Ceyhun Məmmədov sosial mediada məsuliyyətə çağırıb  

Nifrət və qarşıdurma dili əvəzinə hörmət və dialoq mühiti formalaşdıraq. Bu platformanı milli-mənəvi dəyərlərimizin təbliği, gənclərimizin maarifləndirilməsi və ölkəmizin inkişafı üçün təsirli vasitəyə çevirək.

Citypost.az xəbər verir ki, Milli Məclisin deputatı Ceyhun Məmmədov sosial şəbəkədə paylaşım edərək sosial mediada nifrət və qarşıdurma dilindən uzaq durmağa çağırıb.

Deputat bildirib ki, müasir dövrdə sosial media artıq təkcə ünsiyyət vasitəsi deyil, ictimai rəyin formalaşdığı, fikirlərin toqquşduğu və informasiyanın sürətlə yayıldığı geniş platformadır. Onun sözlərinə görə, bu güc düzgün istiqamətləndirilmədikdə cəmiyyət üçün zərərli nəticələr yarada bilər.

Ceyhun Məmmədov vurğulayıb ki, sosial şəbəkələr özünü göstərmək və ya süni gündəm yaratmaq üçün deyil, maarifləndirmə, milli-mənəvi dəyərlərin qorunması və sağlam müzakirə mühitinin formalaşdırılması üçün istifadə olunmalıdır. O qeyd edib ki, bəzən sosial mediada məsuliyyətsiz paylaşımlar, yoxlanılmamış məlumatlar və aqressiv ifadələr yayılır ki, bu da informasiya təhlükəsizliyinə və mənəvi mühitə mənfi təsir göstərir.

Həmçinin oxuyun

Tələbələrin fotolarını yayan şəxsi KMBİ saxladı 

Xalq artistinin həyat yoldaşı vəfat etdi

Güney Azərbaycanın taleyini düsünərkən  - Sayman Aruz YAZIR

Xoşqədəm və digərləri nəzarətə götürüldü

Deputat xüsusilə gənclərə müraciət edərək sosial medianı inkişaf vasitəsinə çevirməyi tövsiyə edib. O, gəncləri bilik paylaşmağa, faydalı təşəbbüsləri dəstəkləməyə, məlumatları yayarkən mənbələri araşdırmağa və emosional reaksiyalardan çəkinməyə çağırıb.

Millət vəkili sonda qeyd edib ki, rəqəmsal məkan da vətəndaş məsuliyyəti tələb edir və sosial medianın istiqamətini müəyyən edən istifadəçilərin özüdür. O, cəmiyyəti hörmət və dialoq mühitinin formalaşdırılmasına, milli birliyin və dəyərlərin qorunmasına töhfə verməyə dəvət edib.