FHN "Bakı Metropoliteni"ndə təlim keçirib
Cəmiyyət 04 Mart 2026, 09:57
147
Fövqəladə Hallar Nazirliyi və "Bakı Metropoliteni" QSC metronun "Cəfər Cabbarlı" və "Xətai" stansiyalarında taktiki-xüsusi təlim keçiriblər.
Bu barədə CityPot.az-a nazirlikdən məlumat verilib.
Bildirilib ki, təlimin mövzusu "Bakı metropolitenində baş verə biləcək fövqəladə hadisələr zamanı birgə fəaliyyətin təşkili"ndən ibarət olub.
Əvvəlcə, FHN-in "112" qaynar telefon xəttinə metronun "Cəfər Cabbarlı" və "Xətai" stansiyaları arası 1-ci yol mənzilində yerləşən şaxtanın idarəetmə şkafında şərti qısaqapanmadan "yanğın" baş verməsi barədə "məlumat daxil olub" və dərhal nazirliyin Dövlət Yanğından Mühafizə və Dövlət Yanğın Nəzarəti xidmətlərinin müvafiq qüvvələri hadisə yerinə cəlb olunub.
Şərti hadisə ilə bağlı metropoliten əməkdaşları tərəfindən, əvvəlcə stansiyaların bağlanması, tuneldə işçi işıqların yandırılması, keçid qapılarının açılması və "yanğına ilkin müdaxilə" işləri həyata keçirilib.
Həmçinin oxuyun
FHN-nin mobil yanğın-xilasetmə qrupları tərəfindən fərdi mühafizə vasitələrindən istifadə edilməklə operativ olaraq kəşfiyyat və əməliyyat şəraitinin qiymətləndirilməsi işləri aparılıb, qısa müddətdə şərti yanğın "söndürülüb", xilasetmə vasitələri tətbiq edilməklə "zərərçəkmişlər ilkin yardım" göstərilməklə təxliyə olunublar.
Uğurla keçən təlimdən sonra əldə edilmiş nəticələr müzakirə olunub, FHN və metropolitenin əməkdaşları arasında mövzu üzrə fikir mübadiləsi aparılıb.
Təlimə FHN-nin ümumilikdə 7 ədəd texnikası və 44 nəfərdən ibarət şəxsi heyəti cəlb olunub.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Mikrodalğalı yeməklər sağlamlığınızı təhlükəyə atır
Son araşdırmalar göstərir ki, mikrodalğalı hazır yeməklər yalnız sağlamlığa deyil, həm də ətraf mühitə ciddi risklər yaradır. Plastik qablar içində paketlənmiş hazır yeməklərin istifadəsi zamanı minlərlə kiçik plastik hissəcik və təhlükəli kimyəvi maddələr qidalara keçə bilər. Bu maddələr orqanizmə daxil olduqda, xərçəng, hormonal pozulmalar, metabolik xəstəliklər, ürək-damar problemləri və hətta piylənmə kimi sağlamlıq risklərini artırır.Citypost.az xəbər verir ki, plastik qabların istehsalı və tullantı mərhələsi də ətraf mühitə ziyan vurur. Onların parçalanması nəticəsində yaranan mikro- və nanoplastiklər torpaq, çay və okeanlarda yığılır, heyvanların həyatına mənfi təsir göstərir və qida zəncirinə geri qayıdır.Mütəxəssislər bildirir ki, “mikrodalğaya uyğun” etiketi yalnız qabın struktur möhkəmliyinə...
04 Mart 2026, 11:29
“Rusiyadakı azərbaycanlıların müdafiəsi çətinləşir” – Komitə sədri
Milli Məclisin bugünkü plenar iclasında çıxış edən komitə sədri Fazil Mustafa Azərbaycanın insan hüquqları üzrə müvəkkili (Ombudsman) illik məruzəsinin müzakirəsi zamanı ölkədəki ciddi problemlərdən birinə diqqət çəkib.Ombudsmanın məruzəsini dəstəkləyən deputat ardınca təəssüflə qeyd edib ki, ölkədə nikah və boşanma statistikası ürəkaçan deyil:“Son 9 ay ərzində 40 min nikah qeydə alınıb, onlardan 17 mini boşanma ilə nəticələnib. Xüsusilə Bakı şəhərində vəziyyət daha narahatedicidir. Qeydə alınan nikahların təxminən 56 faizi qısa müddət ərzində boşanma ilə nəticələnir. Hər 100 nikahın 56-sı pozulur. Bu isə olduqca ciddi sosial problemdir. Boşanma prosesində aliment məsələsi də ciddi müzakirə mövzusudur. Bir çox hallarda məsuliyyət əsasən kişi tərəfin...
04 Mart 2026, 11:04
İrandan Azərbaycana 1161 nəfər təxliyə olunub
Fevralın 28-i saat 08:00-dan martın 4-ü saat 10:00-dək İran İslam Respublikasından Azərbaycana ümumilikdə 1161 nəfər təxliyə edilib.Citypost.az xəbər verir ki, təxliyə olunanların 224-ü Azərbaycan vətəndaşıdır.Bundan başqa, 361 Çin, 246 Rusiya, 99 Tacikistan, 76 Pakistan, 46 Oman, 18 Səudiyyə Ərəbistanı, 9 Gürcüstan, 7 Belarus, 6 BƏƏ, 6 Slovakiya, 5 Serbiya, 4 İran, 4 İordaniya, 4 İsveçrə, 4 Nigeriya, 4 Yaponiya, 3 Qətər, 3 Banqladeş, 3 Özbəkistan, 3 Meksika, 3 Filippin, 2 Nepal, 2 Qazaxıstan, 2 Fransa, 2 Türkiyə, 2 Yəmən, 2 Qırğızıstan, 2 İtaliya vətəndaşı, eyni zamanda, Polşa, Tunis, Livan, Hindistan, Braziliya, Myanma, Maldiv adaları, Cənubi Afrika və Britaniyadan hər biri...
04 Mart 2026, 10:46
Azər Həsrət: İranın yaydığı görüntülər manipulyasiyadır
Siyasi şərhçi Azər Həsrət sosial şəbəkə hesabında paylaşdığı statusda İran təbliğatçılarını saxta məlumat yaymaqda ittiham edib. O bildirib ki, guya ABŞ və İsrail tərəfindən vurulduğu iddia edilən məktəbdə həlak olmuş qız uşaqlarının cəsədlərinə dair yayılan görüntülər reallığı əks etdirmir.Citypost.az xəbər verir ki, onun sözlərinə görə, ağ örtüyə bükülmüş və uşaq cəsədləri kimi təqdim olunan görüntülərdə ölçü uyğunsuzluğu açıq şəkildə sezilir. Şərhçi qeyd edib ki, örtüyə bükülən şəxslərin ölçüsü uşaqlara deyil, böyük insanlara uyğundur və görüntülərdə “cəsədlərə” əyilən şəxslərlə ölçülərin eyni olması bunu göstərir.Azər Həsrət hesab edir ki, yayılan materiallar ictimai rəyi emosional təsir altına salmaq və manipulyasiya etmək məqsədi daşıyır....
04 Mart 2026, 10:28
Gələn həftə 58 mindən çox şagird buraxılış imtahanı verəcək
Dövlət İmtahan Mərkəzi (DİM) martın 9-da tam (11 illik) orta təhsil səviyyəsi üzrə buraxılış imtahanları keçiriləcək.Bu barədə Citypost.az-a DİM-dən məlumat verilib.Bildirilib ki, imtahanlar Bakı şəhərinin Nərimanov, Sabunçu, Xəzər, Səbail, Nəsimi, Nizami, Pirallahı, Abşeron (I hissə), Sumqayıt (I hissə), Gəncə (I hissə), Goranboy, Yevlax, Naftalan, Şəmkir, Ağstafa, Şirvan, Hacıqabul, Neftçala, Salyan, Ucar, Ağdaş, Zərdab, Kürdəmir, Lənkəran, Cəlilabad, Bərdə, Tərtər, Füzuli (o cümlədən M.Uluqbəy adına 1 №-li tam orta məktəb), Zəngilan (Ağalı kənd tam orta məktəbi), Cəbrayıl (M.Mehdizadə adına məktəb, Horovlu), Ağdərə (Talış, Göyarx, Həsənriz, Şıxarx, Suqovuşan kənd tam orta məktəbləri), Şəki, Oğuz, Qəbələ, Xaçmaz, Siyəzən və Şabranda olacaq.Həmçinin martın 9-da tədrisi...
04 Mart 2026, 10:27
Sumqayıtın bu ərazisində qaz olmayacaq
Bu gün Sumqayıt şəhəri, Ceyranbatan qəsəbəsi, "MTN bağları" adlanan ərazidə qaz təchizatında fasilələr yaranacaq.Citypos.az xəbər verir ki, bu barədə Sumqayıt Regional Qaz İstismarı idarəsi məlumat yayıb."Ceyranbatanda "MTN bağları" adlanan ərazidə d89 mm-lik yeraltı qaz xəttinin yerüstü qaz xəttinə əvəzlənməsi ilə əlaqədar bu gün, saat 10:00-dan işlər yekunlaşanadək qaz təchizatı dayandırılacaq. Qaz təchizatı dayandırılan müddətdə qeyd edilən ərazidə 1 600 istehlakçının qaz təchizatında fasilə yarancaq. Qaz təchizatı avadanlıqlarını nəzarətdə saxlamağınızı və təhlükəsizlik tədbirlərinə riayət etməyinizi sizdən xahiş edirik", - məlumatda qeyd olunub....
04 Mart 2026, 10:07
