Xalq artisti Əli Nur şəhid oğluna şeir həsr edib
Sənət aləmi 24 Mart 2026, 08:56
251
Akademik Milli Dram Teatrının aktyoru, Xalq artisti Əli Nur Vətən müharibəsində şəhid olmuş oğlu, “Azərbaycan Bayrağı” ordenli baş leytenant Rövşən Nurzadənin doğum günü münasibətilə ona həsr etdiyi təsirli şeiri ictimaiyyətlə bölüşüb.
“Rövşən balam bağrım başı göynəyir,
Hicran həsrət ürəyimi çeynəyir,
Soruşmursan atan sənsiz neyləyir?
Hər gün dua eyləyirəm pirdə gəl!
Əziz balam bu dünyaya bir də gəl!
Hünərinlə qarı düşmən diz çöküb,
Gözləyirəm yaram üstə duz töküb,
Kənan balan yollarına göz dikib,
Dözə bilmir əzizlərin, yerdə gəl.
Şəhid balam bu dünyaya bir də gəl!”
Qeyd edək ki, bu gün şəhid baş leytenant Rövşən Nurzadənin doğum günüdür. O, 1975-ci il martın 24-də Sumqayıt şəhərində anadan olub. Əslən Ağsu rayonundan olan Rövşən Nurzadə Azərbaycan Dövlət İqtisad Universitetində təhsil alıb. Ailəli idi.
Rövşən Nurzadə Hərbi Akademiyada təhsil aldıqdan sonra Azərbaycan Silahlı Qüvvələrinin sıralarında xidmətə başlayıb. Azərbaycan-Ermənistan təmas xəttində yerləşən hərbi hissələrdən birində leytenant rütbəsi ilə xidmət edən Rövşən Nurzadə 10 illik xidmətindən sonra baş leytenant rütbəsi ilə ordudan tərxis olunub.
Həmçinin oxuyun
2020-ci il sentyabrın 27-də başlayan Vətən müharibəsi zamanı o, könüllü olaraq döyüşlərə qatılıb. Baş leytenant Rövşən Nurzadə Cəbrayılın, Zəngilanın, Qubadlının və Şuşanın azadlığı uğrunda gedən döyüşlərdə qəhrəmanlıqla savaşıb. O, noyabrın 6-da Şuşa uğrunda gedən döyüşlər zamanı şəhidlik zirvəsinə ucalıb. Şəhid Rövşən Nurzadə II Fəxri Xiyabanda dəfn olunub.
Qəhrəman zabitin döyüş yoluna və göstərdiyi igidliyə dövlət tərəfindən yüksək qiymət verilib. Belə ki, Azərbaycan Prezidenti İlham Əliyevin müvafiq sərəncamları ilə Rövşən Nurzadə ölümündən sonra “Vətən uğrunda”, “İgidliyə görə”, “Qubadlının azad olunmasına görə”, “Şuşanın azad olunmasına görə” medalları, eləcə də “Azərbaycan Bayrağı” ordeni ilə təltif edilib.
Turan
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Xalq artistinin nəvələri - FOTO
Xalq artisti, “Şöhrət” ordenli Nürəddin Mehdixanlı sosial şəbəkə hesabında nəvələrinin fotosunu paylaşıb.Citypost.az xəbər verir ki, Sənətkar paylaşımında nəvələri Mədinə və Məryəmə bayram təbrikini çatdıraraq onlara xoş arzularını ifadə edib.“O müqəddəs, Üçrəngli Bayrağımızın şəfqəti, ucalığı, kölgəsi başınızın üstündən heç vaxt əskik olmasın, mənim gözəl nəvələrim, Mədinəm, Məryəmim! Bayramlarınız mübarək olsun!” – deyə paylaşımda qeyd olunub.Əli
23 Mart 2026, 10:29
Əliqismət Lalayev: “Yalanı heç vaxt bağışlamıram”
Azərbaycan Respublikasının və Naxçıvan Muxtar Respublikasının Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev REAL televiziyasının “Yazı taxtası” verilişində səsləndirdiyi fikirlərlə diqqət çəkib.Citypost.az. xəbər verir ki, Azərbaycan Respublikasının Mədəniyyət Nazirliyində , Azərbaycan Dövlət Akademik Musiqili Teatrında çalışdığı illərdə ölkə mədəniyyətinə hər zaman uğurlu töhfələri ilə seçilən , rəhbərlik etdiyi kollektivlərdə hər kəsin sevgisini qazanan Əliqismət Lalayev bildirib ki, kinli insan olmasa da, bəzi məqamları unutmur: “Mən kinli deyiləm. Amma bəzi şeylər var ki, heç vaxt yadımdan çıxmır. Unutmamaq hələ kinli olmaq demək deyil. Məncə, kinli insan qisas alan, qarşı tərəfə zərər vura bilən adamdır. Məndə bu yoxdur. Amma mənə...
22 Mart 2026, 10:10
Hikmət Rəhimov yeni imici ilə kamera qarşısında
Tanınmış teatr və kino aktyoru Hikmət Rəhimov yeni imici ilə kamera qarşısına keçib.Citypost.az xəbər verir ki, sənətçi bu çəkilişi sosial şəbəkədə paylaşaraq bildirib: “Səkkiz”dən sonra yavaş-yavaş bərpa oluram”.Hikmət Rəhimovun yeni görüntüləri və imici izləyicilər tərəfindən maraqla qarşılanıb.Turan
20 Mart 2026, 10:25
Laləzar Mustafayevanın qızı fəlsəfə doktoru OLDU
Azərbaycanın xalq artisti, Azərbaycan Respublikası Prezidentinin fərdi təqaüdüçüsü, görkəmli aktrisa Laləzar Mustafayevanın qızı Vüsalə Nəbiyeva filologiya elmləri üzrə fəlsəfə doktoru diplomu alıb.Citypost.az xəbər verir ki, bu barədə Laləzar Mustafayeva paylaşım edib. O bildirib ki, Novruz bayramı ərəfəsində qızı illərin gərgin zəhmətinin nəticəsi olaraq elmi araşdırmalarının rəsmi təsdiqini alıb.Qeyd olunub ki, Azərbaycan Respublikasının Prezidenti yanında Ali Attestasiya Komissiyasının qərarı ilə Vüsalə Nəbiyeva filologiya elmləri üzrə fəlsəfə doktoru diplomu təqdim edilib.Laləzar Mustafayeva qızının bu uğurunun onu sonsuz qürurlandırdığını vurğulayıb. O, Vüsalənin gecə-gündüz çalışdığını, böyük zəhmət sərf etdiyini qeyd edərək, bu nailiyyətin tam mənası ilə onun haqqı olduğunu bildirib.Xalq artisti paylaşımında qızını təbrik...
20 Mart 2026, 09:16
Val Kilmer süni intellekt vasitəsilə yeni filmində rol alacaq
2025-ci ilin aprel ayında vəfat edən aktyor Val Kilmer, qabaqcıl süni intellekt texnologiyası sayəsində müstəqil film “As Deep as the Grave”də rol alacaq. Rejissor Kurt Vurhiss Kilmer üçün yazdığı rolda onu katolik keşişi və yerli xalqların mənəvi müəllimi kimi təsvir edir.Citypost.az xarici KİV-lərə istinadən xəbər verir ki, Kilmerin rəqəmsal bənzərliyi və səsi generativ süni intellektdən istifadə olunaraq, arxiv fotoşəkillər və əvvəlki görüntülər əsasında yaradılıb. Rejissor bildirib ki, aktyorun sağlamlıq vəziyyəti çəkilişlərə imkan vermədiyi üçün bu texnologiyaya müraciət ediblər.Kilmerin ailəsi rəsmi icazə verib və bütün kompensasiyalar qaydalara uyğun həyata keçirilib. Kilmerin qızı Mersedes bildirib ki, atasının yeni texnologiyalara marağı və hekayə...
19 Mart 2026, 11:56
Mircəlal Qurbanov mərhum atasından yazdı:"Ömrümün dayağı və qürurumdur"
Azərbaycan Yazıçılar Birliyinin üzvü, nəğməkar-şair, Prezident təqaüdçüsü və “Fire Land Group”un rəhbəri, polkovnik Mircəlal Qurbanov şəxsi sosial şəbəkə hesabında atası Cavanşir Qurbanovun xatirəsinə duyğusal paylaşım edib.Citypost.az xəbər verir ki, Mircəlal Qurbanov bildirib ki, bu gün ömrünün dayağı və varlığının səbəbi olan atasını yanındakı olmadan ilk dəfə doğum gününü qeyd edir. O, atası Cavanşirin öz həyatında nəfəs, güc və dayaq sütunu olduğunu, addımlarında, qərarlarında və yolunda daima onun təsirinin yaşadığını vurğulayıb.Şair qeyd edib ki, atası təkcə onun deyil, bütün nəslinin və ailəsinin dayaq sütunu və əbədi ağsaqqal olub. O, atasının zəhməti, tərbiyəsi və adı ilə fəxr etdiyini və Cavanşir Qurbanovun övladı...
19 Mart 2026, 11:11
