Minlərlə insanın messencer hesabı niyə ələ keçirilir?  

Son həftələr minlərlə istifadəçi messencer hesablarının – xüsusilə WhatsApp və oxşar tətbiqlərin – kütləvi şəkildə ələ keçirilməsi ilə üzləşib. Aparılan mütəxəssis araşdırmaları göstərir ki, problem tək bir platforma ilə məhdudlaşmır və əsas səbəb sistemli təhlükəsizlik boşluğudur.

Citypost.az-ın məlumatına görə, bir çox istifadəçi hesab edir ki, şifrəni heç kimlə paylaşmırsa, hesabı təhlükəsizdir. Lakin messencerlərdə bu yanaşma tam doğru deyil. Bu tətbiqlərdə hesabın açarı əsasən telefon nömrəsidir və yeni cihazda giriş zamanı SMS vasitəsilə göndərilən birdəfəlik kod kifayət edir. Məhz bu mərhələ ən riskli nöqtə hesab olunur.

Ən çox rast gəlinən üsul fişinqdir. İstifadəçiyə müxtəlif bəhanələrlə zəng edilir və ya mesaj göndərilərək SMS-lə gələn kodu paylaşması xahiş olunur. Bir çox insan bunun hesabın tam idarəsini verdiyini anlamır. Daha təhlükəli ssenaridə isə istifadəçi heç bir kodu paylaşmadan da risk altına düşür — köhnə SMS texnologiyasında mövcud olan boşluqlar mesajların ötürülmə zamanı ələ keçirilməsinə imkan yaradır.Araşdırmalar göstərir ki, təsdiqləmə kodları bəzən mobil operatorlar deyil, üçüncü tərəf texniki xidmətlər vasitəsilə göndərilir. Bu xidmətlərdən birinin təhlükəsizliyi pozulduqda, minlərlə hesab eyni anda riskə düşə bilər.

Həmçinin oxuyun

Unudulmaz Aydın Səlimzadə!

Lənkəranda ahıl şəxslərin təqaüd kartlarını talayan şəxs saxlanılıb

Fəzail Ağamalı ilə vida mərasimi olacaq

Əli silah tutmayan gənci sağlam kimi hərbiyə aparmaq istəyən MƏMUR KİMDİR?

Mütəxəssislər problemin sadə, amma effektiv həll yolunu tövsiyə edir: messencerlərin öz daxilində iki mərhələli qorumanın aktivləşdirilməsi. Bu halda SMS koddan əlavə, istifadəçi tərəfindən təyin olunan PIN və ya şifrə tələb olunur. Nəticədə kod ələ keçirilsə belə, hesaba giriş mümkün olmur.Qənaət ondan ibarətdir ki, bu təhlükə fərdi deyil, ümumi məsələdir. İstifadəçilər təhlükəsizlik tədbirlərini aktiv etdikcə messencer hesablarının ələ keçirilməsi halları kəskin azalacaq.

Yeganə