“Boz kardinal”ın adamları ona qarşı çıxır   —  Nəsib Məhəməliyev mənsub olduğu komandanı dandı    

Baku TV-də yayımlanan Elçin Əlibəylinin aparıcı olduğu verilişin qonağı olan Balakən və Nəsimi rayonlarının sabiq icra başçısı, millət vəkili Nəsib Məhəməliyev maraqlı və təzadlı çıxışı ilə yadda qalıb. Aparıcı Elçin Əlibəylinin “Siz həmin dövrdə işləmisiniz də, iki rayonda, özü də kifayət qədər böyük bir rayonda, sizə də elə bir tapşırıqlar gəlirdimi?” sualına cavab olaraq deyib. 

“Yox, mən indi, işdi, o məsələlər qətiyyən, elə bir şey olmayıb. Harda, müəyyən bəzi, eee, gərək, mən məmuram və mənə o qədər də cürət etmirdilər, hansı ki, məsələ, əxlaq məsələsidir, əxlaq məsələsidir, bu gün bizdə Zeynal Nağdəliyev vəzifədədir. Bir Ramiz Mehdiyevin kürəkənini, məsələn mən qəbul etməmişəm. Onun xahişini icra etməmişəm. Başqa qohumlarını yüksək, vəzifəli məmurların, yəni mümkün olmayanları,mən qanunsuz hərəkətləri. Bu gün, mən istər Balakəndə  gedəndə, istərsə də bu şəhərdə, Nəsimi rayonunda mən başı dik gəzirəm, eee. Birincisi mənim aldığım təhsil, ondan sonra mən həddindən artıq qanun pərəst olmuşam və qanunlardan çəkinmişəm. Əxlaq məsələləri var. Hər zaman mən, eee, özümün maddi cəhətdən ziyana getmişəmsə, amma hər zaman, arxamda duran siyasi qüvvəni, siyasi komandanın mənafeyini qorumuşam. Hər zaman işçilərdən də tələb edirdim ki, siz fikirləşin ki, siz hansı komandada təmsil olunursunuz. Hətta haqsız şikayətlər olanda belə, o vaxt sizin gücünüz onda olmalıdır ki, siz vətəndaşa izah etməlisiniz onun  haqsız olduğu...”. 

Təəssüflər olsun ki, Elçin Əlibəylinin Nəsib Məhəməliyev üzərində apardığı məşq və təlim işləri heç  bir işə yaramadı. Əgər belə olmasaydı, Nəsib Məhəməliyev də çətiri altına sığındığı adamların dalıyca digərləri kimi yetərincə,ağıllı -başlı danışardı. Aparıcı ilə işimiz yoxdur. Onu başa düşürük. Bu cür çıxışların necə təşkil olunduğunu da biz gözəl bilirik.

Bu, iki rayonda icra başçısı olmuş Milli Məclisə 3 çağırış deputat seçilmiş Nəsib Məhəməliyevin Baku TV-dəki  çıxışının mətnidir. Azərbaycan əhalisinin 95%-i Nəsib Məhəməliyev adlı deputat tanımır. O, Milli Məclisdə “lal deputatlar” lojasında əyləşir. Kimsə deyə bilməz ki, Nəsib Məhəməliyev bu günə qədər Milli Məclisdə hansısa bir problem məsələni qaldırıb və həllinə nail olub. Qaldı guya “boz kardinal”ın kürəkəni İlham Əliyevi qəbul etməməsinə, bu barədə sonuncunun məsələyə dair fikrini öyrənib oxucuların nəzərinə çatdıracağıq. Nəsib Məhəməliyevin təhsil məsələsinə gəldikdə isə araşdırma aparıb öyrəndik ki, bu adam ixtisasca dəmiryolçudur. Biz  bir daha israr edirik, bu adam Ramiz Mehdiyevin iyi gələn Ziya və Elton Məmmədov qardaşlarının şinelindən çıxıb. Nəsib Məhəməliyevin bəhs etdiyi əxlaq məsələsinə gəldikdə isə, bəli əxlaqlı adam həqiqəti danışar. Birmənalı deyə bilərik ki,Nəsib Məhməliyev isə düz danışmır, onun çıxışı özünümüdafiə xarakteri daşıyır. Nəsib Məhəməliyev bir şeyi anlamalıdır ki, sabiq deputat Əsabil Qasımov kimi O da deyə bilər ki, “boz kardinal” və ya Elton və Ziya Məmmədov qardaşları ilə düşümənəm. Nə faydası... Axı, aidiyyatı orqanlarda hər bir kəsin dosyesi var. Onlar bilir ki, kim kimdir. Haradan gəlib, haraya gedirsən. 

Korrupsiya və rüşvət sözünü eşidəndə qulaqlarını tutan, alış-verişin nə olduğunu bilməyən körpə kimi məsum və tərtəmiz insan Nəsib Məhəməliyevin Nəsimi rayonunda 4 obyektinin yerini aşkar etmişik. Yaxın günlərdə həmin obyektlərdən hazırlanmış reportajı və görüntüləri təqdim edəcəyik. 

Həmçinin oxuyun

İlham Əliyev Mərkəzi Asiya Dövlət Başçılarının 7-ci Məşvərət Görüşünün iclasında çıxış edib

Şərurlu İsfəndiyarın vəkili cəzalandırıla bilər

İcra başçısı camış işinə baxırmış  - FOTO+VİDEO

 "Runeway House" istirahət mərkəzində at uşağı vurdu

Sonda Nəsib Məhəməliyevin diqqətinə bir məsələni çatdırırıq və hər zaman yadında saxlamasını tövsiyyə edirik. İnsanın gücü onun əqidəsindədir. Əgər, başmaqçı kamil sənətkar olmasa dövlət bundan bir o qədər də ziyan çəkməz, əhali keyfiyyətsiz ayaqqabı geyinər, vəssalam... Amma, siyasətçilər öz borclarını ləyaqət və vicdanla yerinə yetirməsələr məmləkətdə cahil və yaramaz adamlardan ibarət bütöv bir nəsil peyda olar.           

Müşərrəfxanım