Rusiya-Ukrayna müharibəsi bitmək üzrədir - Əli Kərimlinin gözlədiyi fürsət 

Bu gün səhər saatlarından Dövlət Təhlükəsizliyi Xidməti (DTX) Azərbaycan Xalq Cəbhəsi Partiyası (AXCP) sədri Əli Kərimlinin evində axtarış aparır. Rəsmi təsdiqlənib ki, axtarış tədbirləri Prezident Admistrasiyasnın sabiq rəhbəri, hazırda ev dustaqlığında saxlanılan Ramiz Mehdiyevin cinayət işi üzrə davam edən istintaqla bağlıdır.

“Qafqazinfo” AXCP sədrinin evindəki qəfil axtarışın bəzi detallarını öyrənib.

Əldə etdiyimiz məlumata görə, hazırda istintaq Ramiz Mehdiyevlə Əli Kərimli arasında cinayət məsuliyyəti yaradan əlaqələri araşdırır. Bu epizod üzrə də müstəntiqlər çoxsaylı dəlil və sübutlar toplayıblar.

Ən mühüm istiqamətlərdən biri isə Ramiz Mehdiyevin bir müddət əvvəl Rusiyaya göndərdiyi məktubun məzmunudur. Həmin məktubun təhlil edildiyi və Əli Kərimli ilə Ramiz Mehdiyev arasındakı münasibətlərdən bəhs edildiyi təsdiqlənib.

“Boz kardinal” və Kərimli işbirliyini təsdiqləyən başqa məlumatlar da var. Məsələn, onların vaxtaşırı gizli görüşlər keçirdiyi, məxfi məlumat mübadiləsi apardıqları bilinir. Ramiz Mehdiyevin cinayət işinin içində rabitə kanalları vasitəsilə ötürülən məlumatlar da var.

Daha əvvəl Mehdiyevin vəkilləri tərəfindən həmin məlumatların toplanması üçün qəbul edilmiş qərardan apellyasiya şikayəti də verilmişdi. Bu və bənzər başqa həyata keçməyən planlar var ki, Rusiya-Ukrayna müharibəsi bitdikdən sonra onları reallaşdırmaq arzusu yenidən gündəmə gələ bilir. Ona görə ki, müharibədən sonra Rusiyanın Qafqaz üzərində təsir dairəsini yenidən bərpa etməyə çalışacağı heç kimdə şübhə doğurmur.

Həmçinin oxuyun

Dayə kimi çalışdığı evdən 60 min manatlıq qızıl oğurlamaqda şübhəli bilinən qadın saxlanılıb 

Vərəsəlik hüququ kimlərə verilə bilər?  

700 yaşlı şəhərin yeri çətinliklə müəyyən edilib  

Sabiq nazirin şirkəti 8.500.000 manatlıq tenderin qalibi olub  

Belə olan halda qoca “boz kardinal”ın təlimatlandırdığı daim radikal davranışları ilə dövlət maraqlarına qarşı çıxan AXCP-dən də istifadə ediləcək.

Onsuz da Əli Kərimli və təxribatçı klana daxil olan digərləri çoxdandır uyğun fürsət yetişməsini iplə çəkirlər.

Elə qeyd olunanlar da nəzərə alınmaqla belələrinin ipi vaxtında çəkilməli, xüsusilə dövlət təhlükəsizliyi üçün risk hesab edilən fəaliyyətlərin qarşısının alınması üçün birinci AXCP zərərsizləşdirilməlidir.

Qeyd edək ki, Ramiz Mehdiyevin cinayət işi üzrə ibtidai istintaq davam edir. Dövlətə xəyanət, dövlət həkimiyyətini ələ keçirməyə yönələn hərəkətlər və cinayət yolu ilə əldə edilmiş əmlakı leqallaşdırma maddələri ilə ittiham olur. Onun barəsində ev dustaqlığı qətimkan tədbiri seçilib.