Nazir Əhmədli: “İran bu müharibənin qalibidir”  

Siyasi şərhçi, araşdırmaçı alim Nazir Əhmədli 2026-cı ildə baş verən İran–ABŞ–İsrail qarşıdurması ilə bağlı analitik şərhində İranın müharibədən qalib çıxdığını iddia edib.

Citypost.az xəbər verir ki,onun sözlərinə görə, 2025-ci ildə baş verən 12 günlük müharibədən istədikləri nəticəni əldə edə bilməyən ABŞ və İsrail 2026-cı ildə daha genişmiqyaslı hücum planlaşdırıblar. Müəllif bildirir ki, The New York Times nəşrinin yaydığı məlumata əsasən, Mossad tərəfindən hazırlanan analitik təkliflər Benjamin Netanyahu vasitəsilə Donald Trump-a təqdim olunub və qısa müddətdə İranın zəiflədiləcəyi fikri irəli sürülüb.

Nazir Əhmədli qeyd edir ki, hücumdan əvvəl İranda iqtisadi təzyiqlər artırılıb, daxildə iğtişaş yaratmaq cəhdləri edilib, lakin İran hakimiyyəti sərt tədbirlərlə vəziyyəti nəzarətə ala bilib. Bundan sonra ABŞ və İsrailin birbaşa hərbi müdaxiləyə keçdiyini bildirən müəllif fevralın 28-də başlayan hücumun əsas məqsədlərini belə sıralayıb:

İranın nüvə proqramını sıradan çıxarmaq və zənginləşdirilmiş uran ehtiyatını nəzarətə götürmək;

İranın raket texnologiyalarını məhv etmək;

Hərbi və siyasi rəhbərliyi zərərsizləşdirərək ölkəni zəiflətmək;

Daxildə çevrilişə nail olmaq və yeni hakimiyyət qurmaq;

Enerji resurslarını nəzarətə götürmək;

Körfəz ölkələrinin iştirakı ilə anti-İran koalisiyası yaratmaq;

İranı parçalayaraq yeni dövlət qurumlarının formalaşdırılması;

Regionda daha geniş geosiyasi layihələrin reallaşdırılması.

Şərhçi iddia edir ki, ABŞ və İsrail bu məqsədlərin heç birinə tam şəkildə nail ola bilməyib. Onun fikrincə, İran yüksək vəzifəli şəxslərin itkilərinə baxmayaraq, strateji baxımdan mövqelərini qoruyub saxlayıb və hətta bəzi istiqamətlərdə üstünlük əldə edib.

Nazir Əhmədli bildirir ki, İran İsrailin raketdən müdafiə sistemlərini aşa bilib, ABŞ-ın regiondakı nüfuzuna zərbə vurub və Körfəz ölkələrində yerləşən hərbi bazalara hücum etməklə güc nümayiş etdirib. O həmçinin qeyd edir ki, anti-İran koalisiyası formalaşmayıb və bu da ABŞ-ın planlarının uğursuzluğu kimi qiymətləndirilir.

Həmçinin oxuyun

Prezident ailəsini şantaj edən Fərid Salmanov KİMDİR?

TƏBİB Səhiyyə Nazirliyinə birləşdirilir - İslahatlar DAVAM EDƏCƏK 

"Bütövlük nəğməsi"  - Sayman Aruzun ŞEİRİ

DAHİ – Şəmsi Vəfadarın YAZISI  

Analitik əlavə edir ki, İranın Hörmüz boğazı üzərində nəzarəti gücləndirməsi və enerji bazarına təsiri onun iqtisadi mövqelərini möhkəmləndirib. Onun sözlərinə görə, neft qiymətlərinin artması da İran üçün əlavə üstünlük yaradıb.

Nazir Əhmədli hesab edir ki, müharibə başa çatdıqdan sonra İrana qarşı tətbiq edilən sanksiyalar zəiflədilə bilər və ölkə daha güclü mövqedə çıxış edəcək. O, həmçinin bildirir ki, mümkün yeni nüvə razılaşması əvvəlkilərdən daha sərfəli şərtlərlə imzalana bilər və Barack Obama dövründə əldə olunan razılaşmadan daha üstün ola bilər.

Sonda müəllif vurğulayır ki, 28 fevral hadisələri qlobal nizam üçün dönüş nöqtəsi kimi qiymətləndirilə bilər və onun fikrincə, İran artıq əvvəlki təcrid olunmuş vəziyyətinə qayıtmayacaq.

Əli