Amnistiya aktında ziddiyətli məqamlar var? -Hüquqşünasın ŞƏRHİ  

Prezident İlham Əliyevin təşəbbüsü ilə irəli sürülən amnistiya aktının icrasına başlanılıb.

Amnistiya aktının icrası Ədliyyə Nazirliyinin Penitensiar Xidmətinin cəzaçəkmə müəssisələrində həyata keçirilir.

Qeyd olunan hadisə bayram öncəsi  həm məhkumlar,həm də onların ailələri tərəfindən böyük sevinclə qarşılanıb.

Bu,humanizmi özündə əks etdirən  addım kimi  qəbul  edilib.

Həmçinin oxuyun

Qırğız Respublikasının Azərbaycan Respublikasındakı Səfirliyi və Türk Ticarət Mərkəzi Ağdamda tədbir keçirib

Pərviz Qədirov vəzifəsindən azad edildi – SƏBƏB 

Nikah mərasimi qazamatda baş tutan Əminə Şirin -  Məşhur prokurorun gəlini olub

Balıqçıların meyitləri tapıldı

Amnistiya böyük müsbət nəticələrə səbəb olsa da,bəzi şəxslər bu aktın hazırlanması zamanı müəyyən boşluqlara yol verildiyini qeyd edir.

Bu barədə CityPost.az-la  fikirlərini bölüşən hüquqşünas  Raqif Muradov  bildirib ki, Azərbaycan Respublikasının Prezidenti cənab İlham Əliyevin özündə ədalət və humanizmi təcəssüm edən Milli Məclisə göndərdiyi Amnistiya haqqında Qanun Milli Məclisdə ziddiyyətli qərarlarla qəbul edilmişdir. Bəzi təzadları  diqqətinizə çatdırıram. 

          “Maddə 2.4- Bu qərarın 2-ci bəndində nəzərdə tutulan şəxslərdən başqa, ilk dəfə ağır cinayət törətdiklərinə görə təyin edilmiş müəyyən müddətdə azadlıqdan məhrumetmə cəzasının bu Qərar qüvvəyə mindiyi günədək çəkilməmiş hissəsi 6 aydan artıq olmayan şəxslər: 

-İzah: Bu maddə ilə bildirilir ki,ilk dəfə ağır cinayət törətmiş şəxslərin cəza  müddəti 6 aydan az qalırsa, cəzası 6 ay azaldılır və onlar azad edilir.

           Amnistiyanın tətbiqinə dair məhdudiyyətlər bölməsində 7.1 və 7.4 maddələrində ağır cinayət törətmiş şəxslərə qanunla məhdudiyyətlər qoyulur. Bu maddə 2.4 maddəsini inkar edir. 

3.2 Maddəsi ilə ehtiyatsızlıqdan ağır cinayət törətməyə görə təyin edilmiş 5 ildən artıq müddətə azadlıqdan məhrumetmə cəzasının bu qərar qüvvəyə midiyi günədək çəkilməmiş hissəsi 6 aydan artıq olan şəxlər: 

-İzah: yəni artıq 2.4 maddəsindən fərqli olaraq ehtiyatsızlıqdan ağır cinayət törətmiş məhkumların işi 6 ay azaldılır. 

Şərh: Əgər bir məhbusun cəza müddətinin bitməsinə son 6 ay  qalıbsa (2.4 maddəsi) azadlığa buraxılır. 6 aydan 10 gün və yaxud 1 il çox qalırsa, 2.4-ə uygun olaraq eyni cinayət əməlini törətmiş məhkumların işləri 6 ay azaldılmır. Amnistiyada ilk növbədə ədalət və humanizm prinsipləri əsas götürülməlidir. Məhbuslar arasında ayrı-seçkiliyi qanun şəklində qəbul etmək nə deməkdir? Azərbaycan Prezidenti İlham Əliyevin Amnistiya Haqqında bu təşəbbüsünün belə ziddiyyətli qərarlarla gözdən salmaq kimə və nəyə lazımdır? İcraçılar nə etsinlər? 2.4 maddəsinin yoxsa 7.1 vəya 7.4 maddəsini qəbul etsinlər. Digər tərəfdən eyni əməlləri törətmiş məhkumların bir hissəsinin işi 6 ay azaldılaraq azadlığa buraxılır digərlərinə amnistiya aktı tətbiq edilmir. Bu ayrı-seçkilik qanunun humanistliyinə kölgə salmırmı? Diqqətlə baxsanız 1995-ci ildən bu günədək qəbul edilmiş Amnistiya aktlarının  tətbiqinə qoyulmuş məhdudiyyətlər, olduğu kimi saxlanılıb. Belə ziddiyyətlərin də yaranmasına əsas səbəb odur. Yaxşı olar ki, Milli Məclis və digər əlaqədar qurumlar bu maddələrin icrasının necə aparılacağına  bir daha aydınlıq  gətirsinlər”,-deyə hüquqşünas  bildirib.

Müşərrəfxanım