Sabiq nazirin şirkəti 8.500.000 manatlıq tenderin qalibi olub  

Sabiq Əmək və Əhalinin Sosial Müdafiəsi naziri Füzuli Ələkbərovun rəhbərlik etdiyi “İmprotex Motors” MMC və ona bağlı şirkətlərin cari il ərzində bağladığı dövlət müqavilələrinin nəticəsi sözün həqiqi mənasında  göz qamaşdırır.

CityPost.az  xəbər  verir   ki,məlum olub ki, Füzuli Ələkbərovun şirkətləri bir neçə nazirlik və dövlət qurumları ilə yüksək məbləğli müqavilələr imzalayıblar.

Araşdırmalara görə “İmprotex Motors” və “İmprotex Truck and Buses” MMC aldığı ümumi dövlət sifarişlərinin məbləği təxminən 8.500.000 manatdan çoxdur.

Xatırladaq ki, sözügedən şirkət Azərbaycan Respublikası Maliyyə Nazirliyi ilə 6 milyon, Dövlət Radio Tezlikləri İdarəsi ilə 1 milyon, Azərbaycan Respublikası Müdafiə Sənayesi Nazirliyi ilə 220.000 manat, Azərbaycan Respublikası Fövqəladə Hallar Nazirliyi ilə 253.000 manat dəyərində müqavilələr imzalayıb.

“İmprotex Truck and Buses” MMC-nin nizamnamə kapitalı cəmi 220.000 manatdır. Şirkətin qanuni təmsilçisi Abdullayev Fərid Azər oğludur.

Hüquqi ünvanı isə rəsmi sənədlərdə Bakı şəhəri, Nəsimi rayonu, 20 Yanvar küçəsi, ev 33 göstərilir.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Onun qanuni təmsilçisi olduğu “İmprotex Motors” MMC-də eyni ünvanda qeydiyyatdadır. Füzuli Ələkbərova məxsus olduğu deyilən hər iki şirkət əsasən dövlətdən sifarişlər qəbul edir və xüsusi ilə nəqliyyat vasitələrinin satın alınması və təmiri ilə məşğul olur. 8.500.000 manatdan çox tenderin qalibi olan şirkətin rəhbəri Füzuli Ələkbərovun bacısı oğlu Fərid Cəfərovdur. O, hazırda Mədəniyyət naziri Adil Kərimlinin müavinidir. 

Citypost.az Oxu.az-a istinadən xəbər verir ki, bundan başqa İpoteka və Kredit Zəmanət Fondu da “İmprotex Motors”dan 4 avtomobil alacaq.

Noyabrın 24-də fondla şirkət arasında bağlanmış satınalma müqaviləsinin şərtlərinə görə fondun alacağı avtomobillərin üçü komfort, biri isə biznes sinfinə aiddir. Qeyd edək ki, “İmprotex Motors” MMC 10.07.2004-cü ildə qeydiyyata alınıb.

Onun qanuni təmsilçisi sabiq Əmək və Əhalinin Sosial Müdafiəsi naziri Füzuli Ələkbərovdur. Xatırladaq ki, Füzuli Ələkbərovun qardaşı Nizami Ələkbərov İsmayıllı rayonunun keçmiş icra başçısı olub. Onun və yaxınlarının rayon ərazisində törətdiyi özbaşınalığa rəğmən sakinlər ayağa qalxıb onun oğluna məxsus avtomobillərdə və oteldə yanğın törətmişdilər. Məlumatlara görə Ələkbərovların atası Həsən Ələkbərov hələ SSRİ dönəmində Dövlət Təhlükəsizlik Komitəsində məsul vəzifələrdə çalışmışdır.    

Müşərrəfxanım