Rasim İldırımzadənin daha bir əməli üzə çıxdı -   O, bu dəfə Namizəd Səfərovla əlbir olubmuş

Bakı Ağır Cinayətlər Məhkəməsində barəsində toplanmış materiallar əsasında cinayət işinə baxış keçirilən Rasim İldırımzadənin dələduzluğa dair daha bir əməli ortaya çıxıb.

Bu barədə Citypost.az-a Ağstafa rayonunun Köçəsgər kəndində yaşayan Mehman Məmmədov məlumat verib. “Məni Rasim İldırımzadə ilə hazırda həbsdə olan Azərbaycan Vəkillər Kollegiyasının sabiq üzvü Namizəd Səfərov tanış etdi. N.Səfərov mənə dedi ki, R.İldırımzadə onun tələbəlik yoldaşıdır və nüfuzlu nəslin nümayəndəsidir. O, mənə həbsdə olan oğlumun əfv edilməsinə yardımçı olacağına söz verdi və 10.000 manat pul aldı. Artıq bu sövdələşmənin üstündən 3 ildən çox vaxt ötüb. R.İldırımzadə sözünə əməl etmədi, oğlumun çəkilməmiş cəzadan azad olunmasına yardım göstərmədi. Mən ondan və məni onunla tanış edən keçmiş vəkil N.Səfərovdan verdiyim pulları qaytarmalarını dəfələrlə tələb etsəm də, onlar hər dəfə müxtəlif cür bəhanələr gətirməklə vaxt uzadaraq pulumu özümə qaytarmadılar.

N.Səfərov həbsdədir, R.İldırımzadə isə həbs olunma ərəfəsindədir. Dələduqluz yolu ilə əlimdən alınan pullarımı indi kimdən tələb edəcəyimi bilmirəm” deyə Mehman Məmmədov bildirib. 

Bir neçə gün öncə Daxili İşlər Nazirliyinin Hava Nəqliyyatında Baş Polis İdarəsinin keçmiş rəis müavini, polkovnik Rasim İldırımzadə, Dünya Azərbaycanlıları İctimai Maarif Mərkəzinin rəhbəri Zaur Mirzəzadə və Balakən rayonu Dairə Seçki Komissiyasının katibi Qoşqar Məmmədovun cinayət işi üzrə məhkəmə prosesi keçirilib. 

Yerli mətbuat xəbər verir ki, ötən həftə Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən prosesdə prokuror təqsirləndirilən şəxslərə cəza tələb edib. O, hər 3 təqsirləndirilən şəxsin 12 il müddətə azadlıqdan məhrum edilməsini istəyib. Prokuror çıxışında təqsirləndirilən şəxslər barədə seçilmiş ev dustaqlığı qətimkan tədbirinin ləğvini və məhkəmə zalındaca həbs edilmələrini məhəkəmə təklif edib. Prosesin davamında təqsirləndirilən şəxslərin vəkilləri müdafiə çıxışları edib. 

Məhkəmə prosesinin  fevralın 24-də davam edəcəyi gözlənilir. 

İstintaq sənədlərinə görə Rasim İldırımzadə həbsdən əvvəl istintaqdan yayındığı üçün axtarışda olub. Tutulduqdan sonra isə məhkəmənin qərarı ilə Rasim İldırımzadə və onun cinayət ortaqları Zaur Mirzəzadə və Qoşqar Məmmədov məhkəmənin qərarı ilə həbs ediliblər. İstintaqın gedişində onlar ev dustaqlığına buraxılıb, daha sonra isə barələrində “başqa yerə getməmək” haqda qətimkan tədbiri seçilib.

Həmçinin oxuyun

Rasim İldırımzadənin daha bir əməli üzə çıxdı -   O, bu dəfə Namizəd Səfərovla əlbir olubmuş

13 rəqəminin sirri  

Messi zədələndiyi üçün oyun təxirə salındı 

Pensiya kapitalı nə qədər artırıldı?  

Onların əməlindən ziyan çəkən iş adamı Qurban Ziyəddin oğlu Piriyev əvvəllər Dövlət orqanlarında müxtəlif vəzifələrdə çalışıb. Onun müttəhimlər kürsüsündə əyləşən şəxslərlə tanış edən isə Balakən rayon sakini Hürü Əmiraslanovadır. 

Hürü Əmiraslanova özü də bu iş üzrə cinayət məsuliyyətinə cəlb edilib. Amma istintaqın gedişində vəfat etdiyinə görə barəsində təqib edilən cinayət işinə bəraətverici əsaslar olmadan xitam verilib. 

İttihama görə təqsirləndirilən şəxslər Qurban Piriyevə Bakı şəhərinin rayonlarından birinə icra başçısı təyin olunacağına dair yalan vədlər veriblər. Cinayətin əsas təşkilatçısı isə Rasim İldırımzadədir. O, peşəkarcasına qurduğu plana zərərçəkmiş şəxsi inandıra bilib. Rasim İldırımzadə cinayətkar qrupun digər üzvü Qoşqar Məmmədovu yalandan Prezident Administrasiyasında işləyən yüksək vəzifəli şəxs kimi təqdim edib. Rasim İldırımzadə Zaur Mirzəzadəni isə guya Nihad adlı mötəbər vəzifədə çalışan şəxs kimi tanıdıb. İşin düzüb -qoşanların nüfuzlu şəxslər olduğuna inanan Qurban Piriyev icra başçısı olmaq həvəsi ilə Rasim İldırımzadəyə və  cinayət ortaqlarına bir neçə dəfəyə 510.000 manat pul, 34.000 manatlıq isə qızıl-zinət əşyaları verib. Sonradan aldandığını bilən zərərçəkmiş polisə şikayət edib. İlkin istintaq dövründə ona dəymiş 544.000 manat ziyanın 85.000 manatı Rasim İldırımzadə, 20.000 manatı isə Zaur Mirzəzadə və Qoşqar Məmmədov tərəfindən hissə-hissə qaytarılıb. 

Qeyd edək ki, Rasim İldırımzadənin bir qardaşı Xətai rayonun keçmiş prokuroru Yusif İldırımzadə, digəri isə ləğv olunmuş “Əmrahban”kın təsisçisi Yunis İldırımzadədir. Onlar tanınmış mərhum yazıçı və jurnalist Əli İldırımoğlunun oğlanlarıdır. Digər təqsirləndirilən Zaur Mirzəzadə isə “bakutimes.az” və “xalq.az” adlı saytların rəhbəridir. O, iki il əvvəl də analoji əmələ görə dələduzluq ittihamı ilə məhkum edilmişdir. Bir müddət sonra ona bəraət verilsə də, sonradan bəraəti ləğv edilərək cinayət işinə xitam verilib. 

Müşərrəfxanım.