Nura Suridən Türkiyəli aktrisaya DƏSTƏK 

Türkiyəli aktrisa Beren Saatın ingilis dilində ifa etdiyi “CapitaliZoo” adlı mahnı və klipi sosial şəbəkələrdə müzakirələrə səbəb olub. Sənətçinin həm ifaçı, həm də söz müəllifi kimi çıxış etdiyi layihə birmənalı qarşılanmayıb. Artıq bəzi istifadəçilər onun aktrisalıqdan musiqiyə keçidini tənqid etməyə başlayıblar.

Citypost.az xəbər verir ki, mövzu ilə bağlı müğənni Nura Suri sosial şəbəkə hesabında paylaşım edərək məsələyə fərqli prizmadan yanaşıb. O bildirib ki, Beren Saatın bu addımını tələsik qınamaq doğru deyil. Nura Surinin sözlərinə görə, “CapitaliZoo” sadəcə mahnı deyil, açıq mesaj daşıyan bir işdir.

Qeyd olunub ki, mahnının məzmununda insanların təbiətcə vəhşi və azad varlıqlar olduğu, lakin kapitalist sistem tərəfindən sanki zooparkdakı heyvanlar kimi sərgiləndiyi ideyası ön plana çəkilir. Qaydalar, pul, status və istehlak mədəniyyəti isə bu kontekstdə insanı əhatəyə alan görünməz qəfəs kimi təqdim olunur.

Nura Suri paylaşımında yerli musiqi bazarına da toxunaraq vurğulayıb ki, bu gün “hit”ə çevrilən mahnıların əksəriyyətində dərin məna yoxdur. Onun fikrincə, mənalı və mesajlı mahnılar kifayət qədər dinlənilmir, əvəzində səs-küy yaradan, lakin məzmun baxımından zəif olan ifalar populyarlıq qazanır.

Müğənni dünya ulduzu Michael Jacksonu nümunə göstərərək qeyd edib ki, onun demək olar ki, hər mahnısı cəmiyyətə mesaj ötürürdü və sənət sosial mövqenin ifadə vasitəsinə çevrilirdi.

Beren Saatın “CapitaliZoo” layihəsi isə hazırda həm sənət, həm də ideoloji baxımdan müzakirə mövzusu olaraq qalır.

Turan

Həmçinin oxuyun

Bu pozuntuya görə sürücü 100 manat cərimələnəcək 

İcra başçısına yeni müavin təyin olundu 

Orta aylıq əmək haqqı 9,3% artdı 

Qeydiyyata alınmamış qrantlara görə cərimə tətbiq edəcək orqanlar müəyyənləşib