Şahin Qurbanov TƏBİB-in yeni rəhbərini “öz adamı” adlandırdı

İmişli Mərkəzi Xəstəxanasının direktoru Şahin Qurbanovun TƏBİB-in sabiq icraçı direktoru Vüqar Qurbanovla sıx əlaqələri olduğu barədə məlumat vermişdik. Hətta, yerli mətbuatda Dövlətin köklü səhiyyə strukturunu – Səhiyyə Nazirliyini gözdən salmaq məqsədilə Amerikada yaşayan jurnalistə məlumatların ötürülməsində Şahin Qurbanovun əli olduğuna dair xəbərlər yer almışdır. TƏBİB-in sabiq rəhbəri vəzifəsindən kənarlaşdırılandan bir neçə gün keçmiş Citypost.azın əməkdaşı ilə söhbət zamanı Şahin Qurbanov onu “əyyaş”, “içki düşgünü” adlandırmış, və şəxsi münasibətlərinin qətiyyətlə inkar edərək “onunla bu günədək heç bir stəkan çayda içməmişəm” demişdi. 

Xəbər verdiyimiz kimi bir neçə gün əvvəl “Tibbi Ərazi Bölmələrini İdarəetmə Birliyi” Publik Hüquqi Şəxsin Müşahidə Şurasının sədri Xaliq Əhmədovun sədrliyi ilə Şuranın iclası keçirilib. İclasda Azərbaycan Respublikası Prezidentinin 2018-ci il 20 dekabr tarixli, 418 nömrəli Fərmanının 3.3-cü bəndi rəhbər tutularaq, TƏBİB-in icraçı direktorunun vəzifəyə təyin olunması məsələsinə baxılıb. Müşahidə Şurasının qərarı ilə Anar Bayramov TƏBİB-in icraçı direktoru təyin edilib. A.Bayramov sözsüz ki, kifayət qədər təcrübəli və peşəkar bir şəxs olduğu üçün irəli çəkilərək belə mühüm posta rəhbər gətirilib. Bütün bunlara A.Bayramovun dosyesinə nəzər yetirməklə də bir daha əmin olmaq olar. O, indiyədək müxtəlif məsul vəzifələrdə çalışmaqla, tibb üzrə fəlsəfə doktorudur. A.Bayramov bir müddət Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri vəzifəsini də daşıyıb. Həmin dövrdə İmişli Mərkəzi Xəstəxanasının direktoru Şahin Qurbanov da həmin Agentlikdə çalışıb. Məhz, görünür buna əsaslanaraq Ş.Qurbanov tabeliyində olan əməkdaşlardan birinə söhbət əsnasında bildirib ki, “Anar müəllim öz adamımızdır”.

Ş.Qurbanovun kimin adamı olub-olmadığını dəqiq bilmirik. Amma, A.Bayramov kimi nüfuzlu bir şəxsin Ş.Qurbanovun adamı olmasına ağlı başında olan adam heç cür inana bilməz. Ona görə ki, eyni dövrdə kimlərinsə bir təşkilatda işləməsi, birinin digərinin adamı olması anlamına gələ bilməz. 

İnsanlar bəzən yuxularının həqiqət olmasını, bəzən isə həqiqətlərin yuxu olmasını istəyirlər. Bir zamanlar Vüqar Qurbanovun süfrəsinin aşağı başında oturmaqla qürrələnən adamlar indi onun “əyyaş” adlandırırlar. Bəlkədə belədir... Əsl həqiqəti onunla oturub-duranlar, bir zamanlar tabeliyində işləyənlərdir daha dürüst bilərlər. Amma, unutmamalıyıq ki, xaraktersiz insanın şəxsiyyəti ola bilməz. 

Mövcud məlumatı dəqiqləşdirmək üçün Ş.Qurbanovla əlaqə saxlamaq cəhdlərimiz uğursuz oldu. Məlum oldu ki, o, bilərəkdən Citypost.aza məxsus şəhər və mobil telefon nömrələrini zəng qəbul etməmək üçün məqsədli şəkildə bloklayıb. 

Müşərrəfxanım.        

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı