Asif Nərimanlı: Diplomatik müharibə başlayır

Politoloq Asif Nərimanlı İslamabadda keçirilən ABŞ–İran görüşü ilə bağlı açıqlama verib.

Citypost.az xəbər verir ki, politoloq bildirib ki, nəticəsiz yekunlaşan İslamabad görüşü maksimalist tələblərlə çıxış edən ABŞ və İran üçün razılaşma yox, növbəti mərhələyə keçid imkanı qazanmaq məqsədi daşıyırdı.

Politoloqun sözlərinə görə:Hər iki tərəf “sülhün yanında” olduğunu və anlaşılmazlığın günahkarının digər tərəf olduğunu nümayiş etdirdi; Danışıqları müharibə meydanında qələbəsinin nəticəsi kimi təqdim edən İran masada da üstünlük qazanmaq üçün mövqeyini qətiləşdirdi;

ABŞ üçün bu görüş növbəti addımlarına – müxtəlif istiqamətlərdə təzyiq siyasətinə haqq qazandırmaq, hərbi müstəvidə mümkün yeni əməliyyatlarını legitimləşdirmək üçün lazımlı idi;

A.Nərimanlı bundan sonra baş verə biləcək proseslərə də toxunub. O qeyd edib ki, nəticənin əldə edilməməsi ABŞ-ın yarımçıq saxladığı hücumlarını bərpa edəcəyi təhlükəsini aktuallaşdırdı. Lakin hərbi əməliyyatlar sərfəli görünmür: hava hücumları ilə rejimin təslim olması ideyası artıq iflasa uğrayıb.

Politoloq ABŞ-ın keçmiş prezidenti Donald Trump-ın mövqeyinə də diqqət çəkərək aşağıdakı fikirləri olduğu kimi təqdim edib:

Həmçinin oxuyun

Xalq yazıçısı Anar: “Bunu ilk dəfədir açıqlayıram...”

Şükranlıq içində və ya şükranlığa bələnmiş ADAM...  

Prezident ailəsini şantaj edən Fərid Salmanov KİMDİR?

TƏBİB Səhiyyə Nazirliyinə birləşdirilir - İslahatlar DAVAM EDƏCƏK 

“Trampın “lazım olan vaxt İranın az qalan hissəsini də məhv edəcəyik” bəyanatı da o deməkdir ki, ABŞ ən azı yaxın perspektivdə genişmiqyaslı hücumları bərpa etmək istəmir. Əvəzində təzyiq taktikasından istifadə edəcək.

1. Yenidən hücum ritorikası bu rıçaqlardan biridir və istisna deyil ki, İranın danışıqlarla bağlı mövqeyini dəyişdirmək məqsədilə zaman-zaman müəyyən hədəflərin vurulması da baş verə bilər;
2. İrana qarşı iqtisadi mühasirədən istifadə oluna, gəlir mənbələrinin kəsilməsi üçün ticarət əlaqəsi olan ölkələrə təzyiqlər edilə bilər;
3. Hörmüz boğazının blokadaya alınması ABŞ-ın təzyiq taktikasında effektiv ola biləcək addımıdır”

Sonda politoloq vurğulayıb ki, bu kontekstdə İslamabad görüşündən sonra “diplomatik müharibə” strategiyasından istifadə ediləcəyini, masada üstün gəlmək və qarşı tərəfi təslim etmək mübarizəsinin başladığını demək mümkündür. Onun fikrincə, bu mübarizədə İranın nə qədər duruş gətirə biləcəyindən çox şey asılı olacaq.

Yeganə