Ədalət Verdiyev: Onkologiya Mərkəzindəki hadisə ilə bağlı yayılan “qazi” iddiası həqiqəti əks etdirmir

Hərbi ekspert Ədalət Verdiyev sosial şəbəkədə paylaşımında Milli Onkologiya Mərkəzində baş vermiş insidentlə bağlı açıqlama verib.

Citypost.az xəbər verir ki, ekspert bildirib ki, onkoloji xəstə kimi qeydiyyatda olan, özünü və həkimi partladan 1988-ci il təvəllüdlü Mübariz Sahib oğlu Əliyevin ictimaiyyətə müharibə qazisi kimi təqdim olunması həqiqəti əks etdirmir. Ekspert qeyd edib ki, apardığı araşdırmaya əsasən, işğaldan azad edilən rayonlardan birində anadan olan Mübariz Əliyev 2006-2007-ci illərdə müddətli hərbi xidmətdə olub, lakin səfərbərlik zamanı orduya çağırılmayıb. Onun sözlərinə görə, həmin şəxs nə müharibə iştirakçısı, nə də müharibə əlilidir.

Ə. Verdiyev vurğulayıb ki, son illərdə xaricdə fəaliyyət göstərən bəzi media nümayəndələri neqativ hadisələr zamanı müharibə iştirakçılarının adını hallandırmaqla cəmiyyətdə gərginlik yaratmağa və bununla izləyici kütləsi toplamağa çalışırlar. O qeyd edib ki, bu cür yanaşma ilə guya müharibə iştirakçılarını müdafiə etdikləri göstərilsə də, əslində onların ictimaiyyətə mənfi imicdə təqdim olunmasına cəhd edilir.

Ekspert vətəndaşları yayılan bütün məlumatlara tənqidi yanaşmağa və yalnız etibarlı mənbələrə istinad etməyə çağırıb.

Həmçinin oxuyun

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Şahin Qurbanov da soyadını dəyişir?...  

Sonda o əlavə edib ki, baş vermiş hadisə xoşagəlməzdir və ümid edir ki, hüquq-mühafizə orqanları məsələni ətraflı araşdıraraq səbəb və nəticələrlə bağlı ictimaiyyətə geniş məlumat verəcək.

Yusif