Nadir Azəri: Üçüncü qüvvələrin prosesə daha aktiv şəkildə qoşulması ehtimalı artır 

“Yaxın Şərqdə baş verən proseslər getdikcə daha mürəkkəb və dağıdıcı xarakter almağa başlayıb. Məsələ ondadır ki, ABŞ prezidenti Donald Tramp artıq bir neçə gündür İranla, daha dəqiq desək, İranda müəyyən qüvvələrlə danışıqlar aparıldığını bəyan edir. Bunun fonunda Pakistan, Türkiyə və digər region ölkələrinin vasitəçilik təşəbbüsləri ilə bağlı xəbərlər yayılır. Hətta Pakistan ABŞ-İran danışıqları üçün öz ərazisini təklif etdiyini açıqlayıb. Lakin bütün bunlara baxmayaraq, İran rəsmi şəkildə bildirir ki, heç bir danışıqlar aparılmayıb və ABŞ tərəfindən irəli sürülən şərtlərin heç biri qəbul edilmir”.

Bu fikirləri Citypost.az-a açıqlamasında “Orta Asiya və Güney Qafqaz Söz Azadlığı Şəbəkəsi” İctimai Birliyinin sədri, siyasi şərhçi Nadir Azəri deyib.

Nadir Azəri hesab edir ki, əgər İran ABŞ və onun müttəfiqlərinə qarşı sərt mövqeyini, həmçinin körfəsdəki ərəb ölkələrinə hücumları davam etdirərsə, yəni atəşkəs əldə edilməzsə, üçüncü qüvvələrin prosesə daha aktiv şəkildə qoşulması ehtimalı artır: “Bu isə o deməkdir ki, bəzi ərəb ölkələri, xüsusilə Səudiyyə Ərəbistanı və Birləşmiş Ərəb Əmirlikləri də İrana qarşı formalaşan cəbhəyə qoşula bilər. Bununla yanaşı, regionda daha bir təhlükəli ssenari də istisna olunmur. Yəni İranın vəziyyət gərginləşəcəyi təqdirdə Bəhreyn istiqamətində hərbi-siyasi təzyiqləri artırması, hətta bu ölkəyə qarşı mümkün işğal planlarını gündəmə gətirməsi ehtimalı da nəzərdən qaçmamalıdır. Bu isə körfəz regionunda vəziyyəti daha da partlayış həddinə çatdıra bilər. Bu məqamda “Bloomberg”in öz mənbələrinə istinadən yaydığı məlumatı da xatırlatmaq yerinə düşər. Həmin məlumatda deyilir ki, ABŞ və İsrailin İrana qarşı apardığı hərbi kampaniyaya Fars körfəzindəki ərəb ölkələrinin qoşulmasının qarşısını almaq məqsədilə Türkiyə intensiv diplomatik səylər göstərir. Mənbələr qeyd edib ki, körfəzdəki ərəb ölkələri limanları, enerji obyektlərini və hava limanlarını hədəf alan İran hücumları qarşısında tədricən səbrlərini itirirlər. Eyni zamanda bundan bir neçə gün əvvəl "Wall Street Journal" (WSJ) qəzeti də, müntəzəm ballistik raket və dron hücumlarına görə Körfəz ölkələrinin İrana qarşı aparılan müharibəyə qoşulmaq niyyətində olduğunu yazmışdı”.

Baş verənlərin regionda daha dəhşətli ve genişmiqyaslı müharibəyə yol açaçağı ehtimalını artırdığını deyən N.Azəri qeyd edib ki belə bir ssenari isə uzun illərdir Qərbdəki müəyyən dairələrin hazırladığı planın reallaşmasına yəni müsəlman dünyası daxilində qarşıdurmanın daha da dərinləşməsinə səbəb ola bilər: “Bu isə nə region, nə də ümumilikdə dünya üçün arzuolunan hal deyil. Əksinə, vəziyyətin daha da gərgin və nəzarətdən çıxan bir mərhələyə keçməsi riskini artırır”.

Turan

Həmçinin oxuyun

Prezident ailəsini şantaj edən Fərid Salmanov KİMDİR?

TƏBİB Səhiyyə Nazirliyinə birləşdirilir - İslahatlar DAVAM EDƏCƏK 

"Bütövlük nəğməsi"  - Sayman Aruzun ŞEİRİ

DAHİ – Şəmsi Vəfadarın YAZISI