65 yaşa çatdıqdan sonra pensiya kapitalı aylıq ödənişə əlavə olunurmu?

İkinci qrup əlilliyi olan və uzun illərdir ömürlük pensiya alan vətəndaşların ən çox ünvanladıqları suallardan biri də pensiya kapitalının sonradan aylıq ödənişlərə necə təsir etməsi ilə bağlıdır. Xüsusilə əmək fəaliyyətini davam etdirən, rəsmi şəkildə işləyən və fərdi hesabında müəyyən məbləğdə pensiya kapitalı toplanan şəxslər bu vəsaitin gələcəkdə pensiyalarına əlavə olunub-olunmayacağını öyrənmək istəyirlər.

Citypost.az-ın məlumatına görə, hüquq mütəxəssislərinin sözlərinə görə, əgər vətəndaşa əlilliyə görə əmək pensiyası təyin olunubsa və həmin müddətdə onun fərdi hesabında pensiya kapitalı formalaşıbsa, bu kapital sonrakı mərhələdə pensiya məbləğinin artmasına təsir göstərə bilər.

Mütəxəssislər bildirirlər ki, Azərbaycan qanunvericiliyinə əsasən əmək pensiyaları üç əsas növə bölünür: yaşa görə əmək pensiyası, əlilliyə görə əmək pensiyası və ailə başçısını itirməyə görə əmək pensiyası.

Vətəndaş eyni vaxtda bu pensiyaların hamısını almaq hüququna malik deyil və yalnız bir növ üzrə təminat əldə edə bilər.Əgər vətəndaşa əvvəllər, məsələn, əlilliyə görə 320 manat məbləğində pensiya təyin olunubsa və sonradan 65 yaş həddinə çataraq yaşa görə əmək pensiyası hüququ qazanıbsa, bu halda ona daha sərfəli olan pensiya növü müəyyən edilir. Hazırda tətbiq edilən qaydalara əsasən, sistem avtomatik şəkildə vətəndaş üçün daha yüksək məbləğli pensiya variantını seçərək təyin edir.

Bununla yanaşı, vətəndaşın əmək fəaliyyəti dövründə topladığı pensiya kapitalı da nəzərə alınmalıdır. Məsələn, fərdi hesabda 26 min 500 manat pensiya kapitalı formalaşıbsa, həmin vəsaitin pensiya hesablamalarına təsiri araşdırılmalı və qanunvericiliyin tələblərinə uyğun olaraq aylıq ödənişlərdə artım baş verməlidir.

Hüquqşünasların fikrincə, əgər vətəndaş pensiya kapitalının nəzərə alınmadığını və ya pensiya məbləğinin dəyişmədiyini düşünürsə, bu halda aidiyyəti dövlət qurumlarına müraciət etməsi vacibdir.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Mütəxəssislər ilk növbədə DOST mərkəzlərinə və ya Dövlət Sosial Müdafiə Fonduna müraciət etməyi tövsiyə edirlər. Həmin müraciət əsasında vətəndaşın fərdi hesabındakı kapital yenidən araşdırıla, pensiya məbləği təkrar hesablana və əlavə artımın tətbiqi ilə bağlı qərar qəbul oluna bilər.

Qeyd olunur ki, pensiya kapitalı vətəndaşın gələcək sosial təminatının əsas elementlərindən biridir və onun düzgün hesablanması hər bir şəxsin qanuni hüququdur. Buna görə də vətəndaşlar öz fərdi hesablarında toplanan vəsaitləri mütəmadi izləməli, hər hansı uyğunsuzluq aşkar etdikdə isə rəsmi qaydada yenidən hesablama tələb etməlidirlər.

Mütəxəssislər vurğulayırlar ki, yaşa görə pensiya hüququ əldə olunduqdan sonra fərdi pensiya kapitalının nəzərə alınması nəticəsində aylıq ödənişlərdə artım baş verə bilər və bu hüquq qanunvericiliklə qorunur. Əgər belə artım həyata keçirilməyibsə, vətəndaşın yenidən hesablanma tələbi ilə müraciət etməsi tamamilə qanuni və əsaslı addım hesab olunur.

Yeganə