Elxan Şükürlü: İsrail İran-Azərbaycan yaxınlaşmasının qarşısını almağa çalışır
Siyasət 22 Aprel 2026, 09:07
417
İsrail Azərbaycandan əl çəkmək istəmir: baxmayaraq ki, Azərbaycan və İran rəhbərliyi son 40 gün ərzində qarşılıqlı şəkildə münasibətləri yumşaltmaq və yaxşılaşdırmaq istiqamətində ardıcıl addımlar atır, bir-birlərinə təhlükə yaratmayacaqlarını açıq şəkildə bəyan edirlər, ancaq İsrail və ölkəmizdəki şəbəkəsi dayanmadan hər vasitəylə İran-Azərbaycan münasibətlərini gərgin atmosferdə saxlamağa, yaxınlaşma meyllərinin qarşısını almağa və cəmiyyətimizdə getdikcə formalaşan yeni ictimai rəyi müxtəlif dezinformasiyalarla dağıtmağa çalışır!
Bu gün İsrailin kəşfiyyat qurumlarının ənənəvi Qərb mediasında kütləvi şəkildə tirajlanan məlum bəyanatı (İranın Bakı-Ceyhan xəttinə təxribat törətmək istəməsi və İsrailin də bunu önləməsi) məhz bu məqsədə - Azərbaycanda İran təhlükəsinin böyük risk daşıdığına və İsrailin də, guya, bizi bu təhlükədən qoruyan əsas qüvvə olduğu fikrinin qorunub saxlanmasına hesablanıb!
Çünki ABŞ-İsrail ittifaqı İrana qarşı son əməliyyatlarında bir daha gördü ki, 35 il boyunca milyardlarla vəsait töküb müxtəlif partiyaların, ictimai təşkilatların, media resurslarının və ayrı-ayrı fərdlərin əliylə Azərbaycan ictimai rəyində formalaşdırdığı “İran sizin düşməninizdir” mifi işə yaramır, getdikcə dağılır və əvəzində isə “İsrail bizi öz oyunlarına alət etməsin” düşüncəsi ön plana çıxır!
Hazırda İsraili ən çox narahat edən də budur ki, Azərbaycan ABŞ-Israil koalisiyasının İrana qarşı əməliyyatlarında onlarla deyil, məhz İranı qoruyan Türkiyə və Pakistanla eyni cinahda yer alıb. Bu isə Türkiyə və Pakistanda çox yüksək olan anti-İsrail ovqatının yaxın gələcəkdə Azərbaycanda da arta biləcəyi ehtimalını yaradıb.
İsrailin bugünkü bəyanatı da, əslində, bu narahatlığa və Antalya forumundan Türkiyə prezidenti Rəcəb Tayyib Ərdoğanın bir fotoyla bütün dünyaya verdiyi mesaja gecikmiş cavabdır.
Azərbaycan dövləti, cəmiyyəti ayıq olmalı, çəkildiyimiz və hələ bundan sonra da çəkiləcəyimiz daha böyük fitnələrdən özünü qorumağı bacarmalıdır!
Böyük Həzrəti Əlinin (ə.) bu kəlamını isə heç kim unutmamalıdır: “Zalımın sonu yaxınlaşdıqca, zülmü artar, daha da azğınlaşar”.
Azğın düşmənlərin fitnəsini önləmək üçün indi həm İran, həm də Azərbaycan rəhbərliyi daha çevik və soyuqqanlı davranmalı, davamlı şəkildə İran-Azərbaycan əlaqələrini yaxşılaşdıracaq addımlar atmalıdırlar. Məsələn, bu addımlardan ən mühümü "Zəngəzur dəhlizi" hazır olanadək, İrandan keçəcək və artıq tikintisi yekunlaşmaq üzrə olan “Araz dəhlizi"nin tezliklə istifadəyə verilməsi və doğma Naxçıvanımıza gedib-gələn Azərbaycan vətəndaşlarına maneəsiz keçidin təmin edilməsi olar.
Hər halda, indi həqiqi dövlət ağlına və ümmət təəssübünə daha çox ehtiyac var, nəinki bölücü millətçiliyə.
Elxan Şükürlü
Siyasətçi
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Qulu Məhərrəmli: Müharibə ritorikasının davamı ən pis ssenaridir
ABŞ və İran arasında atəşkəsin davam etdirilməsi ilə bağlı hələlik yekun razılıq əldə olunmayıb. Tərəflər arasında gərginlik və sərt ritorika isə davam edir.Citypost.az xəbər verir ki, məsələ ilə bağlı yazan professor Qulu Məhərrəmli bildirib ki, Tehranı hədələyən Donald Trampın mövqeyi daha sərt görünür.O qeyd edib ki, müharibə ritorikasının davam etməsi ən təhlükəli ssenaridir və bölgədə sabitlik üçün ciddi risklər yaradır.Əli
22 Aprel 2026, 10:10
Vüsal Məmmədov: Trampın bəyanatlarına etimad qalmayıb
Jurnalist Vüsal Məmmədov ABŞ siyasəti ilə bağlı sərt açıqlama yazıbCitypost.az xəbər verir ki, jurnalist bildirib ki, son hadisələr Donald Trampın bəyanatlarının etibarlılığına ciddi şübhələr yaradıb. Onun sözlərinə görə, Trampın ilk baxışdan ciddi görünən sərt və kəskin açıqlamaları belə qısa müddət sonra dəyişə bilir.V.Məmmədov qeyd edib ki, əgər bu cür dəyişikliklər bir-iki dəfə baş versəydi, bunu “flexibility” kimi izah etmək olardı. Lakin onun fikrincə, Trampın tez-tez bir-birinə zidd açıqlamalar verməsi artıq fərqli yanaşma kimi deyil, etibarsızlıq kimi qiymətləndirilməlidir.Jurnalist əlavə edib ki, Tramp bütün məsələlərə birja prinsipi ilə yanaşır, bəyanatları ilə gündəmi dəyişir və daha sonra mövqeyini rahatlıqla dəyişir. Onun sözlərinə görə,...
22 Aprel 2026, 10:09
Elbəyi Həsənli:Rusiya təhlükəsi Azərbaycana yaxınlaşır
Rusiya təhlükəsi Azərbaycana yaxınlaşırAmerika–İran qarşıdurması təkcə Yaxın Şərqi silkələmir. Bu müharibə Moskvaya yeni fürsət yaradıb.Cənubi Qafqaz artıq lokal region deyil. Böyük güclərin açıq və gizli rəqabət meydanına çevrilib.ABŞ-da fəaliyyət göstərən nüfuzlu beyin mərkəzi – Center for European Policy Analysis analitiki Fuad Şahbazov yazır ki, Rusiya İran ətrafında yaranmış vəziyyətdən istifadə edərək regionda itirdiyi mövqeləri geri qaytarmağa çalışır.Qərb analitikləri də eyni fikirdədir:“America’s adversaries surely see the Iran war as a reciprocal opportunity”yəni ABŞ-ın rəqibləri bu müharibəni fürsət kimi görür.Başqa bir vacib vurğu:“The Iran war will have long-lasting geopolitical consequences”yəni bu müharibə uzunmüddətli nəticələr doğuracaq.Və ən önəmlisi:“Promising prospects have emerged amid the...
22 Aprel 2026, 08:55
Nazir Əhmədli: Tramp geri çəkildi, İran üstünlük qazandı
Yaxın Şərqdə baş verən son proseslərlə bağlı tədqiqatçı-alim Nazir Əhmədli bildirib ki, çoxsaylı müraciətlərdən və İsrailin Livana qarşı hərbi əməliyyatları dayandırması fonunda İran Hörmüz boğazını açmışdı. Lakin daha sonra ABŞ tərəfindən bölgədə təzyiqlərin artması və körfəzin blokadaya alınması cəhdləri vəziyyəti yenidən gərginləşdirib.Citypost.az xəbər verir ki, Nazir Əhmədlinin sözlərinə görə, buna cavab olaraq İran Hörmüz boğazını yenidən bağlayıb və Hindistana məxsus iki neft tankerini vurub.Tədqiqatçı qeyd edib ki, Donald Trampın elan etdiyi iki həftəlik atəşkəs müddəti bu gün başa çatıb. Planlaşdırıldığı kimi, ABŞ və İran nümayəndə heyətlərinin İslamabad şəhərində görüşü nəzərdə tutulsa da, İran tərəfi görüşə qatılmayıb.Onun sözlərinə görə, Tramp əvvəlcədən İranın...
22 Aprel 2026, 08:33
İrlandiya parlament nümayəndə heyəti Azərbaycanda səfərdədir
İrlandiya parlament nümayəndə heyəti Azərbaycanda səfərdədir.Bu barədə Citypost.az-a Milli Məclisin Mətbuat və ictimaiyyətlə əlaqələr şöbəsindən xəbər verilib.İrlandiya-Azərbaycan parlamentlərarası dostluq qrupunun rəhbəri Toni Mak Kormakın başçılıq etdiyi İrlandiya parlament nümayəndə heyəti bu gün Bakıda Zəfər parkında olub.Nümayəndə heyətinin üzvləri Zəfər parkını ziyarət edərək Zəfər abidəsi önünə güllər qoyublar. Qonaqlara Azərbaycan xalqının Vətən müharibəsində qazandığı möhtəşəm tarixi Zəfərin yaddaşlarda yaşadılması, şəhidlərimizin əziz xatirəsinin əbədiləşdirilməsi məqsədilə yaradılmış Zəfər parkı barədə məlumat verilib.Qonaqları Azərbaycan-İrlandiya parlamentlərarası əlaqələr üzrə işçi qrupunun rəhbəri Erkin Qədirli müşayiət edib....
21 Aprel 2026, 15:56
Turan Rzayev: Estoniya və Finlandiyanın sərhəd hazırlığı gələcək risklərə yönəlib
Politoloq Turan Rzayev Estoniya və Finlandiyanın sərhəd təhlükəsizliyi ilə bağlı həyata keçirdiyi tədbirləri şərh edib.Citypost.az xəbər verir ki, politoloq bildirib ki, Estoniyanın Rusiya ilə sərhəd boyunca tank əleyhinə xəndəklər qazması və Finlandiyanın 1340 km-lik sərhəd xətti üzrə müdafiə sistemlərini gücləndirməsi klassik hərbi hazırlıq nümunəsidir.T. Rzayevin sözlərinə görə, Estoniya xarici işlər naziri Margus Tsahknanın açıqlaması da rəsmi Tallinin hazırda Rusiyadan birbaşa hücum təhlükəsi görmədiyini göstərir. NATO üzvü olan Estoniya və Finlandiya Ukraynada baş verən müharibədən sonra təhlükəsizlik strategiyalarını yenidən qiymətləndirib və sərhəd müdafiəsini gücləndirib.Politoloqun fikrincə, görülən tədbirlər mövcud hərbi gərginlikdən daha çox mümkün gələcək ssenarilərə hazırlıq xarakteri daşıyır və ölkələrin “ilk...
21 Aprel 2026, 13:16
