Elnarə Akimova: "Azərbaycan-ABŞ tərəfdaşlığı sülh üçün addımdır"

ABŞ Vitse-prezidenti Cey Di Vensin əvvəlcə Ermənistana, ardınca Bakıya səfəri Cənubi Qafqazda sülh prosesinin taleyinə dair sualları yenidən gündəmə gətirib. Ekspertlər bildirir ki, bu səfərlər sadəcə diplomatik protokol çərçivəsində qiymətləndirilə bilməz. Proseslərin ardıcıllığı və zamanlaması göstərir ki, Vaşinqton artıq regionda müşahidəçi deyil, aktiv rol oynamaq niyyətindədir.

Deputat Elnarə Akimova Citypost.az-a açıqlamasında bildirib ki, Vensin Yerevana səfəri ilk növbədə Ermənistan üçün siyasi mesajdır. ABŞ Ermənistanı regionda tək buraxmadığını nümayiş etdirir və ölkəni sülh sazişini imzalamağa, kommunikasiyaları açmağa təşviq edir. Akimova qeyd edib ki, bu yanaşma Ermənistan üçün təhlükəsizlik və enerji sahəsində yeni alternativlər demək olsa da, eyni zamanda öhdəliklər yaradır. ABŞ-la yaxınlaşma Yerevanı uzun illər manipulyasiya etdiyi “təhlükəsizlik boşluğu” arqumentindən məhrum edir və onu real qərarlar verməyə məcbur edir.Bakıda vəziyyət fərqlidir. Azərbaycan artıq postmünaqişə mərhələsində təşəbbüsü əlində saxlayır və ABŞ ilə imzalanmış Strateji Tərəfdaşlıq Xartiyası bu statusu rəsmiləşdirir. Xartiya təkcə ikitərəfli münasibətlərin dərinləşdirilməsi deyil, həm də Azərbaycanın regional layihələrdə əsas oyunçu kimi beynəlxalq səviyyədə tanınmasını təmin edir. Vaşinqton bu sənədlə göstərir ki, sülhün iqtisadi və nəqliyyat dayaqları Bakının gündəliyi əsasında formalaşacaq.Səfərin xüsusi əhəmiyyətli məqamlarından biri Zəngəzur dəhlizidir. ABŞ-ın təşəbbüsləri dəhlizi Ermənistan üçün “təhdid” deyil, regional qazanc mənbəyi kimi təqdim edir. Azərbaycan üçün isə əsas məsələ Naxçıvanla maneəsiz əlaqənin təmin olunmasıdır. Deputat Akimova vurğulayıb ki, dəhlizin adı yox, hüquqi və praktik mexanizmləri önəmlidir.Vensin səfərləri həmçinin paraflanmış sülh sazişinin beynəlxalq zəmanət müstəvisinə çıxarılmasına xidmət edir. Bu, tərəflərin geri addım atmaq imkanlarını azaldır və sülh sənədini siyasi bəyanatdan real iqtisadi və təhlükəsizlik layihələri ilə əlaqələndirir.

Həmçinin oxuyun

Türk şirkəti  "Preso"Qarabağda işləyən fəhləni işdən qovdu - Şəhidin dayısıdır 

Unudulmaz Aydın Səlimzadə!

Lənkəranda ahıl şəxslərin təqaüd kartlarını talayan şəxs saxlanılıb

Fəzail Ağamalı ilə vida mərasimi olacaq

Millət vəkili əlavə edib ki, səfərlərin pərdəarxasında ABŞ-ın geniş geosiyasi hesabları dayanır. Vaşinqton Cənubi Qafqazda həm Rusiyanın zəifləyən təsirindən istifadə edir, həm də İran faktorunu balanslaşdırmağa çalışır. Azərbaycanla strateji tərəfdaşlıq Vaşinqtona regionda etibarlı dayaqlar qazandırır, Ermənistanla yaxınlaşma isə onu tamamilə başqa mərkəzlərin orbitinə düşməkdən çəkindirir. Bu balans siyasəti sülh prosesini sürətləndirmək üçün alətə çevrilir.

“Vensin bölgəyə səfəri sülh sazişinin dərhal imzalanacağına zəmanət verməsə də, proses artıq təkcə Bakı və Yerevan arasında deyil, daha geniş beynəlxalq məsuliyyət çərçivəsində formalaşır. Sülh sazişi və Zəngəzur dəhlizi məsələsində icraatın başlanması üçün siyasi mühit əvvəlki illərlə müqayisədə daha real və geri dönməz xarakter alır,” deyə Elnarə Akimova vurğulayıb.

Turan