Boz kardinalın kürəkəninin himayədarlıq etdiyi “Lux Residence”də maxinasiya... Afiq Rəhmanov payçıları necə aldadır?  

Ramiz Mehdiyevin kürəkəni, sabiq millət vəkili İlham Əliyevin bir sıra iş adamlarına himayədarlıq etdiyi, onlardan bəzilərinin isə “boz kardinal”ın xəyanətkarlıqda ittiham olunması və bu kimi digər əməlləri ifşa edildikdən sonra ondan üz döndərənlərin sayı get-gedə artır. Məsələn: Sabiq millət vəkili İlham Əliyevin təbirincə desək vaxtilə onun qaynatasının başmağını cütləyənlərdən biri, sabiq deputat “Karat” Holdinqin sahibi, nüfuzlu iş adamı Əsabil Qasımov Oxu24.com-un müxbiri ilə söhbət zamanı onları özünə düşmən adlandırmışdır. Əsabil Qasımovun həmkəndlisi Bakıda əmlak maqnatı kimi tanınan “Nizami City”, “28 City”, “Lux Residence” yaşayış komplekslərinin sahibi Afiq Rəhmanov kimi AMEA-nın büdcə vəsaitindən 3 milyon manat israf etdiyi üçün Baş Prokurorluq tərəfindən barəsində cinayət işi təqib edilən Elton Məmməov vasitəsilə R.Mehdiyevin çevrəsinə daxil olanlar da az deyil. 

Elton Məmmədov və Afiq Rəhmanova yaxın qaynaq “CityPost.az”ın suallarını cavablandırarkən onların dostluq əlaqələrinin olduğunu gizlətməmiş, lakin biznes ortağı olduqlarını təkzib etmişdilər. 

“Boz kardinal”ın çətiri altında yetişib, boya-başa çatmış, əməlli başlı tikinti və əmlak maqnatına çevrilmiş Afiq Rəhmanovun hazırda tikintisini icra etdiyi “Lux Residence”dən  təzadlı xəbərlər gəlməkdədir. Özünü həmin komleksin işçisi kimi təqdim edən, adının açıqlanmasını istəməyən mənbənin bildirdiyinə görə “Lux Residence”də mənzil alan şəxslər asan yolla aldadılırlar. Hər kvadratına görə (mərtəbədən asılı olaraq) 4.000-4.500 manatdan az olmayaraq pul ödəyən mənzil sahiblərinə faktiki təqdim edilən mənzil sahələri ilə müqavilədə göstərilən mənzil sahələri arasında hər 50 kvadrat metrə görə ən yaxşı halda 5-6 kvadrat metr fərq yaranır. Belə ki, mənzil alarkən heç kim əlinə metrə götürüb aldığı mənzilin sahəsini ölçmür. Digər yandan bu əməliyyatı həyata keçirmək mənzil alan şəxs istəsə belə fiziki cəhətdən mümkün olmur, çünki adətən bu cür binalarda əsasən mənzillər satılarkən tikinti işləri tamamlanmamış olur. Mənzil alan şəxsə isə binanın bər-bəzəkli eskiz layihəsi təqdim edilir.

Beləliklə, əgər bir göydələndə hər biri ən azı 50 kv.m olmaqla 200 mənzil olursa, Afiq Rəhmanovun adamları ümumi mənzil payçılarından (hər 50 kv.m mənzildən 5 kv.m oğurladıqda) 2000 kv.m oğurlanmış olur. 2000 kv.m mənzil sahəsini isə 4.500 manata vurduqda 1 milyon manat ətrafında zəhmətsiz gəlir gəldiyini demək olar. Belə zəhmətsiz gəlirdən həvəslənən Ramiz Mehdiyevlər, Əli Həsənovlar, Elton və Ziya Məmmədovlar, Nəsib Məhməliyevlər və çörəyi dizinin üstündə olan onlarla xəyanətkarlar Afiq Rəhmanov kimilərin əli ilə cinayət və dələduzluq yolu ilə əldə etdikləri qeyri-leqal  pul vəsaitlərini leqallaşdırmaqla Vətənə xəyanət etmək xəyalına düşürlər, Azərbaycanda hakimiyyəti zorla ələ keçirməyə və ya onu zorla saxlamağa cəhd edirlər. 

Xatrıladaq ki,”Musavat.com” Afiq Rəhmanovun həmkəndlisi sabiq deputat,iş adamı Əsabil Qasımovun (hər ikisi İmişlinin Qaralar kəndindəndilər) Ramiz Mehdiyevin şəbəkəsində adıçəkilən önəmli fiqurlardan biri olduğunu xəbər vermişdi.Sayt onun Rusiyada,xüsusilə Yesuntuki,Stavropol və Kislavodskda olduqca geniş maliyyə fəaliyyətinə malik olduğunu bildirib.

CityPost  məsələ ilə bağlı “Lux Residence” ilə əlaqə saxlayıb.

Həmçinin oxuyun

Vüqar Qurbanovun gizli göstərişlərini Şahin Qurbanov icra edirmiş   

Həmid Herişçinin iç üzü açıldı

Aydınlığa aydınlıq gətirən... Unudulmaz Aydın Səlimzadə - ŞƏMSİ VƏFADAR YAZIR

SSRİ dövründə İrana verilən Azərbaycan torpaqları  

Şirkət nümayəndəsinin məsələ ilə bağlı verdiyi açıqlamada bildirilir:

“Ümumiyyətlə bu iddia əsassızdır. İddiada mənzilllərin satış qiymətinin qeyd olunmasından məlum olur ki, deyilənlər sadəcə həqiqəti əks etdirmir. Hazırda “Lux Residence”-də mənzillər  3300-3400 manatdan satılır.

Satılan mənzillər hər biri akt əsasında satılır və akt mənzillərin sahələri tam dəqiqliklə qeyd olunur. Mənzil təhvil verilərkən aktla təhvil verilir və alıcı tərəfindən mənzil sahəsi ölçülür. Qeyd olunan məlumatlar hansısa şəxslərin xəyal məhsuludur və şirkətin imicinə ziyan vurmaq xarakteri daşıyır”.

CityPost.az