Nikah mərasimi qazamatda baş tutan Əminə Şirin -  Məşhur prokurorun gəlini olub

Son günlər mediada ən çox müzakirə olunan müğənnilərdən biri də Əminə Şirindir.

Onun ifa etdiyi "Ölüm haqdır" mahnısının sözlərində "badə" ifadəsi müzakirə olunur.

Bəsi sənət adamları bu ifadənin "badə" yox,"bada" olduğunu bildirir.

Bəs,son günlərin ən çox müzakirə olunan müğənnisi Əminə Şirin kimdir?

CityPost.az  xəbər verir  ki,Əminə Şirin qızı Kərimova (Amina Şirin) 1987-ci il oktyabrın 24-də Bakı şəhərində anadan olub. 

Atası Bakının Digah kəndi və Siyəzən rayonunun Yenikənd dağlılarındandır.

14 yaşından musiqi ilə məşğul olan Əminə  2005-2009 illərdə Azərbaycan Dövlət Mədəniyyət və İncəsənət Universitetində müğənnilik ixtisası üzrə ali təhsil alıb. 

O,  ilk dəfə 2002-ci ildə tanınmış sənətkar Vaqif Gərayzadənin “W-trio” qrupunda, 2004-cü ildə isə “Aypara” qrupunda fəaliyyət göstərib. 2008-ci ildən isə solo fəaliyyətə başlayıb.

Özünəməxsus ifa tərzi, səs tembri olan Əminə "Yenə gəldi Yaz ayları" (Röya Ayxanla duet), "Mən bu dünyada ədalət görmədim", "Gələrsən", "Ölüm haqdır" adlı bir neçə hit mahnıların ifaçısıdır.

"Dua" adlı şer və qəzəllərindən ibarət kitabın müəllifidir.

Bir övladı var.

Əminə Şirinin şəxsi həyatı da maraqlıdır. O,sabiq  prokuror Rəşid Həsənovun gəlini olub.Rəşid Həsənov Xəzər rayonunun prokuror vəzifəsində çalışıb. O, 1998-2000-ci illərdə Azərbaycanın Ədliyyə naziri, 2005-2021-ci illərdə Konstitusiya Məhkəməsinin hakimi olmuş Südabə Həsənovanın qardaşıdır. 

Onun  oğlu  Yalçın Həsənov müğənni Əminə Şirinlə ailə həyatı qurub. Məlumatlı şəxsin verdiyi xəbərə görə,onların evlilik dönəmi Yalçın Həsənovun həbsdə olduğu vaxta təsadüf edib.Yalçın Həsənov  Xalq artisti İlhamə Quliyevanın oğlu Orxan Nadirov və başqaları ilə birlikdə törətdikləri cinayətə görə 2010-cu ildə həbs olunmuşdu. Ağır Cinayətlərə Dair İşlər üzrə Məhkəmənin hökmü ilə Yalçın Həsənov 8 il müddətinə azadlıqdan məhrum olunmuşdu.Y.Həsənov həbsxanadan çıxdıqdan sonra xəstəlikdən dünyasını dəyişib.

Müğənni özü həyat yoldaşı ilə bağlı mətbuatda bir müddət öncə də danışıb.

Müğənni bildirib ki, gizlədəsi bir şeyi yoxdur, onlar ailəli olublar:

Həmçinin oxuyun

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Şahin Qurbanov da soyadını dəyişir?...  

"Qızım (atası Yalçın Həsənov - red.) Rəşid Həsənovun nəvəsidir. Məni qınayanlar düşünsün ki, 23 yaşında qız o zindanın divarları arasında hər ay 6 gün orada həyat yoldaşı ilə qalırdı. Mənim toyum da orada olub, gəlinlik paltarında. Ona görə də kimsə mənə eşq öyrətməsin. Eşq əslində bilməyənlərin danışdığı, bilənlərin susduğu mövzudur".

Əminə qeyd edib ki, onların izdivacı 13 il əvvəl başa çatıb:

"Allah rəhmət eləsin, mən eşidəndə ki, xəstədir, özüm zəng etdim. Özü də dedi ki, bir bu zəngi gözləyirdim, inanmırdım yığarsan".

Qeyd edək ki, Əminə Şirin  müğənni Kazımcanla da ailəli olub.Bu nikahdan onun övladı olsa da,onu tez itirib.Müğənni hazırda subaydır.

Hazırladı: Nigarxanım