Seçkilər Ermənistanı hansı yola aparacaq? Siyasi şərhçi AÇIQLADI

“Ermənistanda keçiriləcək növbəti parlament seçkiləri bir çox baxımdan ölkə üçün hər şeyin yenidən başlanması kimi dəyərləndirilə bilər. Bu seçkilər mahiyyət etibarilə köhnə ilə yeninin, işğalçılıqla sülhün, revanşizm ilə regional əməkdaşlığın, qapalı düşüncə ilə açıq və realist siyasətin mübarizəsi olacaq”.

Bunu Citypost.az-a “Orta Asiya və Güney Qafqaz Söz Azadlığı Şəbəkəsi” İctimai Birliyinin sədri, siyasi şərhçi Nadir Azəri deyib.

O, qeyd edib ki, əgər bu parlament seçkilərində Nikol Paşinyan və onun komandası xalqdan yenidən etimad ala bilsə, o zaman Ermənistanın uzun illər davam etdirdiyi dağıdıcı və avantürist siyasətdən mərhələli şəkildə imtina edəcəyi gözlənilir: “Bu halda Ermənistanın region və dünya ilə səmimi şəkildə inteqrasiyaya, qonşularla normal münasibətlərə və real siyasətə üstünlük verməsi üçün imkanlar yarana bilər. Bunun üşün isə Paşinyan ona qarşı büün cəbhələrəd hücuma keçmiş Rusiya yönümlü qüvvələrə qalib gəlməyi bacarmalıdır. Əks halda Ermənistanı yenidən qaranlıq və fəlakətli gələcək gözləyir”.

N.Azərinin sözlərinə görə, digər və olduqca vacib məqam ondan ibarətdir ki, seçkilərin nəticəsi təkcə siyasi hakimiyyətin dəyişməsi ilə məhdudlaşmayacaq: “Əgər Paşinyan komandası qalib gələrsə, bu, eyni zamanda siyasətin, dini institutların və ümumilikdə cəmiyyətin müəyyən mənada təmizlənməsi prosesinin başlanğıcı ola bilər. Siyasətin təmizlənməsi o deməkdir ki, Ermənistanda Kremlin deyil, məhz Ermənistanın maraqlarına xidmət edən siyasi qüvvələr ön plana çıxacaq. Dinin təmizlənməsi isə uzun illər Rusiyanın sifarişi ilə anti-türk və anti-region siyasətinə ideoloji-dini don geyindirən kilsə strukturlarının təsirinin zəiflədilməsi deməkdir. Ermənistan Qriqoryan Kilsəsinin xarici kəşfiyyat mərkəzlərinə, daha da dəqiqləşdirsək Rusiyaya xidmət edən, dini siyasi alətə çevirən şəxslərdən təmizlənməsi və dini yalnız din üçün təmsil edən, ləkələnməmiş simaların önə çıxması vacibdir”.

Vurğulanıb ki, nəhayət, bu seçkilər Ermənistan cəmiyyətinin də ayılmasına və reallıqla barışmasına səbəb ola bilər: “Ermənistan cəmiyyəti başa düşməlidir ki, boş “soyqırımı siyasəti”, türk torpaqları hesabına “böyük Ermənistan” qurmaq xülyaları onlara yalnız məğlubiyyət, təcrid və yoxsulluq gətirib. Reallıqla barışmaq və Cənubi Qafqazda davamlı sülh üçün səmimi səylər göstərmək Ermənistan üçün yeganə çıxış yoludur”.

Həmçinin oxuyun

Milli Məclisin növbəti iclasının vaxtı və gündəliyi açıqlanıb 

"Təhsilin bərbad vəziyyətə salınması insanın ürəyini sızladır"  - Fazil Mustafa

İcra başçısının köməkçisi işdən çıxarıldı - Sərxoş halda... 

Deputat ixtisarlardan narahatdır - VİDEO

Turan