SİMURQ QANADININ LƏLƏKLƏRİYDİN!  

Azərbaycanın tanınmış ədəbiyyatşünası və yazıçı-publisisti Vidadi Məmmədov 1940-ci il Noyabrın 17-də Tərtrər rayonunda   anadan olmuşdur. Orta məktəbin səkkizinci sinifini bitirdikdən sonra Məmmədovlar ailəsi Bərdə şəhərinə köçməli olurlar. Bərdəyə köçmək iki əsas səbəb üznündən baş vermişdir.Birincisi, ailənin 5 yaşlı qızı Tərtər çayında boğularaq dünyasını dəyişdiyindən, ikincisi isə orta məktəbin 9 - 10 siniflərinin olmamasından.  

Vidadi orta bəktəbin 9-10 siniflərini Bərdədə bitirdikdən sonra valideyinləri  obyektiv və subyektiv səbəblər üzündən Gəncəyə köçməli olurlar. 

Vidadi M.Ə.Rəsulzadə adına Azərbaycan Dövlət Universitetinin Filologiya fakültəsinə daxil olmuş, axırıncı kursu bitirmədən ali təhsilə əlvida demişdir. Onun istedadından heyrətə gələn müəllimlər təhsilin davam etdirilməsini Vidadidən xahiş etsələr də təəssüf ki bu iş baş tutmamışdır.

Vidadi Məmmədov 1975 ci ildən "Ədəbiyyat və İncəsənət" qəzetində müxbir kimi işə girir. Artıq ədəbi ictimaiyyətin böyük marağına səbəb olan yazıları dillər əzbəri olmuşdur. Vidadi tez bir zamanda parladı. Hamı onun xətrini istəyirdi. O, sözündə və əməlində düz olan istedadlı  publisist və ədəbiyyatşünas idi.Heç kəsin hüququnun tapdanmasıya yol verməzdi.Ədalətsizliyə qarşı amansız yazıçı idi. "Ədəbiyyat və İncəsənət" qəzetində dostlarından birinə haqsız hücum olunan zaman etiraz əlaməti olaraq Vidadi istefa verib işdən getmişdi, Bunu heç kəs etməzdi.Yalnız böyük ürək və istedad sahibləri edə bilərdi. Vidadi düz 2 il işsiz qaldıqdan sonra "Ulduz" jurnalında işə girmişdi. Bir müddət çalışandan sonra "Ədəbiyyatçılar" öz səhvlərini başa düşüb Vidadini yenidən köhə işinə dəvat eləmişdilər. O, ömrünün axırınadak  publisistika şöbəsinə rəhbərlik etmişdir.

Vidadi Məmmədovun bir oğlu və bir qızı var. Oğlu Vaqif 5 il əvvəl dünyasını erkən dəyişmişdir.

Qızı Aytən Türkiyədə yaşayır. İstanbuldakı elm ocaqlarından birində müəllim işləyir. 

Vidadi Məmmədov 8 Noyabr 1988-cu ildə naməlum şəraitdə maşın qəzasında Bakıda dünyasını dəyişmişdi.

Sən gedəli Bakı itib gözümdə,

Qəzetlərin sözü bitib gözümdə,

Ədəbiyyat kötü gedib gözümdə,

Sən əbədi dostlarımdan biriydin,

Simurq qanadının lələkləriydin!

Gözümüz axtarır - üzün görünmür,

Günün "manşet"ində sözün görünmür,

Ədəbi "bakal"ın,  "yüzün" görünür,

Sən əbədi dostlarımdan biriydin,

Simurq qanadının lələkləriydin!

Əli qələmlilər dinə bilmirdi,

Ədəbi sərhəddə girə bilmirdi,

Heç yadın iti də hürə bilmirdi,

Sən əbədi dostlarımdan biriydin,

Simurq qanadının lələkləriydin!

Sən belə istedad, belə söz idin,

Ürəklər partladan yanar göz idin,

Bir sifət, bir kəlmə, sən bir üz idin,

Sən əbədi dostlarımdan biriydin,

Simurq qanadının lələkləriydin!

Bizi gözüyaşlı tərk edib getdin,

Bəlkə də ölümə ərk edib getdin,

Bu əclaf dünyanı dərk edib getdin,

Sən əbədi dostlarımdan biriydin,

Simurq qanadının lələkləriydin!

"Çarpaz bucaqlar"da yaşadın, nə qəm?

Sözü bazarlıqda daşıdın, nə qəm?

Şaxtalı, sazaqlı qış idin, nə qəm?

Sən əbədi dostlarımdan biriydin,

Simurq qanadının lələkləriydin!

Təlatüm içində baş girələdin,

Ömür kirələdin, yaş kirələdin,

Şöhrət xəstələrin sən "şirə"lədin,

Sən əbədi dostlarımdan biriydin,

Simurq qanadının lələkləriydin!

Vəzifə ardınca qoşan dostların,

Sürətlə ayrılan dovşan dostların,

Gülü burnundakı yovşan dostların,

Sən əbədi dostlarımdan biriydin,

Simurq qanadının lələkləriydin!

Sən bir aləm idin, bir nağıl idin,

Başı itənlərə bir ağıl idin,

Həm açıqürəkli, həm "paxıl" idin,

Sən əbədi dostlarımdan biriydin,

Simurq qanadının lələkləriydin!

Saxlaya bilmədin saçında dəni,

Dostlar qəribsəyib, deyirəm yəni -

Nə isə, unuda bilmirik səni...

Sən əbədi dostlarımdan biriydin,

Simurq qanadının lələkləriydin!

Əmir Pəhləvan

Həmçinin oxuyun

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ  

Məcburi Sevginin Qurbanları…

MEYXANAYA “YOX!” DEMƏYİN VAXTIDIR!