Tutulmuş damarları dərmanla açmaq mümkündürmü?   

İnternetdə və sosial şəbəkələrdə tez-tez müxtəlif bitki qarışıqları, təbii kürlər və ya alternativ üsullarla tutulmuş damarların tamamilə açılmasının mümkün olduğu barədə məlumatlar paylaşılır.Lakin mütəxəssislər bildirirlər ki, elmi baxımdan damarları möcüzəvi şəkildə açan hər hansı dərman və ya xalq təbabəti vasitəsi mövcud deyil.

Citypost.az xəbər verir ki, həkimlərin sözlərinə görə, damar divarında yaranmış aterosklerotik lövhələri tamamilə aradan qaldırmaq mümkün olmasa da, onların sabitləşdirilməsi, böyüməsinin qarşısının alınması və təhlükəli nəticələr doğurmasının minimuma endirilməsi mümkündür.

Mütəxəssislər vurğulayırlar ki, damarlar daraldıqda və ya damar daxilində kələ-kötür aterosklerotik dəyişikliklər yarandıqda əsas məqsəd həmin prosesin irəliləməsini dayandırmaqdır. Müasir tibbin yanaşması damarların vəziyyətini stabilləşdirmək, iltihabı azaltmaq və lövhələrin partlama riskini minimuma endirmək üzərində qurulub.Həkimlərin fikrincə, düzgün həyat tərzi bu prosesdə ən vacib amillərdən biridir. Sağlam qidalanma, müntəzəm fiziki aktivlik və zərərli vərdişlərdən uzaq durmaq damarların daha da daralmasının qarşısını almağa kömək edir. Xüsusilə siqaret istifadəsi damar divarına ciddi zərər vurduğundan, onun tərgidilməsi ürək-damar sağlamlığı üçün atılacaq ən mühüm addımlardan biri hesab olunur.Yüksək arterial təzyiq də damarların zədələnməsini sürətləndirən əsas risk faktorlarındandır. Buna görə hipertoniya diaqnozu olan şəxslər təzyiqlərini mütəmadi nəzarətdə saxlamalı və həkim tərəfindən təyin edilən müalicəyə ciddi şəkildə əməl etməlidirlər.Oturaq həyat tərzi də ürək-damar xəstəliklərinin inkişafında mühüm rol oynayır. Mütəxəssislər gündəlik hərəkətliliyin artırılmasını, müntəzəm gəzintiləri və fiziki aktivliyi tövsiyə edirlər. Hətta gündə 30 dəqiqəlik sürətli yürüş belə damar sağlamlığına müsbət təsir göstərir.

Qidalanma vərdişləri də xüsusi əhəmiyyət daşıyır. Həkimlər şəkərli içkilərin, həddindən artıq karbohidratların, trans yağların və emal olunmuş qidaların məhdudlaşdırılmasını tövsiyə edirlər. Meyvə, tərəvəz, balıq, tam taxıllar və faydalı yağlarla zəngin qidalanma isə damarların qorunmasına kömək edir.Müasir tibbdə istifadə edilən bəzi dərman preparatları xolesterin səviyyəsini aşağı salmaq, damar daxilindəki aterosklerotik lövhələri sabitləşdirmək və onların səthini daha hamar vəziyyətə gətirmək məqsədi daşıyır. Bu isə lövhələrin partlaması nəticəsində yaranan qəfil infarkt və digər ağır ürək-damar hadisələrinin riskini əhəmiyyətli dərəcədə azaldır.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Mütəxəssislər qeyd edirlər ki, məqsəd yalnız mövcud problemi müalicə etmək deyil, eyni zamanda yeni damar tutulmalarının qarşısını almaqdır. Bu baxımdan həkim tövsiyələrinə əməl etmək, təyin olunan dərmanları müntəzəm qəbul etmək və sağlam həyat tərzini gündəlik vərdişə çevirmək böyük əhəmiyyət daşıyır.Nəticə etibarilə, tutulmuş damarları tamamilə açan möcüzəvi dərman və ya təbii vasitə mövcud deyil. Lakin düzgün həyat tərzi, balanslı qidalanma, siqaretdən imtina, fiziki aktivlik və müasir tibbi müalicə sayəsində damarların vəziyyətini sabit saxlamaq, ağırlaşmaların qarşısını almaq və ürək-damar sağlamlığını uzun illər qorumaq mümkündür.

Yeganə