Barəsində rüşvət qalmaqalı yaranan şəxsə yüksək vəzifə verdi — Nazirlikdən məsələyə reaksiya
Hadisə 14 Aprel 2025, 15:08
28972
Ekspertin öz verdiyi rəyi təkzib etməsi qalmaqala səbəb olub.
Citypost.az saytı xəbər verir ki, Oxu24.com saytına Azərbaycan Respublikası Səhiyyə Nazirliyinin “Məhkəmə Tibbi Ekspertiza və Pataloji Anatomiya Birliyi”, Publik Hüquqi Şəxsin vəzifəli şəxsləri baş direktor, professor Ədalət Həsənov və həmin qurumun hazırda Komisyon Ekspertizalar Şöbəsinin rəisi Cavid Cahangirli barədə maraqlı məlumatlar daxil olub.
Belə ki, məlumatı saytımıza verən şəxs M.Ş.M-nın iddiasına görə 2015-ci ildə Bakı Şəhər Prokrorluğunda onun barəsində istintaq araşdırılması apardığı dövrdə tibbi ekspert Cavid Cahangirli ondan qırx min manat almaqla istintaqa cəlb edilməmək şərti ilə barəsində ağır (xroniki pankreatit, qaraciyərin polikistozu və xroniki hepatit) xəstəliyin daşıyıcı olduğuna dair 174/KEŞ nömrəli, 27 May 2016-cı il tarixli tibbi-ekspert rəyi verilib.
Dərhal onun barəsində açılmış cinayət işinin təqibi həmin tibbi rəyə əsasən dayandırılıb.
Lakin 2017-ci ilin sentyabr ayında cinayət işi Bakı şəhəri Səbail Rayon Polis İidarəsinin istintaq şöbəsindən alınaraq davam etdirilməsi üçün Bakı Şəhər Prokrorluğunun istintaq idarəsinin müstəntiqi Zöhrab Səməndovun icraatına verilib.
Özünün şikayətçiyə dediyi sözlərə görə,Bakı Şəhər Prokrorluğunun təpkisinə dözə bilməyən Cavid Cahangirli M.Ş.M-nın müalicəsinin Ədliyyə Nazirliyinin Penitensiar Xidmətin Mərkəzləşmiş Xəstəxanasında davam etdirilə biləcəyinə dair (öz verdiyi rəyi ləğv etməklə) 276/KEŞ nömrəli, 06 sentyabr 2017-ci il tarixdə yeni tibbi rəy verib.
Cavid Cahangirli M.Ş.M-a baş verənlərin səbəbini aldığı qırx min manatın beş min manatını qaytararaq belə izah edib ki, onun barəsində istintaqı təqib edən Bakı Şəhər Prokrorluğu israrla verdiyi tibbi rəyin ləğv edilməsini tələb etdiyi üçün belə addım atıb.
O qalan pulların baş direktor Ədalət Həsənova, şöbə rəisi Ziyafəddin Məmmədova və digər tibbi ekspert Rafik Nuriyevə çatdığını söyləyib və 10 gün ərzində həmin şəxslərdən qalan pulları alıb qaytaracağına söz verib.
Aralarındakı söhbətdən üç gün sonra M.Ş.M istintaq orqanı tərəfindən həbsə alınıb. M.Ş.M yaxın adamları onun sifarişi ilə Cavid Cahangirlidən qalan pulları tələb etsə də, O, ümumiyyətlə, tələbkarı tanımadığını, aralarında belə bir şey olmadığını bildirib.
Həbs yerindən M.Ş.M dəfələrlə verdiyi pulların qalan hissəsini tələb etməkdən ötrü zəng etsə də, Cavid Cahangirli onun zənglərini cavabsız qoyub. Məcburiyyət qarşısında qalan iddiaçı Cavid Cahangirlinin qanunsuz hərəkətlərindən Baş Prokrorluğa şikayət ünvanlayıb. Cavid Cahangirli bundan sonra istintaqa cəlb olunub. İstintaq zamanı çoxsaylı şahid ifadələri alınmış, sorğular verilmiş, müvafiq ekspertizalar təyin edilmiş, hadisənin baş verdiyi ərəfədə iddiaçının və MTE və PA Birliyinin tibbi eksperti Cavid Cahangirlinin istifadəsində olmuş mobil telefon nömrələrindən çıxarışlar edilmiş, üzləşmə və digər zəruri istintaq hərəkətləri aparılmışdır. Şikayət əsasında tibbi ekspert Cavid Cahangirli barəsində toplanmış materiallar Azərbaycan Respublikası Cinayət Məcəlləsi 126.3 və 309.1-ci maddələri ilə başlanmış 190206051 nömrəli cinayət işinə əlavə edilmişdir.
Oxu24.com araşdırma aparan zamanı bir sıra maraqlı nüaslar ortaya çıxıb. Məlum olub ki, baş direktor Ədalət Həsənov Baş Prokrorluğun barəsində araşdırma apardığı şəxsi – yəni adi tibbi ekspert Cavid Cahangirlinin səlahiyyətlərini məhdudlaşdırmaq əvəzinə, aqibəti bəlli olmayan qalmaqaldan sonra Azərbaycan Respublikasının Əmək Məcəlləsinə məhəl qoymadan onu daha yüksək vəzifəyə -komisyon ekspertizalar şöbəsinə rəis təyin edib.
Mövcud təyinatın Cavid Cahangirlinin hansı müsbət göstəricisinə görə olduğunu öyrənməkdən ötrü “MTE və PAB” phş-nin baş direktoru , professor Ədalət Həsənov KİV haqqında qanun tələblərini pozaraq sorğumuzu cavabsız qoydu.
Həmçinin oxuyun
Sayt baş direktor Ədalət Həsənovun və Komisyon Ekspertizalar Şöbəsinin rəisi Cavid Cahangirlinin də mövqelərini işıqlandırmağa hazırdır.
Qeyd olunan iddialarla bağlı Səhiyyə Nazirliyinə sayt tərəfindən sorğu ünvanlanıb.
Səhiyyə Nazirliyindən verilən məlumata görə,Cavid Cahangirli Məhkəmə-Tibbi Ekspertiza və Patoloji Anatomiya Birliyində vəzifəyə təyin edilməsində hər hansı qanun pozuntusu mövcud deyil.
"Qeyd edək ki, əvvəllər cinayət məcəlləsinin dələduzluq maddəsi ilə məhkum olunan vətəndaşın müraciəti əsasında 2017-ci ildə Prokurorluqda araşdırma başlanılıb. Cavid Cahangirli sorğuda qeyd edilən 190206051 nömrəli cinayət işində təqsirləndirilən şəxs kimi cəlb edilməyib, ondan şahid ifadəsi alınıb. Barəsində hər hansı məhdudiyyət tətbiq olunmayıb",-deyə məlumatda qeyd edilir.
Hazırladı: Miri Məcidli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Yaşlıların təqaüd kartlarını talayan şəxs saxlanıldı
Lənkəran Şəhər Rayon Polis Şöbəsinin əməkdaşları ahıl yaşlı şəxslərin təqaüd kartlarından oğurluq etməkdə şübhəli bilinən, əvvəllər məhkum olunmuş 30 yaşlı Coşqun Hüseynovu saxlayıblar.Citypost.az xəbər verir ki, araşdırmalarla məlum olub ki, C. Hüseynov bankomatların yaxınlığında dayanaraq kömək üçün ona müraciət edən yaşlı şəxslərin kartlarını alıb, onlara içində vəsait olmayan başqa kartlar qaytarıb.Daha sonra isə o, əldə etdiyi kartlardakı vəsaiti nağdlaşdırıb.C. Hüseynov bu üsulla 6 təqaüdçünün ümumilikdə 2389 manatını ələ keçirib.Faktlarla bağlı araşdırma aparılır....
10 Fevral 2026, 11:22
Lənkəranda ahıl şəxslərin təqaüd kartlarını talayan şəxs saxlanılıb
Lənkəran Şəhər Rayon Polis Şöbəsinin əməkdaşları ahıl yaşlı şəxslərin təqaüd kartlarından oğurluq etməkdə şübhəli bilinən, əvvəllər məhkum olunmuş 30 yaşlı Coşqun Hüseynovu saxlayıblar.CityPost.az-ın verdiyi xəbərə görə, araşdırmalarla məlum olub ki, C. Hüseynov bankomatların yaxınlığında dayanaraq kömək üçün ona müraciət edən yaşlı şəxslərin kartlarını alıb, onlara içində vəsait olmayan başqa kartlar qaytarıb.Daha sonra isə o, əldə etdiyi kartlardakı vəsaiti nağdlaşdırıb.C. Hüseynov bu üsulla 6 təqaüdçünün ümumilikdə 2389 manatını ələ keçirib. Faktlarla bağlı araşdırma aparılır....
10 Fevral 2026, 10:06
Samuxda evdə 26 yaşlı oğlanın meyiti tapılıb
Samuxda evdə meyit tapılıb.Citypost.az-nın yerli bürosunun məlumatına görə, rayon sakini 2000-ci il təvəllüdlü Ə.Ələkbərovun meyiti yaşadığı evdə aşkarlanıb. Hadisə yerinə polis və prokurorluq əməkdaşları cəlb edilib.Ölümün hansı səbəbdən baş verməsi məlum deyil.Faktla bağlı rayon prokurorluğunda araşdırma aparılır.
09 Fevral 2026, 13:47
Bakıda biznesmenlə bir qrup şəxs arasında insident - Video
Dünən səhər saatlarında Bakıda tikinti şirkətlərindən birinin ərazisində insident olub.“Qafqazinfo” xəbər verir ki, Nərimanov rayonu ərazisində “Okuklu Holding”in rəhbəri Yılmaz Okuklu ilə bir qrup şəxs arasında dava-dalaş olub. Hadisə yerinə polis əməkdaşları cəlb edilib.Yılmaz Okuklu hadisə vaxtı sosial şəbəkədə canlı yayım açıb. O bildirib ki, bir neçə nəfər onu təkləyərək hücum edib. İnsidentin biznes mübahisəsi zəminində baş verdiyi iddia edilir.DİN-in Mətbuat xidmətindən sorğumuza cavab olaraq bildirildi ki, faktla bağlı araşdırma aparılır: “Fevralın 8-də səhər saatlarında paytaxtın Nərimanov rayonunda tikinti şirkətinin nümayəndələri ilə orada məskunlaşmış bir neçə sakin arasında insidentin olması barədə polisə məlumat daxil olub.Əraziyə yaxınlaşan polis əməkdaşları tərəfindən insidentin...
09 Fevral 2026, 10:38
Göygöldə 40 yaşlı kişini öldürüb dərəyə atan şəxs saxlanılıb
Göygöldə 40 yaşlı kişini bıçaqlayaraq öldürüb dərəyə atan şəxs saxlanılıb.APA-nın məlumatına görə, rayon polis şöbəsinin əməkdaşlarının keçirdikləri əməliyyat-axtarış tədbirləri nəticəsində hadisənin törətməkdə şübhəli bilinən Göygöl rayon Mollacəlilli kənd sakini 41 yaşlı Rasim Quliyev saxlanılaraq istintaqa təhvil verilib.Hazırda faktla bağlı Göygöl Rayon Prokurorluğunda araşdırma aparılır.Qeyd edək ki, fevral ayının 4-ü Mollacəlilli kənd sakini 1986-ci il təvəllüdlü Saqib Quliyevin meyiti kənd ərazisində tapılıb....
08 Fevral 2026, 23:04
Axtarışda olan 111 nəfər saxlanılıb - DİN
Fevralın 6-da ölkə ərazisində qeydə alınan 68, əvvəlki dövrlərdən bağlı qalan 3 cinayətin açılması polis əməkdaşları tərəfindən təmin olunub. Bu barədə Daxili İşlər Nazirliyinin (DİN) Mətbuat xidmətindən bildirilib. Belə ki, axtarışda olduğuna görə ümumilikdə 165, o cümlədən borclu şəxs qismində axtarışda olan 111 nəfər saxlanılaraq aidiyyəti üzrə təhvil verilib. Narkotiklərlə əlaqəli 41, qanunsuz saxlanılan silah-sursatın götürülməsi və aşkarlanması ilə bağlı 22 fakt müəyyən edilib. Cinayət törətməkdə şübhəli bilinən 67 nəfər saxlanılıb....
07 Fevral 2026, 20:17
