Asif Nərimanlı: Epşteyn dosyaları qlobal siyasət və güc oyunlarını üzə çıxarır

Son illərdə Jeffrey Epşteynin adı dünya mediasında tez-tez hallanır. Onun villalarında baş verən hadisələr, yüksək səviyyəli siyasətçilər və iş adamları ilə yaxın münasibətləri, həmçinin yayılan sənədlər geniş rezonans yaradıb. Araşdırmalar göstərir ki, bu qalmaqal təkcə şəxsi münasibətlər və əyləncə məclisləri ilə bağlı deyil, həm də qlobal siyasət və biznes maraqlarını əhatə edir. Epşteyn dosyaları yalnız ifşaedici faktlar təqdim etmir, həm də siyasi və iqtisadi güc oyunlarının açıq nümunəsi kimi qiymətləndirilir.

Bu mövzuda Citypost.az-a açıqlama verən politoloq Asif Nərimanlı bildirib ki, Epşteyn qalmaqalı yalnız iddialar səviyyəsində qalmayıb, yayılan sənədlər bir çox həqiqətləri üzə çıxarıb:“Epşteyn məsələsi indiyə qədər irəli sürülən iddiaların təsiri hesab olunur. Daha əvvəl yayılan məlumatlar qanun güclənməsi və müxtəlif əyləncə məclisləri ilə bağlı olsa da, sui-qəsd nəzəriyyələri kimi təqdim olunub. Lakin sənədlər göstərir ki, iddiaların bir qismi doğrudur. Villalarda baş verən hadisələr yalnız əyləncə xarakterli olmayıb; həm də qlobal siyasət müzakirələri aparılıb. Məsələn, pandemiyanın yayılması üç il öncədən müzakirə olunub ki, bu da göstərir ki, müəyyən qruplar özlərini dövlətlərdən və xalqlardan üstün tutaraq dünyanı idarə etməyə çalışıblar. Bu sənədlər həm siyasi, həm də biznes maraqlarının qorunması və şantaj vasitəsi kimi istifadə olunub,” – deyə A.Nərimanlı bildirib.

Politoloq əlavə edib ki, yayılan sənədlərdə bəzi məlumatlar uydurma ola bilər, amma faktlar göstərir ki, qlobal oyunçular arasında müəyyən şəbəkələrin fəaliyyəti təsdiqlənir: “Epşteyn məsələsində adı hallanan siyasətçilər və iş adamları üzərində bu cür şantaj materiallarının toplanması qlobal elitanın maraqları ilə bağlıdır. Lokal müstəvidə isə bu proseslər İran və digər ölkələrə qarşı siyasət və biznes maraqlarına xidmət edə bilər.”

A.Nərimanlı vurğulayıb ki, sənədlərin yayılması həm də qlobalistlərlə mühafizəkarlar arasında aparılan mübarizənin bir hissəsi kimi qiymətləndirilə bilər: “Qlobal elitanın məqsədi həm siyasi, həm də biznes sahəsində rəqibləri sıradan çıxarmaq, onları arxa plana keçirməkdir. Trampın da adı hallansa da, o, bu sənədlərin yayılması prosesində öz mövqeyini müdafiə edib.”

Politoloq yekun olaraq bildirib: “Epşteyn dosyaları yalnız şəxsi əyləncələr deyil, qlobal siyasət və güc oyunlarının açıq nümayişidir. Bu sənədlər həm qlobal şantaj, həm də siyasi maraqların qorunması vasitəsi kimi istifadə olunur və yayımlanması prosesində maraqlı tərəflərin məqsədləri aydın görünür.”

Həmçinin oxuyun

“Epşteyn işi”ndə adı hallanan Elmar Məmmədyarovdan AÇIQLAMA 

Müəllim nazirlə görüşmək istədi: Başına bu işlər gəldi 

Keçmiş icra başçısının oğlu Rumıniyada 40 villa aldı 

DTX Rusiya-Ukrayna müharibəsində iştirak edən daha 4 vətəndaşı həbs etdi