Nadir Azəri: WUF13 Bakını qlobal dialoq mərkəzinə çevrildiyini bir daha təsdiqlədi

“Bakıda keçirilən BMT-nin Ümumdünya Şəhərsalma Forumunun 13-cü Sessiyası – WUF13 Azərbaycanın beynəlxalq nüfuzunu və qlobal təşəbbüslərdə artan rolunu bir daha nümayiş etdirdi. Forum yalnız şəhərsalma sahəsində mühüm platforma kimi deyil, eyni zamanda beynəlxalq dialoq, əməkdaşlıq və qlobal həmrəyliyin təşviqi baxımından da mühüm siyasi əhəmiyyət daşıyan tədbir kimi yadda qaldı”.

Bu fikirləri Citypost.az-a “Orta Asiya və Güney Qafqaz Söz Azadlığı Şəbəkəsi” (CASCFEN) İctimai Birliyinin sədri, siyasi şərhçi Nadir Azəri bildirib.

Nadir Azəri qeyd edib ki, WUF13 Bakının artıq beynəlxalq tədbirlərin keçirildiyi adi məkan deyil, qlobal qərarların, strateji yanaşmaların və mühüm müzakirələrin aparıldığı etibarlı siyasi platformaya çevrildiyini növbəti dəfə təsdiqlədi: “Azərbaycan paytaxtı bu forum vasitəsilə həm yüksək təşkilatçılıq qabiliyyətini, həm də beynəlxalq əməkdaşlığa verdiyi töhfəni nümayiş etdirdi. Tədbirin hazırlıq və təşkilati səviyyəsi göstərdi ki, Bakı bu gün dünyanın ən mühüm beynəlxalq forumlarına uğurla ev sahibliyi edən aparıcı şəhərlərdən biridir. Bu baxımdan, WUF13 gələcəkdə keçiriləcək oxşar tədbirlər üçün nümunəvi model hesab oluna bilər”.

Siyasi şərhçinin sözlərinə görə, forum çərçivəsində Prezident İlham Əliyevin təşəbbüsü ilə ilk dəfə təşkil olunan Liderlər Sammiti tədbirin siyasi çəkisini daha da artırdı və şəhərsalma məsələlərini qlobal siyasi gündəliyin əsas mövzularından birinə çevirdi: “Bu sammit Azərbaycanın beynəlxalq nüfuzunun və Prezident İlham Əliyevin qlobal liderlik mövqeyinin növbəti təsdiqi oldu. Dünya bir daha şahidlik etdi ki, Azərbaycan yalnız regional deyil, beynəlxalq miqyasda da etibarlı tərəfdaş və təşəbbüskar dövlət kimi çıxış edir”.

Nadir Azəri bildirib ki, forum zamanı Azərbaycanın şəhərsalma siyasətinin mahiyyəti və prioritetləri beynəlxalq ictimaiyyətə daha aydın şəkildə təqdim olundu: “Xüsusilə işğaldan azad edilmiş ərazilərdə həyata keçirilən genişmiqyaslı bərpa və quruculuq layihələri iştirakçılar tərəfindən böyük maraqla qarşılandı. Dünya ictimaiyyəti bir daha gördü ki, Ermənistanın işğalı dövründə tamamilə dağıdılmış yaşayış məntəqələri qısa müddət ərzində müasir şəhərsalma standartlarına uyğun şəkildə yenidən qurulur. Azad edilmiş ərazilərdə həyata keçirilən “ağıllı şəhər” və “ağıllı kənd” konsepsiyaları, müasir infrastruktur layihələri və dayanıqlı inkişaf modeli Azərbaycanın gələcəyə hesablanmış strateji yanaşmasının mühüm göstəricisidir”.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

CASCFEN sədri vurğulayıb ki, WUF13 forumu Azərbaycanın sülh, quruculuq və davamlı inkişaf siyasətinin beynəlxalq miqyasda təqdimatı baxımından da mühüm rol oynadı: “Forum bir daha göstərdi ki, Azərbaycan postmünaqişə dövründə dağıntıları inkişaf və tərəqqi modelinə çevirməyi bacaran nadir ölkələrdən biridir. Bu gün Azərbaycan şəhərsalma siyasətini yalnız infrastruktur layihəsi kimi deyil, həm də sosial rifahın, təhlükəsiz qayıdışın və uzunmüddətli inkişafın əsas komponenti kimi həyata keçirir”.

Turan