YAP-ın VIII qurultayında struktur dəyişiklikləri gözlənilir
Cəmiyyət 28 Sentyabr 2026, 14:17
319
Yeni Azərbaycan Partiyasının (YAP) keçiriləcək VIII qurultayında partiyanın rəhbər strukturlarının say tərkibinə yenidən baxılması gözlənilir.
Citypost.az xəbər verir ki, nəzərdə tutulan dəyişikliklər arasında İdarə Heyəti və Təftiş Komissiyası üzvlərinin sayının azaldılması da var.
YAP-ın qüvvədə olan Nizamnaməsinə əsasən, İdarə Heyətinin, Təftiş Komissiyasının və Veteranlar Şurasının say tərkibini müəyyənləşdirmək qurultayın səlahiyyətindədir.
Qarşıdakı qurultay ərəfəsində partiyanın əvvəlki qurultaylarında qəbul edilmiş təşkilati qərarlara nəzər salaq:
YAP 21 noyabr 1992-ci ildə Naxçıvanda keçirilən təsis konfransında yaradılıb və Heydər Əliyev partiyanın sədri seçilib. Partiya həmin il dekabrın 18-də dövlət qeydiyyatına alınıb.
I qurultay: rəhbər orqanlar formalaşdırıldı
1999-cu ilin dekabrında keçirilən I qurultayda Heydər Əliyev yenidən partiyanın sədri seçilib. Siyasi Şuranın yeni tərkibi, sədr müavinləri, İdarə Heyətinin üzvləri, icra katibi və onun müavinləri seçilib. Partiyanın təsis konfransında qəbul olunmuş Proqram və Nizamnaməsi dəyişikliklərlə təsdiqlənib.
II qurultay: birinci müavin vəzifəsi yaradıldı
21 noyabr 2001-ci ildə keçirilən II qurultayda Nizamnaməyə dəyişiklik edilərək partiya sədrinin birinci müavini vəzifəsi təsis olunub və İlham Əliyev bu vəzifəyə seçilib. Həmin qurultayda 108 nəfərlik Siyasi Şura və onun üzvləri arasından 26 nəfərlik İdarə Heyəti formalaşdırılıb.
III qurultay: İlham Əliyev sədr seçildi
Həmçinin oxuyun
26 mart 2005-ci ildə keçirilən III qurultayda İlham Əliyev YAP-ın sədri seçilib. Qurultayda partiyanın Nizamnaməsinə də əlavə və dəyişikliklər edilib.
IV, V və VI qurultaylar: prezidentliyə namizəd irəli sürüldü
2008, 2013 və 2018-ci illərdə keçirilən qurultaylarda İlham Əliyevin müvafiq prezident seçkilərində YAP-ın namizədi kimi irəli sürülməsi qərara alınıb. V qurultayda o, yenidən partiyanın sədri seçilib.
VII qurultay: struktur yenidən quruldu
5 mart 2021-ci ildə keçirilən VII qurultayda partiyanın yeni Nizamnaməsi qəbul olunub. Qurultayda 40 nəfərlik İdarə Heyəti və 13 nəfərlik Təftiş Komissiyası seçilib, yeni yaradılan Veteranlar Şurasının 35 nəfərlik tərkibi formalaşdırılıb.
Qüvvədə olan Nizamnamədə Qurultay, partiyanın sədri, İdarə Heyəti və Təftiş Komissiyası partiyanın orqanları kimi göstərilir. Əvvəlki Siyasi Şura bu siyahıda yer almır. Veteranlar Şurası, Gənclər Birliyi, Mərkəzi Aparat və yerli təşkilatlar isə partiyanın strukturuna daxil edilib.
VII qurultayda altı siyasi partiyanın YAP-a qoşulmaq müraciətləri də qəbul olunub. Qurultaydan sonra sədrin müavinləri təyin edilib, Gənclər Birliyinin tərkibi və yerli təşkilatlarla bağlı qərarlar verilib.
VIII qurultayda İdarə Heyəti və Təftiş Komissiyasının say tərkibi azaldılarsa, bu, 2021-ci ildə formalaşdırılmış rəhbər strukturlarında növbəti dəyişiklik olacaq. Yeni tərkiblərin neçə nəfərdən ibarət olacağı qurultayın qərarından sonra məlum olacaq.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Sabunçuda qadın öldürüldü
Sabunçuda ər arvadını qətlə yetirib.Citypost.az xəbər verir ki, hadisə rayonun Məmmədli kəndində baş verib.Rövşən Soltanov şəxsi münasibətlər zəminində həyat yoldaşı Mədinə Soltanovanı bıçaqlayaraq qətlə yetirib.Hadisəni törətməkdə şübhəli bilinən Rövşən Soltanov saxlanılıb və istintaqa təhvil verilib.Faktla bağlı Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanılıb.
28 Sentyabr 2026, 15:12
Bakının bəzi mərkəzi küçələrində avtomobillərin hərəkəti hər gün məhdudlaşdırılacaq
Bakının bir sıra mərkəzi küçələrində avtomobillərin hərəkətinin məhdudlaşdırılması həftənin bütün günlərini əhatə edəcək.Citypost.az bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.Məlumata görə, mobilliyin artırılması, piyadaların rahatlığının təmin edilməsi və piyada hərəkətinin təşviqi məqsədilə mərkəzi küçələrdə avtomobillərin hərəkətinin məhdudlaşdırılması həftəsonları ilə yanaşı, Nəqliyyatı Əlaqələndirmə Şurasının müvafiq qərarı ilə həftənin bütün günlərini əhatə edəcək.Dəyişikliklər, Zərifə Əliyeva küçəsinin Rəsul Rza küçəsi ilə kəsişməsindən sonrakı hissəsinə, Əbdülkərim Əlizadə, Hacı Zeynalabdin Tağıyev, Tərlan Əliyarbəyov və Yusif Məmmədəliyev küçələrinə şamil ediləcək.Bu təşəbbüs piyada zonaları arasında əlaqəliliyin artırılmasına, daha rahat və təhlükəsiz şəhər mühitinin yaradılmasına, şəhər mərkəzinin turizm və...
28 Sentyabr 2026, 15:00
Naxçıvanın yeni təhsil naziri kollektivə təqdim olunub
Naxçıvan Muxtar Respublikasının (MR) yeni təhsil naziri Ovni Mehbalı oğlu Muradov kollektivə təqdim olunub.City post.az xəbər verir ki, nazirin təqdimat mərasimində muxtar respublikanın Baş naziri Cabbar Musayev və Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilov çıxış ediblər.Çıxışlarda Prezident İlham Əliyevin tapşırıq və tövsiyələrinin Naxçıvanda təhsil siyasətinin həyata keçirilməsində əsas istiqamət kimi müəyyənləşdirildiyi vurğulanıb.O.Muradov çıxışında dövlət başçısının müəyyən etdiyi təhsil siyasətinin əsas istiqamətlərinin millətin gələcəyinin formalaşmasında mühüm rol oynadığını vurğulayaraq, Prezident tərəfindən qarşıya qoyulan vəzifələrin dürüstlük, şəffaflıq və peşəkarlıq prinsipləri əsasında həyata keçirilməsi üçün çalışacağını bildirib....
28 Sentyabr 2026, 14:45
Əvəz Zeynallı vəfat etdi
"Xural" qəzetinin və "Xural" TV-nin rəhbəri Əvəz Zeynallı vəfat edib.Citypost.az xəbər verir ki, bu haqda məlumatı jurnalistin vəkil Rəşad Vaqifoğlu yayıb.Qeyd edək ki,Əvəz Zeynallı 1 yanvar 1970-ci ildə Göyçə mahalının Ağbulaq kəndində anadan olub. 1988-ci ildə Ermənistan SSR-dən digər azərbaycanlılarla birlikdə deportasiyaya məruz qalıb. 1988–1990-cı illər ərzində Sovet ordusu sıralarında hərbi xidmət keçib. 1991-ci ildə Ankara Universitetinin hüquq fakültəsinə daxil olub, 1999-cu ildə təhsilini bitirdikdən sonra Azərbaycana qayıdaraq müxtəlif qəzetlərdə çalışıb.Əvəz Zeynallı Türkiyədə olarkən "Böyük Gələcək" dərgisini nəşr etdirib.1999-cu ildən etibarən "Günaydın", "P. S.", "Millətin səsi" qəzetlərinin yazarı, Vətəndaş Həmrəyliyi qəzetinin baş redaktoru olub. 2002-ci ildə "Xural" qəzetini yaradıb və...
28 Sentyabr 2026, 13:55
Bakıya yağış, yüksək dağlara qar yağacaq – SABAHA HAVA PROQNOZU
Bakıda və Abşeron yarımadasında sentyabrın 29-da bəzi yerlərdə fasilələrlə yağış yağacağı gözlənilir.Bu barədə Citypost.az-a Milli Hidrometeorologiya Xidmətindən məlumat verilib.Bildirilib ki, yarımadanın ayrı-ayrı yerlərində qısamüddətli leysan xarakterli olacağı, şimşək çaxacağı ehtimalı var. Şimal-şərq küləyi əsəcək.Havanın temperaturu gecə 17-20° isti, gündüz 22-25° isti olacaq. Atmosfer təzyiqi 758 mm civə sütunundan 761 mm civə sütununa yüksələcək. Nisbi rütubət 70-80 % təşkil edəcək.Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv və güclü olacağı, şimşək çaxacağı, dolu düşəcəyi, yüksək dağlıq ərazilərdə qara keçəcəyi ehtimalı var. Gecə və səhər bəzi yerlərdə duman olacaq. Şərq küləyi bəzi yerlərdə arabir güclənəcək.Havanın temperaturu gecə...
28 Sentyabr 2026, 13:24
Sabiq nazir qardaşı oğlunu vəzifədən azad etdi
Sabiq əmək və əhalinin sosial müdafiəsi naziri Füzuli Ələkbərova məxsus “İmprotex Group”a daxil şirkətlərdən biri - “İmprotex İndustries” MMC-nin rəhbəri dəyişib.Citypost.az-a Yurd.Media-ya istinadən xəbər verir ki, Ruslan Ələkbərov şirkətin qanuni təmsilçisi vəzifəsindən azad olunub. O, F.Ələkbərovun qardaşı Nizami Ələkbərovun oğludur. R.Ələkbərovun yerinə Anar Mustafayev təyin edilib.A.Mustafayev bu təyinatadək şirkətlər qrupuna daxil “İmprotex Trucks and Buses” șirkətinin direktor müavini vəzifəsində çalışıb və hazırda paralel olaraq bu şirkətin də qanuni təmsilçisidir.Xatırladaq ki, “İmprotex” şirkətlər qrupu 1991-ci ildə yaradılıb. Şirkətlər qrupuna “İmprotex Trucks & Buses”, “İmprotex Industries”, “İmprotex Motors” və “İmagro” kimi törəmə şirkətlər daxildir....
28 Sentyabr 2026, 13:00
