TDT hökumət başçılarının görüşünün birgə bəyanatı - TAM MƏTN
Siyasət 02 Aprel 2026, 14:15
238
Bakıda, "Gülüstan" sarayında keçirilən Türk Dövlətləri Təşkilatına (TDT) üzv dövlətlərin hökumət başçılarının/Vitse-prezidentinin ikinci görüşünun sonunda birgə bəyanat qəbul edib.
"Report" bəyanatın mətnini təqdim edir:
Türk Dövlətləri Təşkilatının Hökumət Başçıları/Vitse-Prezidentinin İkinci Görüşü 2 aprel 2026-cı il tarixində Bakıda keçirilib. Görüşdə Azərbaycanın Baş naziri Əli Əsədov, Türkiyənin Vitse-prezidenti Cevdet Yılmaz, Qazaxıstanın Baş naziri Oljas Bektenov, Qırğızıstan Nazirlər Kabinetinin sədri – Prezident Administrasiyasının rəhbəri Adılbek Kasımaliyev, Özbəkistanın Baş naziri Abdulla Aripov, Şimali Kiprin Baş naziri Ünal Üstel, Türkmənistan Nazirlər Kabineti sədrinin müavini Nökərgulu Ataguliyev, həmçinin TDT-nin Baş katibi Kubanıçbek Ömürəliyev iştirak ediblər.
TDT-yə üzv dövlətlərin Hökumət Başçıları/Vitse-prezidenti, 2025-ci il 18 sentyabr tarixində Bişkekdə Qırğız Respublikasının sədrliyi dövründə keçirilmiş birinci görüşün uğurla təşkil olunmasını alqışlayıblar;
Azərbaycanın TDT-də davam edən sədrliyinə dəstək ifadə edilib və birlik, institusional potensialın gücləndirilməsi və prioritet sahələr üzrə praktiki əməkdaşlığın inkişafına yönəlmiş fəal səylərini yüksək qiymətləndiriblər;
Naxçıvan Sazişi və TDT-nin digər əsas sənədləri çərçivəsində üzv dövlətlərin öhdəliklərini bir daha təsdiqləmiş və TDT çərçivəsində sıx əməkdaşlığın regionda və onun hüdudlarından kənarda sülh, sabitlik və davamlı inkişafın təşviqində mühüm rol oynadığını vurğulayıblar;
2025-ci il 7 oktyabr tarixində Qəbələdə "Regional sülh və təhlükəsizlik" mövzusunda keçirilmiş TDT-nin 12-ci Zirvə görüşünün nəticələrinin əhəmiyyətini qeyd edib, dəyişən geosiyasi və təhlükəsizlik çağırışları fonunda qarşılıqlı maraq doğuran məsələlər üzrə mövqelərin möhkəmləndirilməsi məqsədilə əməkdaşlığın intensivləşdirilməsi barədə razılığın əldə olunduğunu vurğulayıblar;
Bu çərçivədə, 7 mart 2026-cı il tarixində İstanbulda keçirilmiş TDT Xarici İşlər Nazirləri Şurasının qeyri-rəsmi iclasının nəticələrini müsbət qiymətləndirmiş, regionda sülh və təhlükəsizliyə birbaşa təhdid yaradan regional və qlobal proseslər üzrə geniş məsləhətləşmələrin aparılması üçün mühüm imkan kimi dəyərləndiriblər;
Üzv və müşahidəçi dövlətlər arasında iqtisadi əlaqələrin və investisiya əməkdaşlığının genişləndirilməsinin, o cümlədən birgə layihələrin təşviqi, biznes və investisiya mühitinin yaxşılaşdırılması və bizneslərarası əlaqələrin gücləndirilməsinin vacibliyini vurğulayıblar;
Türk Dünyası Baxış-2040 sənədini nəzərə alaraq, ticarətdə qeyri-tarif maneələrinin aradan qaldırılması yolu ilə üzv dövlətlər arasında ticarət həcminin artırılmasına sadiqliyini ifadə ediblər;
Sənaye inkişafının iqtisadi artıma töhfəsini və dayanıqlı iqtisadi modelin formalaşmasındakı rolunu qeyd edərək, qarşılıqlı maraq doğuran sənaye sahələrində əməkdaşlığın gücləndirilməsinə hazır olduqlarını bildiriblər;
Standartlaşdırma, rəqəmsallaşma və yaşıl texnologiyaların təşviqi sahələrində əməkdaşlığın inkişaf etdirilməsinin əhəmiyyətini qeyd ediblər;
Kənd təsərrüfatı sahəsində əməkdaşlığın gücləndirilməsinin davamlı iqtisadi artım və ərzaq təhlükəsizliyi baxımından əhəmiyyətini vurğulayıblar;
Enerji təhlükəsizliyinin gücləndirilməsi, enerji mənbələrinin şaxələndirilməsi və enerji marşrutlarının təhlükəsizliyinin təmin olunmasının vacibliyini qeyd ediblər;
Həmçinin oxuyun
Neft, qaz və digər karbohidrogenlərin nəqli sahəsində mövcud infrastrukturun səmərəli istifadəsini və genişləndirilməsini dəstəkləyiblər;
Yaşıl enerji layihələrinin inkişafı və ötürülməsi sahəsində əldə olunmuş irəliləyişi alqışlamış və Yaşıl Enerji Dəhlizinin inkişafına güclü dəstək ifadə ediblər;
Kritik mineralların enerji təhlükəsizliyi baxımından əhəmiyyətini vurğulamış və əməkdaşlıq imkanlarının araşdırılmasına çağırıblar;
Enerji səmərəliliyinin artırılması və qabaqcıl təcrübələrin paylaşılmasının təşviq olunmasını dəstəkləyiblər;
Nüvə enerjisindən dinc məqsədlərlə istifadə sahəsində əməkdaşlıq imkanlarının araşdırılmasını dəstəkləyiblər;
İnnovasiya, rəqəmsal transformasiya və süni intellektin iqtisadi inkişaf üçün strateji əhəmiyyətini qeyd etmiş və bu sahələrdə əməkdaşlığın genişləndirilməsini dəstəkləyiblər;
Kosmik texnologiyaların artan əhəmiyyətini nəzərə alaraq, bu sahədə birgə təşəbbüslərin təşviqini dəstəkləyiblər;
Nəqliyyat dəhlizlərinin inkişafını və rəqəmsal əlaqələndirmə infrastrukturunun inteqrasiyasını dəstəkləyiblər;
Trans-Xəzər Beynəlxalq Nəqliyyat Dəhlizinin inkişafı üzrə əməkdaşlıq haqqında sazişin əhəmiyyətini vurğulayıblar;
TDT Zirvə görüşlərində qəbul edilmiş qərarların icrasının təmin edilməsinin vacibliyini bir daha təsdiqləyiblər;
Qazaxıstanın 2026-cı ildə Türküstanda Süni İntellekt və Rəqəmsal İnkişaf mövzusunda qeyri-rəsmi Zirvə görüşünə ev sahibliyi təşəbbüsünü alqışlayıblar;
Tədbirin yüksək səviyyədə təşkilinə və göstərilən qonaqpərvərliyə görə Azərbaycan Respublikasına dərin minnətdarlıqlarını bildiriblər. Bəyanat Bakıda ingilis dilində qəbul edilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Qulu Məhərrəmli : “Ermənistanda seçkilər ərəfəsində Rusiya-Ermənistan gərginliyi artır”
Ermənistanda parlament seçkilərinin yaxınlaşması fonunda Rusiya ilə münasibətlərdə gərginlik müşahidə olunur. Citypost.az xəbər verir ki, bu barədə professor Qulu Məhərrəmli açıqlama yayıb.O bildirib ki, Moskva ilə İrəvan arasında son dövrlərdə müşahidə edilən siyasi dinamika Rusiyanın Ermənistan daxilində təsir imkanlarını qorumaq cəhdləri ilə izah olunur.Professorun sözlərinə görə, Rusiya Prezidenti Vladimir Putin və Ermənistan Baş naziri Nikol Paşinyan arasında Moskvada baş tutan görüşdə tərəflər arasında müəyyən fikir ayrılıqları özünü göstərib.Q. Məhərrəmli qeyd edib ki, dialoq zamanı Rusiya tərəfi Ermənistan daxilində Rusiya pasportu olan şəxslərin seçkilərdə iştirakı ilə bağlı məsələ qaldırsa da, Paşinyan bunu ölkə konstitusiyası ilə əsaslandıraraq rədd edib.“Görüş tərəflər arasında açıq...
02 Aprel 2026, 11:36
Ekspert: “İran psixoloji üstünlüyü qoruyarsa, özünü qalib kimi təqdim edə bilər”
İran psixoloji üstünlüyü qoruyarsa, özünü qalib kimi təqdim edə bilər”Citypost.az xəbər verir ki,təhlükəsizlik məsələləri üzrə ekspert İlham İsmayıl bildirib ki, hazırkı mərhələdə İran ciddi itkilərə baxmayaraq psixoloji üstünlüyünü qoruyub saxlamağa nail ola bilər.Ekspertin sözlərinə görə, İranın hücumlara tab gətirməsi, ballistik raketlərlə İsrailə və Fars körfəzi ölkələrinə zərbələr endirməsi, eləcə də Hörmüz boğazı kimi strateji əhəmiyyətli bölgələr üzərində nəzarət iddiaları ölkənin “güclü dövlət” obrazını formalaşdırır.İ. İsmayıl qeyd edib ki, əgər İran mövcud psixoloji üstünlüyü müharibənin sonuna qədər qoruyarsa, bu, rəsmi Tehranın özünü “qalib” kimi təqdim etməsinə və daxildə siyasi mövqelərini daha da gücləndirməsinə imkan verə bilər.Onun sözlərinə görə, bu halda İran...
02 Aprel 2026, 11:22
Jurnalist: “İranda hakimiyyət daxilində ziddiyyətlər güclənə bilər”
ABŞ Prezidenti Donald Trumpın İranla bağlı səsləndirdiyi açıqlamalar və rəsmi Tehran tərəfindən verilən təkziblər yeni müzakirələrə səbəb olub.Citypost.az xəbər verir ki, lurnalist Nigar Sabirqızı paylaşımında bildirib ki, proseslər fonunda “İranın mövqelərində ziddiyyətli görüntü” yaranıb və bu, ölkə daxilində siyasi parçalanma ehtimalını gündəmə gətirir.Onun sözlərinə görə, Donald Trump “İranın yeni Prezidenti atəşkəs istəyir” fikrini səsləndirsə də, İran Xarici İşlər Nazirliyi bu məlumatı təkzib edib.N. Sabirqızı qeyd edib ki, bu fərqli bəyanatlar iki ehtimalı gündəmə gətirir: ya tərəflər arasında kommunikasiya problemi var, ya da İranda daxili siyasi qərarvermə mexanizmlərində parçalanma müşahidə olunur.“Əgər bu iddialar təsdiqlənərsə, bu, İranın idarəetmə sistemində ciddi ziddiyyətlərin yarandığını...
02 Aprel 2026, 10:50
Politoloq: “Yaxın Şərqdə müharibə miqyası genişlənməkdədir”
İsrail ordusunun İrana qarşı həyata keçirdiyi əməliyyatlarla bağlı açıqlanan rəqəmlər bölgədə gərginliyin daha da artdığını göstərir.Citypost.az xəbər verir ki, politoloq Kənan Rövşənoğlu bildirib ki, İsrail tərəfi fevralın 28-dən bu yana İrana yüzlərlə hava hücumu həyata keçirdiyini, minlərlə hədəfə zərbələr endirdiyini açıqlayıb. Onun sözlərinə görə, bu göstəricilər Yaxın Şərqdə müharibənin miqyasının artıq regional çərçivəni aşdığını nümayiş etdirir.Ekspert qeyd edib ki, İsrail 2023-cü ilin oktyabrından etibarən çoxsaylı cəbhələrdə hərbi əməliyyatlar aparır: “Qəzza zolağı ilə yanaşı, Livan, Suriya, Yəmən, İraq və İran ərazisinə də zərbələr endirilib. Bu isə münaqişənin çoxşaxəli xarakter aldığını göstərir”.K. Rövşənoğlu vurğulayıb ki, bu miqyasda hərbi əməliyyatların davam etməsi ciddi...
02 Aprel 2026, 10:42
Əminə Ağazadə: “Aprel döyüşləri Azərbaycan Ordusunun gücünü və qələbə iradəsini göstərdi”
Aprel döyüşlərinin başlanmasının 10-cu ildönümü ilə əlaqədar Milli Məclisin deputatı Əminə Ağazadə açıqlama ilə çıxış edib.Citypost.az xəbər verir ki, deputat bildirib ki, Aprel döyüşləri Azərbaycan dövlətinin və dövlətçiliyinin dönməzliyini, Azərbaycan Ordusunun güc və qüdrətini nümayiş etdirən tarixi hadisə kimi yadda qalıb.Onun sözlərinə görə, bu döyüşlər Azərbaycan Ordusunun düşmənin istənilən miqyaslı təxribatlarının və hərbi əməliyyatlarının qarşısını almağa qadir olduğunu bir daha sübut edib.Ə. Ağazadə qeyd edib ki, Aprel döyüşləri xalqın və dövlətin işğalla heç vaxt barışmayacağını və ərazi bütövlüyünün bərpasının əsas hədəf olduğunu nümayiş etdirib.Deputat həmçinin Kürdəmir rayonunun həmin döyüşlərdə iki şəhid verdiyini xatırladıb. Onun sözlərinə görə, baş leytenant Əbubəkr İsmayılov...
02 Aprel 2026, 10:21
Politoloq: “Ermənistan seçkiləri Rusiya-Qərb qarşıdurmasının mərkəzinə çevrilə bilər”
Ermənistan Baş naziri Nikol Paşinyanın Rusiyaya səfəri və Vladimir Putinlə görüşü regionda siyasi gündəmin əsas mövzularından birinə çevrilib.Citypost.az xəbər verir ki, politoloq Asif Nərimanlı bildirib ki, bu səfər seçki öncəsi iki əsas məqsədə xidmət edib: birincisi, Moskva ilə münasibətlərin normallaşdırıldığı görüntüsünü yaratmaq və daxili auditoriyaya, xüsusilə Rusiyaya yaxın müxalifət qüvvələrinə mesaj vermək; ikincisi isə Rusiyanın seçki prosesinə mümkün müdaxilə imkanlarını neytrallaşdırmaq.Ekspertin sözlərinə görə, Paşinyan hakimiyyəti seçki öncəsi yaranan gərginlik fonunda Rusiya ilə “dialoqun davam etdiyi” görüntüsünü saxlamağa çalışır: “İrəvanda Moskva ilə sıx əlaqələri olan siyasi fiqurlar və qruplar mövcuddur. Bu da seçki prosesində əlavə risklər yaradır”.A. Nərimanlı qeyd edib ki,...
02 Aprel 2026, 10:08
