Etibar Əliyev: “Azərbaycanda da İlbər Ortaylı səviyyəsində mütəfəkkirlər yetişib”  

Sabiq deputat, təhsil eksperti Etibar Əliyev sosial şəbəkədə diqqətçəkən paylaşım edib.

Citypost.az xəbər verir ki, o bildirib ki, cəmiyyətdə tez-tez “Niyə bizdə İlbər Ortaylı kimi mütəfəkkir yetişməyib?” sualı səsləndirilir. Ekspertin sözlərinə görə, Azərbaycanda da bu səviyyədə mütəfəkkirlər olub və onların adlarını çəkmək mümkündür.

Etibar Əliyev qeyd edib ki, akademik Azad Mirzəcanzadə, professor Rəhman Bədəlov, professor Qorxmaz Quliyev və professor Həsən Quliyev kimi ziyalılar ölkədə mühüm intellektual irs formalaşdırıblar.

Ekspertin fikrincə, əsas məsələ mühitlə bağlıdır. O vurğulayıb ki, Türkiyədə mütəfəkkirlərə böyük önəm verilir, onların iştirakı ilə görüşlər keçirilir, kitabları müzakirə olunur. Azərbaycanda isə bu ənənə kifayət qədər formalaşmayıb, nəticədə belə şəxslərin irsi lazımi səviyyədə öyrənilməyib.

Həmçinin oxuyun

DAHİ – Şəmsi Vəfadarın YAZISI  

Vüqar Qurbanovun gizli göstərişlərini Şahin Qurbanov icra edirmiş   

Həmid Herişçinin iç üzü açıldı

Aydınlığa aydınlıq gətirən... Unudulmaz Aydın Səlimzadə - ŞƏMSİ VƏFADAR YAZIR

Eyni zamanda paylaşımda bildirilib ki, bu gün artıq polimatların – yəni müxtəlif elm sahələrində dərin biliyə malik şəxslərin yetişməsi də çətinləşib. Etibar Əliyev əlavə edib ki, alimlərin vəfatından sonra onların kitablarının qorunmaması, şəxsi kitabxanaların dəyərinin bilinməməsi də ciddi problemlərdəndir.

O, hazırda Azərbaycanda geniş və funksional kitabxanaya malik ziyalıların sayının çox az olduğunu diqqətə çatdırıb.

Turan