Razi Nurullayev: “Fikirlərim təhrif olunur, bu manipulyasiyadır”

Millət vəkili Razi Nurullayev Qarabağ müharibəsi dövründə İranın mövqeyi, Azərbaycanın İsraillə münasibətləri və son günlərdə onun əvvəlki açıqlamalarının gündəmə gətirilməsi ilə bağlı mövqeyini açıqlayıb.

Citypost.az xəbər verir ki, deputat bildirib ki, həmin dövrdə İranın tutduğu mövqe Azərbaycan cəmiyyətində haqlı narazılıq doğururdu və o da bu mövqeyi açıq şəkildə tənqid edib:“Azərbaycanda müxtəlif millətlərin, o cümlədən yəhudilərin sülh və qardaşlıq şəraitində yaşaması bir reallıqdır. Bu nə şüar, nə də siyasi jestdir — bu, bizim cəmiyyətimizin formalaşdırdığı dəyərdir və bu gün də dəyişməyib.”

R.Nurullayev qeyd edib ki, İsraili “qardaş” adlandırması da məhz bu kontekstdən irəli gəlir:“Bu, hansısa emosional və ya birtərəfli yanaşma deyil, konkret reallıqlara əsaslanan ifadə idi. Qarabağ müharibəsində Azərbaycanın haqq işində bizə dəstək verən, texnologiya və müdafiə sahəsində əməkdaşlıq edən ölkələrdən biri də İsrail olub. Yəni bu ifadə münasibətlərin məntiqi nəticəsi idi. Yəni, çətin gündə yanında olanı qiymətləndirmək prinsipidir.”

Millət vəkili əlavə edib ki, bu gün baş verən hadisələri əsas gətirərək illər əvvəl deyilmiş fikirlərin kontekstdən çıxarılıb onun əleyhinə istifadə olunması doğru deyil:“Amma bu gün baş verən hadisələri götürüb, illər əvvəl deyilmiş fikirləri məntiqi ardıcıllığından çıxarıb mənim əleyhimə istifadə etmək nə ədalətlidir, nə də vicdanlı yanaşmadır. Mən heç vaxt mülki insanların məşəqqətini, həlak edilməsini, bombalanmasını harada baş verməsindən asılı olmayaraq, qəbul etməmişəm. Fələstində, Livanda, İranda və ya dünyanın istənilən yerində günahsız insanların həyatını itirməsi hamımızı üzməlidir və məni də çox üzür.”

Həmçinin oxuyun

Bayram Ali Çelikten  yazır  

Xalq yazıçısı Anar: “Bunu ilk dəfədir açıqlayıram...”

Şükranlıq içində və ya şükranlığa bələnmiş ADAM...  

Prezident ailəsini şantaj edən Fərid Salmanov KİMDİR?

O, həmçinin vurğulayıb ki, fikirlərini təhrif edənlər manipulyasiya ilə məşğuldur:“Faktları bilərəkdən təhrif edənlərə açıq deyirəm: bu, nə prinsipdir, nə də obyektiv mövqe. Bu, sadəcə manipulyasiya cəhdidir. Mənim dediklərim aydındır və məntiqi ardıcıllıqla oxunsa, hər şey yerinə düşür. Azərbaycanın maraqlarını müdafiə etmək ayrı məsələdir, insan həyatına hörmət isə bundan da üstün dəyərdir. Bu ikisini qarışdırmaq və ya qarşı-qarşıya qoymaq isə ya savadsızlıqdır, ya da qəsd.”

R.Nurullayev sonda qeyd edib ki, mövqeyi dəyişməyib:“Mən dünən də Azərbaycanın maraqlarını müdafiə etmişəm, bu gün də edirəm və bunu heç kimin sifarişi ilə dəyişəcək deyiləm.”

Yusif