Şahin Qurbanov yaxşı kabab bişirir... Xəstəxana direktoru ifşa olundu

Citypost.az-a daxil olan məlumata görə TƏBİB-in sabiq icraçı direktoru Vüqar Qurbanov vaxtı ilə işə qəbul etdiyi və vəzifə verdiyi, bilavasitə çətiri altında olanlara soyadlarını dəyişməklə də olsa, istənilən üsula əl atıb müxtəlif yollarla maskalanaraq vəzifədə qalmalarını tövsiyə edib. 

Onun vəzifəyə gətirdiklərindən biri də İmişli Mərkəzi Xəstəxanasının indiki direktoru Şahin Qurbanovdur. Bu həmin Şahin Qurbanovdur ki, yerli mətbuatda öz sabiq rəhbərini “əyyaş”, “içki düşkünü” adlandırmış və “onunla bu günədək bir stəkan çay da içməmişəm” deyərək hamını qabaqlayıb baltanı kökündən vuraraq onu ilk ifşa edən adam olmuşdur. Ardınca isə bir qədər də irəli gedərək Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyində vaxtı ilə bir yerdə çalışdıqlarını əsas gətirərək TƏBİB-in hazırkı icraçı direktoru Anar Bayramov barədə “Anar müəllim, öz adamımıdır” ifadəsini işlətmişdir. Bilmək olmaz, bəlkə elə bu da vəzifədə qalmaq üçün Şahin Qurbanovun digər bir maskalanma üsuludur. 

Şahin Qurbanov sabiq rəhbərin bağında kabab bişirərkən...

Bu kimi digər bəzi məsələlərə aydınlıq gətirmək üçün əməkdaşımız TƏBİB-in sabiq icraçı dırektoru V.Qurbanova yaxın çevrədən maraqlı xəbərlər əldə edə bilib. V.Qurbanov bildirib ki, insan vəzifədə olan zaman ətrafdakılar onu aydın görə bilir. Vəzifədən enəndən sonra isə sən ətrafdakıları aydın görə bilirsən. Yavaş-yavaş kimin kim olduğu mənim üçün aydınlaşır. Şahin Qurbanov kimi mənim tabeliyimdə yüzlərlə vəzifəli şəxs olub.

Həmçinin oxuyun

Şahin Qurbanov da soyadını dəyişir?...  

TƏBİB-də yarpaq tökümü - Növbə Şahin Qurbanova çatır

Bayram Ali Çelikten  yazır  

Xalq yazıçısı Anar: “Bunu ilk dəfədir açıqlayıram...”

Kabab bişirəndən sonra pivənin öz ləzzəti var...

O, jurnalistlə söhbəti zamanı mənim ünvanıma təhqiramiz ifadələr işlədərkən ilk növbədə özünün kimliyini ortaya qoyub. Ş.Qurbanov mənə “ağsaqqalım” deyə müraciət edən, ayaqqabılarımı cütləyən bir adam olub. İnsan ona edilən yaxşılığı belə asanlıqla unudursa, deməli o, təkcə yaddaşını deyil, həm də vicdanını itirib. Düz deyir, o mənimlə bu günədək bir stəkan çay da içməyib. Mən ona belə şans verməzdim axı... O, sadəcə bağda-bağatda, mənim təsərrüfat işlərini icra edib və bununla fəxr etdiyini söyləyirdi. Yaxşı kabab bişirməyi var... Biş-düşü, süfrə açmağı, qonaq-qara qarşılayıb yola salmağı, Allah tərəfi yaxşı bacarır. 

Bilirsiniz, onun haqqında çox söz deyə bilərəm. Amma, hər kəsin öz səviyyəsi var. Tutduğu mövqedən asılı olayaraq onun da öz ətrafı, ailəsi var axı... Elə şeylər var ki, açıqlamaq olmaz. Doğurdan da bəzi hallarda çox vaxt ən bahalı həyat dərslərini ən ucuz adamlardan alırsan. Əlbəttə, Ş.Qurbanov sözlərimdən nəticə çıxarıb lal-dinməz yerində oturmasa, yenidən həddini aşdığını eşitsəm daha sərt cavab alacaq. 

Müşərrəfxanım