Azər Allahverənov: Qəhrəman əsgərlərimiz xalqımızın qürurudur
Siyasət 26 İyun 2026, 11:16
438
Dövlətin qüdrəti, ilk növbədə, onun təhlükəsizliyini etibarlı şəkildə təmin edən güclü ordusunda təcəssüm olunur. Azərbaycan Silahlı Qüvvələrinin keçdiyi yol da məhz xalqın milli iradəsini, müstəqillik əzmini və Vətənə bağlılığını əks etdirən şərəfli bir salnamədir.
Azərbaycan milli ordusunun əsası 1918-ci ildə Azərbaycan Xalq Cümhuriyyəti dövründə qoyulmuşdur. Cəmi 23 ay mövcud olmasına baxmayaraq, Cümhuriyyət xalqın yaddaşında müstəqil dövlətçilik ideyasının və milli hərb ənənələrinin əsasını formalaşdırdı. 1918-ci il iyunun 26-da qəbul edilən qərar milli ordunun yaradılması istiqamətində atılmış taleyüklü addım idi. Həmin dövrün hərbçiləri üçün Vətənin keşiyində dayanmaq sadəcə peşə deyil, müqəddəs bir missiya hesab olunurdu. Azərbaycan Xalq Cümhuriyyəti süquta uğrasa da, onun qoyduğu irs, milli azadlıq ruhu və dövlətçilik idealları xalqın yaddaşında yaşayaraq gələcək nəsillərə ötürüldü.
1991-ci ildə dövlət müstəqilliyinin bərpası ilə Azərbaycan yeni inkişaf mərhələsinə qədəm qoydu. Lakin ölkənin qarşılaşdığı mürəkkəb siyasi vəziyyət, hərbi çətinliklər və Ermənistanın təcavüzü ordunun formalaşdırılması prosesini xeyli çətinləşdirirdi. Belə bir şəraitdə ümummilli lider Heydər Əliyevin yenidən hakimiyyətə qayıdışı ölkədə sabitliyin bərpasına və peşəkar ordu quruculuğuna mühüm təkan verdi.
Heydər Əliyev güclü dövlətin etibarlı ordusuz mövcud ola bilməyəcəyini yaxşı anlayırdı. Onun rəhbərliyi ilə Silahlı Qüvvələrdə vahid komandanlıq sistemi yaradıldı, hərbi intizam möhkəmləndirildi, peşəkar zabit hazırlığına xüsusi diqqət yetirildi və ordunun inkişafı dövlət siyasətinin prioritet istiqamətlərindən birinə çevrildi. Məhz həmin illərdə müasir Azərbaycan Ordusunun möhkəm təməli formalaşdırıldı.
Prezident, Silahlı Qüvvələrin Ali Baş Komandanı İlham Əliyevin rəhbərliyi altında Azərbaycan Ordusu keyfiyyətcə yeni inkişaf mərhələsinə yüksəldi. Həyata keçirilən məqsədyönlü siyasət nəticəsində Silahlı Qüvvələr müasir silah və texnika ilə təchiz edildi, hərbi infrastruktur yeniləndi, şəxsi heyətin sosial təminatı gücləndirildi və ordunun döyüş qabiliyyəti əhəmiyyətli dərəcədə artırıldı.
Aparılan islahatlar nəticəsində Azərbaycan Ordusu regionun ən güclü hərbi qüvvələrindən birinə çevrildi. Bu güc təkcə müasir texnologiyalarla deyil, həm də vətənpərvərlik ruhu, milli birlik və tarixi ədalətin bərpası əzmi ilə möhkəmləndi.
2020-ci il sentyabrın 27-də başlayan Vətən müharibəsi Azərbaycan xalqının iradəsinin, ordumuzun peşəkarlığının və Ali Baş Komandanın qətiyyətinin parlaq təzahürünə çevrildi. Cəmi 44 gün davam edən hərbi əməliyyatlar nəticəsində işğal altında olan torpaqlarımız azad edildi və tarixi ədalət bərpa olundu.
Azərbaycan əsgəri böyük qəhrəmanlıq göstərərək Müzəffər Ali Baş Komandanın rəhbərliyi altında şanlı Zəfərə imza atdı. Xüsusilə Şuşanın azad olunması xalqımızın çoxillik həsrətinə son qoyaraq milli qürur mənbəyinə çevrildi. Bu Qələbə şəhidlərimizin qanı, qazilərimizin şücaəti və xalqımızın sarsılmaz birliyi hesabına qazanıldı.
Vətən müharibəsindən sonra keçirilən Zəfər paradları Azərbaycanın hərbi qüdrətinin və milli birliyinin dünyaya nümayişi oldu. Bu gün 26 İyun Silahlı Qüvvələr Günü yalnız hərbi qulluqçuların peşə bayramı deyil, həm də qalib xalqın qürur və iftixar günüdür.
Azərbaycan Silahlı Qüvvələri ölkəmizin təhlükəsizliyinin etibarlı təminatçısı, dövlət müstəqilliyimizin əsas dayaqlarından biridir. Xalq ilə ordunun sarsılmaz həmrəyliyi, dövlət rəhbərliyinin məqsədyönlü siyasəti və vətənə sonsuz sevgi Azərbaycanı daha güclü, daha qüdrətli və daha parlaq gələcəyə aparır.
Qəhrəman əsgərlərimizin xidmət etdiyi bu şanlı ordu xalqımızın qürur mənbəyi olaraq daim dövlətimizin keşiyində dayanacaq, Azərbaycanın müstəqilliyini və ərazi bütövlüyünü əbədi qoruyacaqdır.
Azər ALLAHVERƏNOV,
Milli Məclisin deputatı
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ceyhun Məmmədov: Ordumuz dövlətimizin gücüdür
Milli Məclisin deputatı Ceyhun Məmmədov 26 İyun – Silahlı Qüvvələr Günü münasibətilə sosial şəbəkə hesabında paylaşım edib.Citypost.az xəbər verir ki, deputat Azərbaycan Ordusunun bütün şəxsi heyətini, veteran hərbçiləri və bu şərəfli peşəyə ömrünü həsr edən hər kəsi bayram münasibətilə təbrik edib.Ceyhun Məmmədov bildirib ki, Ulu Öndər Heydər Əliyevin əsasını qoyduğu ordu quruculuğu siyasəti bu gün Prezident, Silahlı Qüvvələrin Müzəffər Ali Baş Komandanı İlham Əliyev tərəfindən uğurla davam etdirilir. Onun sözlərinə görə, məhz bu uzaqgörən siyasət nəticəsində Azərbaycan Ordusu regionun ən güclü ordularından birinə çevrilərək torpaqlarımızın azad olunmasına və ölkəmizin ərazi bütövlüyünün bərpasına nail olub.Deputat vurğulayıb ki, Azərbaycan əsgəri və zabiti...
26 İyun 2026, 11:09
Asif Əsgərov: Azərbaycan Ordusu regionun ən güclülərindəndir
Milli Məclisin deputatı Asif Əsgərov 26 İyun – Azərbaycan Respublikasının Silahlı Qüvvələri Günü münasibətilə sosial şəbəkə hesabında paylaşım edib.Citypost.az xəbər verir ki, deputat paylaşımında Vətənin azadlığı və ərazi bütövlüyü uğrunda canından keçmiş bütün şəhidlərin əziz xatirəsini dərin ehtiramla yad etdiyini, onlara Allahdan rəhmət dilədiyini bildirib. O, qəhrəman qazilərə möhkəm cansağlığı, şəhid ailələrinə isə səbir və dözüm arzulayıb.Asif Əsgərov qeyd edib ki, Azərbaycan Silahlı Qüvvələri Ulu Öndər Heydər Əliyevin müəyyən etdiyi ordu quruculuğu siyasəti və Prezident, Silahlı Qüvvələrin Ali Baş Komandanı İlham Əliyevin rəhbərliyi ilə daha da güclənərək regionun ən qüdrətli ordularından birinə çevrilib.Deputat vurğulayıb ki, Müzəffər Azərbaycan Ordusunun qazandığı şanlı...
26 İyun 2026, 11:08
Ehtiram Məmmədov: Zəfər qazanan ordu gələcəyə inam yaradır
26 İyun – Azərbaycan Respublikasının Silahlı Qüvvələri Günü təkcə peşə bayramı deyil, həm də dövlətimizin müstəqilliyinin, təhlükəsizliyinin və ərazi bütövlüyünün əsas təminatçısı olan Azərbaycan Ordusunun keçdiyi şərəfli yolun təntənəsidir. Bu gün Silahlı Qüvvələrimizin qazandığı uğurlar, əldə etdiyi tarixi qələbələr və gələcək inkişaf perspektivləri haqqında danışarkən, ilk növbədə müasir Azərbaycan Ordusunun banisi olan Ümummilli Lider Heydər Əliyevin xidmətlərini xüsusi qeyd etmək lazımdır.Azərbaycan Ordusunun bugünkü qüdrətinin təməli məhz Ulu Öndərin uzaqgörən siyasəti nəticəsində qoyulmuşdur. Hələ sovet dövründə Azərbaycanda milli hərbi kadrların hazırlanmasına böyük önəm verən Heydər Əliyevin təşəbbüsü ilə 1971-ci ildə Cəmşid Naxçıvanski adına Hərbi Məktəb yaradıldı. Sonrakı illərdə minlərlə azərbaycanlı gəncin...
26 İyun 2026, 10:47
Tamam Cəfərova: Hər bir əsgər Ulu Öndərin irsinin qoruyucusudur
Bu gün regionun ən güclü və mütəşəkkil silahlı qüvvələrindən birinə çevrilən Azərbaycan Ordusunun inkişaf yolu xalqımızın Ümummilli Lideri Heydər Əliyevin adı və onun uzaqgörən siyasəti ilə qırılmaz tellərlə bağlıdır. 26 İyun — Silahlı Qüvvələr Günü, sadəcə təqvimdə bir bayram deyil, həm də ulu öndərin illər öncə əsasını qoyduğu böyük hərbi strategiyanın və xalqın qəhrəmanlıq salnaməsinin təntənəsidir.Azərbaycanda hərbi kadrların hazırlanması və milli ordu quruculuğunun ilkin təməlləri hələ sovet rejiminin ən sərt dövrlərində, Ulu Öndər Heydər Əliyevin 1969-cu ildə respublika rəhbərliyinə gəlişindən sonra atılmışdır. Sovet İttifaqı rəhbərliyinin yerli respublikalarda milli hərbi kadrların yetişməsinə qısqanclıqla yanaşdığı bir dönəmdə, Heydər Əliyev fövqəladə cəsarət və...
25 İyun 2026, 11:22
İranın aktivləri kimə xidmət edəcək? Səməd Bayramzadə AÇIQLADI
Razılaşmadan sonra öldürülən rəhbərlərin sonu və taleyiDonald Tramp və Skott Bessant İran rejiminin azad edilmiş aktivlərinin bir hissəsinin Amerika soya paxlası, buğda və qarğıdalı almaq üçün istifadə olunacağını elan etdikdən sonra sosial media istifadəçiləri də boş oturmadılar və süni intellektlə yaradılmış çoxsaylı yumoristik şəkillər paylaşaraq bu iddialara reaksiya verdilər.Bu zarafatların çoxunun əsas diqqət mərkəzində, istifadəçilərin fikrincə, son illərdə İslam Respublikasının bir sıra ən vacib rəhbərlərinin və komandirlərinin öldürülməsində rol oynamış bir ölkədən kənd təsərrüfatı məhsullarının alınması dayanır; bu ziddiyyət onlayn yumor dalğasının mövzusuna çevrilib.İran xalqı üçün qida, yoxsa Amerika fermerləri üçün təzə bazar?İslam Respublikası rəsmiləri dondurulmuş İran aktivlərinin azad edilməsi...
25 İyun 2026, 10:50
Tofiq Zülfüqarov: Ermənistanda hər kəsin öz xəritəsi var
Azərbaycanın sabiq xarici işlər naziri, politoloq Tofiq Zülfüqarov Ermənistanın siyasi rəhbərliyində ölkənin gələcək sərhədləri ilə bağlı müxtəlif yanaşmaların olduğunu bildirib.Citypost.az xəbər verir ki, sabiq nazir qeyd edib ki, Ermənistanın Baş naziri Nikol Paşinyanın, eləcə də digər siyasi fiqurların istifadə etdikləri rəmzlər və xəritə təsvirləri bir-birindən fərqlənir və bu, müxtəlif siyasi baxışların göstəricisi kimi qiymətləndirilə bilər.T. Zülfüqarovun fikrincə, Ermənistan cəmiyyətində və siyasi elitasında "Ermənistanın hansı sərhədləri əhatə etməsi" məsələsinə dair vahid yanaşmanın olmaması regional proseslərə də təsir göstərir.Politoloq hesab edir ki, Azərbaycan bu məsələlərdə öz mövqeyini qətiyyətlə müdafiə etməli və qarşı tərəfə mövcud geosiyasi reallıqları izah etməlidir....
25 İyun 2026, 10:47
