Qəzzada uşaqlar yenə öldürülür

İsrail ordusunun bu gün səhər saatlarında Qəzza zolağının bombardmanı nəticəsində 33-ü uşaq, qadın və qoca olmaqla azı 50 fələstinli həyatını itirib.

CityPost.az xəbər verir ki, Fələstin Hökumətinin Qəzzadakı Media Ofisi İsrailin Qəzza zolağına həyata keçirdiyi zorakı hücumlarla bağlı açıqlama yayıb.

Bəyanatda deyilir: “İşğalçı İsrail ordusunun Qəzza zolağında müdafiəsiz mülki əhaliyə qarşı həyata keçirdiyi qanlı qətliamları ən kəskin şəkildə qınayırıq”. 

Açıqlamada İsrailin səhər saatlarında Qəzzaya hücumlarını gücləndirdiyi vurğulanıb və bu hücumlarda İsrail ordusunun birbaşa olaraq şorbaxanaları, mülki evləri, köçkün fələstinlilərin sığındığı sığınacaqları və xəstəxanaları hədəf aldığı qeyd edilib.

İsrailin Qəzza zolağında soyqırım cinayəti törətdiyinə diqqət çəkən açıqlamada bu gün səhər saatlarında İsrail ordusunun həyata keçirdiyi hücumlarda 33-ü uşaq, qadın və qoca olmaqla 50-dən çox fələstinlinin həyatını itirdiyi bildirilib.

Həmçinin oxuyun

Ədliyyə nazirinin müavini Rasim Həmidovu qəbul etdi   

Elgünün ölümü ilə  bağlı rəsmi şəxsdən açıqlama  +VİDEO 

Putin Trampla telefon danışığı iki saatdan çox davam edib

Davit İşxanyanın vaxtilə işğalda olmuş ərazilərdəki döyüş əməliyyatlarında iştirakı sübut edilib 

Bəyanatda İsrailin Qəzzada dinc əhaliyə qarşı qətl və aclıq silahlarından istifadə etdiyi vurğulanaraq, beynəlxalq hüquq və razılaşmaların açıq və sistemli şəkildə pozulmasına diqqət çəkilib.

Yeganə