Azər Həsrət Mehdiyev görüntülərindən DANIŞDI:“Vətəndaşlar diqqətli olmalıdır”

Xəbər verdiyimiz kimi, Dövlət Təhlükəsizliyi Xidməti (DTX) Azərbaycan Respublikasının vətəndaşları – Ramiz Mehdiyev, Abbas Abbasov, Əli Kərimli və digərlərinin xarici xüsusi xidmət orqanlarının dəstəyi ilə dövlət hakimiyyətini zorla ələ keçirmək və konstitusiya quruluşunu dəyişdirmək planları ilə bağlı təqsirləndirildiyini açıqlayıb.DTX-nin məlumatına görə, bu şəxslər 2013-cü ildə yaradılmış “Milli Şura” və “Milyarderlər İttifaqı” vasitəsilə xarici dövlətlərin maddi və təşkilati dəstəyi ilə kütləvi iğtişaşlar törətməyi, hakimiyyət nümayəndələrinin qanuni tələblərinə tabe olmamağı və ictimai qaydanı pozmağı planlaşdırıblar. Ramiz Mehdiyev isə 2025-ci ildə hazırladığı gizli materialları xarici xüsusi xidmət orqanlarına göndərərək dövlətə xəyanət edib və cinayət yolu ilə əldə olunmuş 17 milyon manatdan çox vəsaiti leqallaşdırıb.Cinayət işində Abbas Abbasov, Əli Kərimli, Fuad Qəhrəmanlı, Məmməd İbrahim və Qənimət Zayıdov 278.1-ci (hakimiyyətin zorla ələ keçirilməsi və konstitusiya quruluşunun dəyişdirilməsi), Ramiz Mehdiyev 193-1.3.2 (leqallaşdırma), 274 (dövlətə xəyanət) və 278.1-ci maddələr ilə təqsirləndirilir.Abbas Abbasov, Fuad Qəhrəmanlı və Qənimət Zayıdov Azərbaycan ərazisindən kənarda olduqları üçün barələrində axtarış elan edilib və məhkəmə tərəfindən qiyabi həbs qərarı verilib. Araşdırmalar davam etdirilir.

Jurnalist Azər Həsrət Citypost.az-a bildirib ki, Azərbaycanda siyasi hakimiyyət uğrunda mübarizə yalnız konstitusiya və qanun çərçivəsində aparılmalıdır.

“Prezident İlham Əliyev dəfələrlə qeyd edib ki, Azərbaycan demokratik və pluralist dövlətdir. Burada istənilən siyasi qüvvə hakimiyyətə iddia edə bilər. Lakin xarici qüvvələrin, xarici ölkələrin dəstəyi ilə hakimiyyət iddiasına düşmək cinayətdir və heç kəs buna bulaşmamalıdır. Dövlət Təhlükəsizliyi Xidməti tərəfindən adı çəkilən şəxslər konkret olaraq xarici ölkələrlə əməkdaşlıq etmişlər. DTX dövlətin adını çəkməsə də, məlumdur ki, söhbət Rusiyadan gedir. Bu, həm “Milyarderlər İttifaqı”, həm də Kollektiv Təhlükəsizlik Müqaviləsi Təşkilatına bağlıdır,”  deyə Azər Həsrət qeyd edib.

Jurnalist vurğulayıb ki, Azərbaycan Xalq Cəbhəsi Partiyasının sədri kimi bəzi şəxslərin bu komandada yer alması ciddi narahatlıq doğurur: “Xalq Cəbhəsi, Elçibəyin qurduğu və milli azadlıq yolunda mübarizə aparan bir təşkilatdır. Bu təşkilatın xarici dövlətin köməyinə bel bağlayaraq hakimiyyətə iddia etməsi çox ağır məsələdir. Vətəndaşlarımız bu məsələlərdə diqqətli olmalıdır. Özünü milli sayan şəxslər belə hərəkətlərdə iştirak edirsə, bu ciddi narahatlıq doğurur.”

O həmçinin sosial mediada yayılan məlumatlara da toxunub: “Əli Kərimlinin saxlanmasından sonra TikTok və digər sosial şəbəkələrdə guya xalqın küçələrə töküldüyü, polis ilə qarşıdurma yaşandığı görüntülər paylaşılır. Bunlar köhnə və əlaqəsiz videolardır. Reallıqda belə hadisələr baş verməyib. Hər kəs səbirli və təmkinli olmalıdır. Dövlət təhlükəsizliyi xidməti və digər dövlət qurumları araşdırmaları sakit şəkildə aparır. Nəticələr ortaya çıxanda həqiqət tam aydın olacaq.”

Azər Həsrət əlavə edib ki, illərdir bu şəxslərin antimilli mövqedə olduqları barədə xəbərdarlıqlar verilmişdi və artıq faktlar üzə çıxmağa başlayıb. “Faktlar göstərir ki, dediklərimiz öz yerini tapır. Vətəndaşlar təmkinli olmalıdır, görəcəklər ki, nə qədər böyük bir xəyanətin içindəyik,” – deyə o vurğulayıb.

Turan

Həmçinin oxuyun

Bu pozuntuya görə sürücü 100 manat cərimələnəcək 

İcra başçısına yeni müavin təyin olundu 

Orta aylıq əmək haqqı 9,3% artdı 

Qeydiyyata alınmamış qrantlara görə cərimə tətbiq edəcək orqanlar müəyyənləşib