Ədalət Verdiyev: Azərbaycan HHQ-ni müasirləşdirməyə davam edir

Hərbi ekspert Ədalət Verdiyev Azərbaycanın yaxın və orta perspektivdə Hərbi Hava Qüvvələrinin pilotlu və pilotsuz aviasiya vasitələri parkını intensiv şəkildə yeniləməkdə davam edəcəyini bildirib. Onun sözlərinə görə, paralel olaraq əldə edilən hava hücum vasitələri üçün müasir və idarəolunan sursatlar da əldə edilir.

Citypost.az xəbər verir ki, ekspert qeyd edib ki, bu məqsədlərlə Azərbaycan Türkiyə, İsrail, Çin, Pakistan, İtaliya, Sloveniya və s. ölkələrlə yaxından əməkdaşlıq edir. Son zamanlar Türkiyədən HALE tipli AKINCI PUA-ları, Pakistandan JF-17 THANDER BLOK 3 qırıcıları, İtaliyadan C-27J SPARTAN nəqliyyat təyyarələri və sadalanan vasitələrin sursat və servis dəstləri əldə edilib.

Ə.Verdiyev bildirib ki, bütün bunlar Azərbaycanın “Qafqazın Lider Ölkəsi” statusundan “Orta Güc” statusuna keçid etdiyini aşkar şəkildə nümayiş etdirir.O qeyd edib ki, belə bir vəziyyətdə Ermənistan seçiciləri mövcud olan sülh təşəbbüslərini qorumaq üçün davranışlarında çox diqqətli və həssas olmalıdırlar. Onun sözlərinə görə, Ermənistan xalqının əzab və iztirab dolu həyatına səbəb olan Koçaryan və ona bənzər şəxslərin hakimiyyətə gəlməsinə imkan verilməməlidir.

Ekspert vurğulayıb ki, bu fikirlər Azərbaycan dövlətinin nədənsə və ya kimdənsə çəkinməsi kimi yozulmamalıdır:“Bu sadəcə xəbərdarlıqdır. Ermənistan əhalisi əgər həqiqətən sülh deyil, müharibə istəyirsə, olan qalan resurslarını itirmək istəyirsə, o zaman revanshistlərə səs verə bilər.”

Həmçinin oxuyun

Bayram Ali Çelikten  yazır  

Xalq yazıçısı Anar: “Bunu ilk dəfədir açıqlayıram...”

Şükranlıq içində və ya şükranlığa bələnmiş ADAM...  

Prezident ailəsini şantaj edən Fərid Salmanov KİMDİR?

Ə.Verdiyev əlavə edib ki, Azərbaycan dövləti birmənalı olaraq sülh istəyir və bunun üçün ən vacib addımları atır, Ermənistan da buna adekvat cavab verməlidir. Onun sözlərinə görə, indiki vəziyyətdə Ermənistan hələ də dalanda “şpaqat” vəziyyətindədir və sülhün alternativi müharibədir.“Koçaryan erməni xalqını müharibə yolu ilə uçuruma aparmaq niyyətindədir. Ermənistan əhalisi Paşinyana və yeni konsultasiyaya müsbət səs verməklə regionda qalıcı sülhün əldə olunması üçün müsbət addım atmaq şansını düzgün dəyərləndirməlidir. Sülh ilk növbədə Ermənistana, sonra isə ümumilikdə regiona hava və su kimi lazımdır.”

O həmçinin qeyd edib ki, kənar qüvvələri regiondan uzaqlaşdırmaq üçün Qafqaz ölkələri, xüsusilə də Ermənistan qarşıdurma əvəzinə təhlükəsizlik və iqtisadi rifahın yüksəldilməsi barədə düşünməlidir.

Əli