Etibar Əliyev: “Vurğun Əyyub ömrünün sonuna yaxın dəyərli kitab yazdı”

Ömrünün sonuna yaxın məmləkətə fayda vermək naminə dəyərli bir kitab yazdı…

24 sentyabr Tələbə Qəbulu üzrə Dövlət Komissiyasının ilk sədri olmuş, pedaqoq, tədqiqatçı, ədəbiyyatşünas alim Vurğun Əyyubun  (1957-2019) anım günüdür. 

Vurğun bəy ömrünün sonuna yaxın çap etdirdiyi "Azərbaycan romantizmini araşdırarkən...” adlı sanballı əsəri Ali məktəb tələbələri və ədəbiyyatşünaslar üçün əvəzsiz vəsaitdir. 

Heç yadımdan çıxmır, kitabı mənə bağışladı və dedi ki, oxuyub fikrimi bildirim...Kitabın dəyəri barədə ona heç nə deyə bilmədim. Komaya düşdü. 

Vurğun Əyyub yazır: "Axtarışlar göstərir ki, dünya və milli romantizm haqqında Azərbaycan sovet dövrü ədəbiyyatşünaslığında ilk tədqiqat mərhum Mir Cəlalın adı ilə bağlıdır. O, "Ədəbiyyatda romantizm" adlı məqaləsində Azərbaycan romantizmi ilə bərabər alman, fransız, türk  romantizmlərinin də spesifik xüsusiyyətlərindən söz açmışdır. Mir Cəlalın sonrakı dövrlərdə romantik sənətkarlar haqqında yazılmış bir neçə məqaləsidə onun "XX Əsr Azərbaycan əsdəbiyyatında ədəbi məktəblər" (1945) adlı doktorluq dissertasiyasının romantizm bölməsi üçün bünövrə rolunu oynamışdır." 

Vurğun Əyyub Azərbaycan romantik lirikasını mövzu və ideyalar aləminə, poetika xüsusiyyətlərinə görə belə təsnif etmişdir: 

vətəndaşlıq lirikası;

fəlsəfi lirika;

məhəbbət lirikası.

Əsərdə Romantik lirikanın görkəmli nümayəndələri Abbas Səhətin, Məhəmməd Hadinin, Abdulla Şaiqin, Hüseyn Cavidin vətəndaşlığı ön plana çəkilmiş, onların ictimai həyatdakı vətəndaşlıq fəaliyyətləri bədii yaradıcılıqlarındakı vətəndaşlıq idealları ilə üzvi surətdə əlaqələndirilmişdir. 

Vurğun bəy ixtisasca filoloq olsa da adlarını çəkdiyim böyük şairlərin lirikasının fəlsəfəsini ustalıqla təsvir etmişdir. 

Kitabda toplanılan əsərlər sovet dövrü ədəbiyyatşünaslığımızda romantizm və romantikanın taleyi ilə bağlı gedən bəzi mübahisələrə aydınlıq gətirmək, Azərbaycan romantizminin həqiqi qiymətini vermək cəhdi baxımında bu günün ədəbiyyatşünasları, tələbə və doktorantlar üçün maraqlı görünə bilər.

Onun Ömür yolu, anılar, anım xatirələri, Anım xəbərləri, Məqalə və xatirələr, müsahibələrdən ibarət mətnləri özündə birləşdirən "Sevgi seli" kitabında toplanıb. Kitabın məsləhətçisi Əli Şamil, İdeya və ön söz müəllifləri professor Bədirxan Əhmədov, Etibar Əliyev və Anar Əsədlidir. Vurğun bəy yaddaşlarda təhsil islahatçısı, dürüst siyasətçi, gözəl müəllim və dəyərli dost kimi qalır və qalacaqdır... 

Etibar Əliyev

Təhsil eksperti, sabiq deputat

Həmçinin oxuyun

SEVGİ VƏ HƏYATIN MÜQƏDDƏSLİYİ  

Məcburi Sevginin Qurbanları…

MEYXANAYA “YOX!” DEMƏYİN VAXTIDIR!  

Şahin Qurbanovdan xəbər var...