Kəmaləddin Heydərov Aygün Kazımovanı seçibmiş  -  Maraqlı FAKT 

Kəmaləddin Heydərov yazdı,Aygün Kazımova oxudu   –   Baba Vəziroğlu  həmin tarixçədən DANIŞDI 

Son günlər sosial şəbəkələrdə "Səndən nigaranam" mahnısının trend olması müşahidə olunur.Tiktok platformasında bir çox istifadəçilər  xalq artisti Aygün Kazımovanın ifasında olan bu mahnının sədaları altında paylaşımlar edirlər.

CityPost.az   xəbər  verir    ki,Oxu24.com  sosial  şəbəkələrdə  yenidən  viral  olan    "Səndən nigaranam"  mahnısının tarixçəsi barədə araşdırma edib.

Məlumat üçün qeyd edək ki, mahnının  musiqisi  fövqəladə hallar naziri Kəmaləddin Heydərova  məxsusdur. O,bəstələrini  "Kamal" təxəllüsü ilə dinləyicilərə təqdim edir.

Bəs,Kəmaləddin Heydərov  bu mahnını necə ərsəyə gətirib?

Bu suallara cavab tapmaq məqsədi ilə Oxu24.com saytının əməkdaşı mahnının sözlərinin müəllifi  olan   nəğməkar şair  Baba Vəziroğlu ilə müsahibə alıb.

Sözügedən müsahibəni təqdim edirik:

-Baba müəllim,istərdim ki, dünyaya səs salan ortaq işinizin tarixçəsindən danışaq."Səndən nigaranam" necə yarandı?

- Bizim Kamal müəllimlə bildiyiniz kimi sıx əməkdaşlığımız var.Qayda belədir ki,Kamal müəllim melodiyanı yazır.Həmin melodiyanın üzərində mən sözləri yazıram.Bu, mahnı da belə oldu.Bir gün Kamal müəllim mənə melodiyanı təqdim etdi.Elə ilk andan melodiya məni tutdu.Mahnı 2000-ci  illərin əvvəlində  yarandı.Demək olar ki,təqdim olunduğu gündən  dinləyicilər tərəfindən  sevgi  ilə  qarşılandı. Daha sonra mahnının   məşhurluğu  sərhədləri  də  aşdı.

- Mahnının ilk ifaçısı xalq artisti Aygün Kazımova olub.Niyə məhz A.Kazımova.Bu kimin istəyi oldu?

- Bəli,mahnını ilk olaraq Aygün xanım ifa edib.İlk dəfə mahnı "Muğam"mərkəzində   mənim  yaradıcılıq  gecəmdə   Aygün  Kazımovanın   ifasında  təqdim  olundu.Daha sonra Aygün Kazımova onu öz albomuna   əlavə etdi. Mahnı çox populyarlıq qazandı.Qaldı ki,mahnının niyə məhz Aygün xanıma verilməsi sualına... Bu işlərə Kamal müəllim özü baxır. Həmişə də uğurlu seçimlər edib. Kamal müəllim özü istəmişdi ki,mahnını Aygün xanım ifa etsin...

- Dediniz ki,seçimləri Kamal müəllim özü edir. Bəs,bu mahnılara görə qonarrar ödənilirmi?Bu işlər necə həll olunur?

- Kamal müəllim bütün mahnıları   müğənnilərə ödənişsiz təqdim edir. O,yaradıcı insandır.Bəstələr də içdən gələn əsərlərdir.Bu mahnıya görə də,Aygün xanımdan ödəniş alınmayıb.Mən  də   indiyə kimi   müğənnilərdən mahnıya görə ödəniş almamışam.Əvvəllər bu qayda fərqli idi. Ödənişi bəstəkara,şairə dövlət özü edirdi.İndi yanaşma tam fərqlidir.

Həmçinin oxuyun

Eşşəkdən kamikadze kimi istifadə etdilər 

Braziliyalı UFC döyüşçüsü Rusiya vətəndaşlığını almaq istəyir

ABŞ yenə Ukraynanı yardımsız qoya bilər 

Xəstəxanada intim görüntüləri yayılan şöbə müdiri ərizə yazdı — ŞOK detallar üzə çıxdı 

-Mahnı dünyaya çıxdı.Bunu kimin adına yazmaq olar?

-Bir gün bizə məktub gəldi ki, Özbəkistanın və Azərbaycanın xalq artisti Nəsibə Abdullayeva Aygün Kazımovanın diskindən mahnını dinləyib.Çox bəyəndiyi üçün özü də "Nigaranam"ı ifa edib. Bizə həmin ifanı göndərdilər.Həm Kamal müəllim, həm də mən çox bəyəndik bu ifanı.Nəsibə xanım mahnını tam olaraq başqa formada,öz stilində oxumuşdu. Bu ifadan sonra  mahnı dünyada məşhurlaşdı.Müxtəlif dillərdə,müxtəlif musiqi alətlərində  yayıldı.

-Nəsibə xanımla  bu  ifadan   sonra   görüşünüz oldumu?

-Bəli,Azərbaycana gəlmişdi.Görüşümüz oldu,onu rayonlarımızdan birinə qonaq dəvət etdik.Çox səmimi görüş  oldu.

- Etiraf edim ki, sözügedən mahnı,hətta mən onu əsər də adlandırardım...Mənim ən çox dinlədiyim mahnılardan biridir.Kimin ifasında desəniz,mən bu mahnını sevərəm.Bəs,sizin yanaşmanız necədir? "Səndən Nigaranam"-ı kim daha yaxşı oxuyub?

-Bu suala tam səmimi olaraq cavab verirəm ki,hamısı... Çünki,hərənin öz boğazı,öz səsi,öz yanaşması var.Mən həqiqətən də onları seçə bilmərəm.Hamısı yaxşı ifa edib.

-Kamal  müəllimlə   əməkdaşlığınız hər zaman belə uğurlu alınır?

-Kamal müəllimlə uğurlu iş birliyimiz çoxdur.Mahnıları da demək olar ki,bütün Azərbaycan bilir.Bu əməkdaşlıqda  cənab Prezidentin qızı Leyla xanımın da rolu var.Kamal müəllimin Leyla Əliyevanın babası,ümumilli lider Heydər Əliyevə həsr etdiyi şeirə yazdığı musiqi böyük sevgi qazandı.Söhbət xalq artisti Ağadadaş Ağayevin ifa etdiyi "Dön geri" mahnısından gedir. Bu şeiri Leyla xanım rus dilində yazmışdı.Mənə təqdim olundu ki,tərcümə edim və Kamal müəllimin bəstəsinə uyğun sözləri təqdim edim.Birlikdə işlədik.Dinləyicilərdən aldığımız mesajlara görə,mahnı çox uğurlu olub. İndiki dillə desək,trend olub.Leyla xanım özü də eşidəndə çox təsirlənmişdi...

-Baba müəllim,sonda yenə qayıdaq "Nigaranam"a. Baba Vəziroğlu kimdən nigarandır ki,bu qədər təsirli sözləri yaza bilib?

Baxın,bizim millət,bizim Xalq həssasdır.Biz bir-birimizə çox bağlıyıq.Nigarançılıq təkcə doğmaların bir-birinə olan yaşadıqları anlar deyil.Mən,misal üçün kəndimizdən,hətta orada yerləşən  yaxınlarımın məzarlarından və s. nigaran ola bilərəm.Bu hissi  ürəkdən yaşadığım üçün,sizin təbirinizcə desək,belə bir uğurlu sözlər alınıb... Qeyd edim ki, bu gün şefin (Red- Baba Vəziroğlu iş prosesində Kamal müəllimi belə adlandırır) doğum günüdür. Mən fürsətdən istifadə edib,Kamal müəllimi təbrik edirəm.Ona cansağlığı arzu edirəm.Dinləyicilər bizdən yeni mahnılar gözləsinlər.İşlərimiz çoxdur.

-Baba müəllim,müsahibəyə görə Sizə təşəkkür edirəm.

-Buyurun,hər zaman belə mövzularda danışmaq mənə də xoşdur.

Müsahibəni apardı : Miri Məcidli