Bundan əlavə, məhkəmənin hökmü ilə onun 5 il...
21 İyul 2026, 10:58
Valideynə baxmayan övladı hansı məsuliyyət gözləyir?
Cəmiyyətdə tez-tez rast gəlinən problemlərdən biri də əmək qabiliyyəti olduğu halda yaşlı və əmək qabiliyyətini itirmiş valideynlərinə maddi və mənəvi dəstək göstərməyən övladlarla bağlıdır. Bir çox hallarda insanlar düşünür ki, valideynə baxmaq yalnız mənəvi borcdur. Halbuki bu məsələ qanunvericiliklə də tənzimlənir və övladların valideynlərini saxlamaq öhdəliyi hüquqi məsuliyyət daşıyır.Citypost.az xəbər verir ki, hüquqşünasların sözlərinə görə, Azərbaycan qanunvericiliyində əmək qabiliyyəti olan yetkinlik yaşına çatmış övladların əmək qabiliyyətini itirmiş və maddi yardıma ehtiyacı olan valideynlərini saxlamaq və onlara qayğı göstərmək vəzifəsi açıq şəkildə nəzərdə tutulub. Valideynə qəsdən baxılmaması və onun saxlanılmasından boyun qaçırılması inzibati məsuliyyət yaradır.Mütəxəssislər bildirib ki, Azərbaycan Respublikası İnzibati Xətalar...
21 İyul 2026, 09:56
